53
olunduğu bir neçə tam müəyyən edilmiş göstəricilər qrupu mövcuddur. Belə
göstəricilər qrupuna aşağıdakılar aiddir:
- səmərəlilik göstəriciləri;
- insan resurslarının istifadəsi göstəriciləri;
- xarici mühitin vəziyyətini xarakterizə edən göstəricləri;
- təşkilatdaxili prosesləri xarakterizə edən göstəricilər.
Strateji nəzarət sisteminin ikinci ünsürü nəzarət parametrlərinin
vəziyyətinin ölçülməsi və izlənməsi sisteminin yaradılması sayılır. Bu çox
mürəkkəb məsələdir, çünki çox hallarda onların ölçülməsi heç də sadə deyil.
Məsələn, inteqral, sinerji effektin ölçülməsi zamanı ciddi çətinliklər meydana çıxır.
Çox hallarda elə olur ki, ayrı-ayrı fəaliyyət növlərinin nəticəsini ölçmək son dərəcə
asan olduğu halda, həmin nəticələrin cəmlənməsi heç bir ölçüyə gəlmir.
Nəzarət sisteminin üçüncü ünsürü nəzarət parametrlərinin real vəziyyətinin
onların arzuolunan vəziyyəti ilə müqayisəsi sayılır. Bu cür müqayisənin aparılması
zamanı menecerlər üç situasiya ilə qarşılaşa bilərlər: arzuolunandan yuxarı real
vəziyyət; real vəziyyət arzuolunana uyğundur; real vəziyyət arzuolunandan pisdir.
Dördüncüsü, yekun ünsür-müqayisə nəticəsinin qiymətləndirilməsi və
düzəliş üzrə qərarın qəbul edilməsi sayılır. Əgər real vəziyyət arzuolunana
uyğundursa, onda adətən heç bir şeyi dəyişməmək haqqında qərar qəbul edilir.
Əgər nəzarət parametrinin real vəziyyəti arzuolunandan yaxşıdırsa, onda nəzarət
parametrinin arzuolunan kəmiyyətini artırmaq olar. Əgər nəzarət parametrinin real
vəziyyəti onun arzuolunan vəziyyətindən aşağıdırsa, onda bu kənarlaşmaların
səbəbini aşkara çıxarmaq, lazım gələrsə, təşkilatın davranışında düzəlişlər aparmaq
lazımdır. Bu düzəliş həm məqsədə çatma vasitələrinə, həm də məqsədin özünə
aiddir.
54
Fəsil 3. BİZNESİN STRATEJİ İDARƏ EDİLMƏSİ MEXANİZMİNİN
TƏKMİLLƏŞDİRİLMƏSİ İSTİQAMƏTLƏRİ
3.1.İnnovasiya tipli idarəetmə sisteminin qurulması
İnnovasiya siyasəti dövlətin sosial-iqtisadi siyasətinin tərkib hissəsi olmaqla
hakimiyyət orqanlarının elm, texnika və emi-texniki naliyyətlərin həyata
keçirilməsi sahəsində apardığı fəaliyyətin məqsədini, istiqamət və formalarını
müəyyən edir. Bu siyasətin əsasını elmi-texniki inkişafın konseptual hüquqi
əsasları təşkil edir. Fikrimizcə, həmin əsasların işlənib hazırlanması zamanı
əsaslandırılmış müddəalar elmin aparıcı sahələrinin inkişaf istiqamətlərini və
texnoloji proseslərin yeniləşdirilməsi tədbirlərini əhatə etməlidir. Bu zaman elmi-
texniki inkişafın stimullaşdırılması sisteminin təkmilləşdirilməsi, elmi-texniki
inkişafın idarə olunması metodlarının təkmilləşdirilməsi, elmin və texnikanın
prioritet inkişaf istiqamətlərinin seçilməsi, lisenziya-potent hüququ, eləcə də
intellektual
mülkiyyət
hüquqlarının
qorunması,
elmi
infrastrukturun
yeniləşdirilməsi, elmi kadrların mövcud tələblər səviyyəsində hazırlanması və s.
