121
siyasi, ictimai xadimlər, Nobel mükafatı laureatları, media
nümayəndələri, alimlər iştirak edirlər. Dünyanın 60-dan çox
ölkəsindən nümayəndələr təmsil olunur. Deyə bilərəm ki,
dünyanın intellektual elitası bu gün və sabah Bakıda öz dəyərli
fikirlərini bildirəcəkdir.
Mən bir daha, əziz qonaqlar, sizi səmimiyyətlə salamlayı-
ram. Mən bilirəm ki, qonaqlarımızın bəziləri ilk dəfə Azər-
baycana səfər edirlər. Əminəm ki, bu səfər ölkəmizlə tanışlıq
üçün gözəl imkan olacaqdır və siz öz təəssüratlarınızı qəl-
binizdə saxlayacaqsınız. Mən bilirəm ki, Bakıya bir dəfə gələn
hər bir qonaq şəhərimizə yenə qayıtmaq istəyir.
Bir daha sizi salamlayıram və forumun işinə uğurlar
arzulayıram.
* * *
M i x a i l Ş v ı d k o y (Rusiya Federasiyası Prezidentinin
beynəlxalq mədəni əməkdaşlıq üzrə xüsusi nümayəndəsi):
– Zati-aliləri, çox hörmətli İlham Heydər oğlu!
Hörmətli Mehriban xanım!
Xanımlar və cənablar!
Bakı Humanitar Forumunun işə başladığı 3 ildən bir qədər
artıq müddətdə aydın olmuşdur ki, bu forum müasir
sivilizasiyanın fundamental məsələlərinin müzakirə edilməsi
üçün ən ciddi, ən maraqlı məkanlardan biridir. Forum işti-
rakçılarının tərkibi Azərbaycanın, prezident İlham Əliyevin
beynəlxalq nüfuzuna dəlalət edir. Mən Rusiya Federasiyasının
Prezidenti Vladimir Vladimiroviç Putinin tapşırığını yerinə
yetirmək və onun foruma təbrikini oxumaq şərəfinə layiq
görülmüşəm.
122
Mixail Şvıdkoy Rusiya Federasiyasının Prezidenti Vladimir
Putinin forum iştirakçılarına təbrik məktubunu oxudu:
«XXI əsr: ümidlər və çağırışlar» Bakı Beynəlxalq Humanitar
Forumunun iştirakçılarına və qonaqlarına!
«XXI əsr: ümidlər və çağırışlar» Bakı Beynəlxalq Humanitar
Forumunun iştirakçılarını və qonaqlarını salamlamağa şadam.
Sizin forum ilbəil sərhədlərini genişləndirir, Rusiyanın,
Azərbaycanın, digər dövlətlərin ictimai həyatında əlamətdar,
gözlənilən hadisəyə çevrilir. O, məşhur siyasətçilərin, alimlərin,
yaradıcı ziyalıların diqqətini cəlb edir, beynəlxalq humanitar
əməkdaşlığın mühüm aspektlərinə dair dialoqun inkişafına
sanballı töhfə verir. Əminəm ki, qarşıdakı diskussiyaların
yekunu müasir çağırışlara cavab verən təzə, konstruktiv
ideyalar,
elm
və
mədəniyyət,
təhsil
və
kütləvi
kommunikasiyalar
sahəsində yeni mühüm təşəbbüslər
olacaqdır.
Sizin hamınıza səmərəli iş arzulayır, ən xoş diləklərimi
bildirirəm.
Vladimir Vladimiroviç Putin
Rusiya Federasiyasının Prezidenti»
K a t a l i n B o q y a y (YUNESKO baş Konfransının
prezidenti, Macarıstanın YUNESKO
yanındakı daimi nüma-
yəndəsi): Humanitar yardım azad cəmiyyətlərin irəliyə doğru
getməsinin əsasıdır. Qlobal iqtisadiyyatın mövcud olduğu bir
dövrdə dünya maliyyə böhranının gətirdiyi mənfi amillərin
qarşısının birgə alınması, dünyada ekoloji problemlərin aradan
qaldırılması, yoxsulluğun səviyyəsinin azaldılması is-
tiqamətində birgə mühüm addımların atılması zəruridir.
YUNESKO və onun missiyası insanların yaradıcı poten-
sialının inkişafına diqqət yetirir və təşkilatın çoxmədəniyyətli
platforması yeni düşüncənin formalaşdırılması və ənənəvi
təcrübədə zənginliyin əldə olunmasına çalışır. Bu sadalanan
məsələlərlə bağlı geniş fikir mübadiləsi aparmaqda Bakı forumu
123
mühüm əhəmiyyət daşıyır. Bu baxımdan Azərbaycan
YUNESKO-nun çox dəyərli tərəfdaşıdır.
Bütün dünyada olan liderlərin və görkəmli şəxsiyyətlərin bir
araya gətirilməsində Bakı Beynəlxalq Humanitar Forumu bizim
insan dəyərləri uğrunda apardığımız mübarizəyə böyük töhfə
verir. Mən Azərbaycan Prezidentinə, Azərbaycanın birinci
xanımı – YUNESKO-nun Xoşməramlı səfirinə bu xüsusi tədbiri
təşkil etdiklərinə görə təşəkkürümü bildirirəm və səbirsizliklə
istərdim ki, «dəyirmi masa»da iştirak edim. Ümidvaram ki,
«Ubuntu» prinsipinə uyğun olaraq biz fikir mübadiləsi
aparacağıq.
Sonra YUNESKO-nun baş direktoru İrina Bokovanın forum
iştirakçılarına videomüraciəti səsləndi:
– Zati-aliləri, xanımlar və cənablar!
2012-ci ilin Bakı Beynəlxalq Humanitar Forumuna müraciət
etməkdən şərəf hissi duyuram.
Mən YUNESKO-nun məqsədlərinə sadiqliyinə görə Azər-
baycanın birinci xanımı, YUNESKO-nun Xoşməramlı səfiri
Mehriban Əliyevaya xüsusi olaraq minnətdarlığımı bildirmək
istəyirəm. 2010-cu ildə təşəbbüs kimi irəli sürülmüş Bakı
Beynəlxalq Humanitar Forumu beynəlxalq təqvimdə artıq öz
yerini tutubdur.
Bizim sürətlə dəyişən dünyada meyilləri müzakirə etmək və
gələcək üzərində düşünmək məqsədilə belə bir fürsət kimi, yeni
imkanlara ehtiyacımız var. Bu forum qloballaşan dünyada elm
və mədəniyyətin oynadığı rolu, mədəni müxtəlifliyi və media
məsələlərini humanitar perspektivdən nəzərdən keçirəcəkdir.
YUNESKO humanitar təşkilat kimi, mədəni müxtəlifliyə,
innovasiyaya və davamlı inkişafa nail olmaq üçün bundan sonra
da səylərini artıracaqdır. XXI əsrdə insanları narahat edən
məsələlərə, xüsusilə planetimizin qorunması, yoxsulluq, ayrı-
seçkilik, qeyri-sabitlik kimi məsələlərə yeni tərzdə yana-
şılmalıdır. Biz çıxış yolunu birgə fəaliyyətdə görürük.Tədbirin
işinə uğurlar arzulayıram.