kimi tədbirlər diqqət mərkəzində saxlanılmalıdır. Məhz buna uyğun olaraq dövlətin
innovasiya siyasətinin əsas məqsədləri iqtisadi ədəbiyyatda aşağıdakı kimi ifadə
olunur (5, s. 38-42): innovasiya fəaliyyəti üçün iqtisadi, hüquqi və təşkilati şəraitin
yaradılması; innovasiya fəaliyyətinin stimullaşdırılmasına, habelə innovasiya
sferasında bazar münasibətlərinin və sahibkarlığın inkişafına yardım göstərmək;
innovasiya
fəaliyyətinə
dövlət yardımının genişləndirilməsi, innovasiya
fəaliyyətinin
inkişafına
yönəldilmiş
dövlət
resurslarından
istifadənin
səmərəliliyinin yüksəldilməsi; beynəlxalq bazarda vətən innovasiya məhsullarının
müdafiəsi və ölkənin ixrac potensialının inkişafı üzrə tədbirlərin həyata
keçirilməsi.
Müəssisənin fəaliyyətinin innovasiya aspekti onunla fərqlənir ki, o,
müəssisənin strategiyasının bütün qalan ünsürlərini (sahibkarlıq, istehsal, elmi-
texniki marketinq, sosial iqtisadi) özündə birləşdirir. Çünki, strategiyanın yuxarıda
55
qeyd etdiyimiz ünsürləri yeni əmtəələrin, xidmətlərin, yeni təsərrüfatçılıq forma və
metoldarının meydana çıxmasına, bəyənilməsinə və tirajının müəyyən edilməsinə
əsaslanır. Bu nöqteyi-nəzərdən innovasiya fəaliyyəti təkcə salamat qalma və
tərəqqi şərti kimi deyil, həm də müəssisənin fəaliyyətinin digər ünsürlərinin
reallaşması üçün dayaq rolunu oynayır. İnnovasiyanın strateji tərəfi bir də onda
ifadə olunur ki, o, həm də müəssisəyə bazar şəraitinə daha sürətlə uyğunlaşmağa,
öz imkanlarının yeni sahələrə və yeni bazarlara irəlilədilməsi imkanlarını artırmağa
imkan verir. Bu, hər şeydən əvvəl, uzunmüddətli dövrdə rentabelliyin və maliyyə
dayanıqlığının yüksəldilməsində meydana çıxır.
Müəssisənin səmərəli innovasiya startegiyasının seçilməsi prosesi müxtəlif
tipli yeniliklərdə özünü göstərən innovasiya fəaliyyətinin bütün formalarının
qiymətləndirilməsini nəzərdə tutur. Başlıcası ondan ibarətdir ki, innovasiya prosesi
təsərrüfat fəaliyyətinin bütün tərəflərini əhatə edir və istənilən funksional və ya
istehsal alt sisteminin tərkib hissəsi olmalıdır (3, s.190). Məsələn, müəssisənin əsas
fəaliyyət məqsədləri sırasına aşağıdakılar daxildir:
1. təyin edilmiş vaxtda müəyyən növ və həcmdə yüksək keyfiyyətli
məhsulların buraxılması;
2. elmi-texniki potensialdan istifadənin səmərəliliyinin yüksəldilməsi;
3. yeni bazarların mənimsənilməsi və artıq əldə edilmiş bazarlarda
mövqelərin möhkəmləndirilməsi;
4. istehsalın ekoloji təhlükəsizliyinin təmin edilməsi və təsərrüfat
fəaliyyətinin cəmiyyət üçün mənfi nəticələrinin aradan qaldırılması;
5. rentabelliyin və maliyyə sabitliyinin təmin edilməsi;
Bütün bunlar innovasiya və investisiya strategiyalarının işlənib hazırlanması
zamanı nəzərə alınmalıdır.
Yuxarıda qeyd edilən məqsədlərdən birincisi məhsulların özünün və onların
istehsalı texnologiyasının təkmilləşdirilməsini, yeni məlumat və proseslərin
mənimsənilməsini nəzərdə tutur. Bu, ən azı əsas faəliyyətin maliyyə nəticələrinin
aşağı düşməməsinə və onun biznesi üçün xarici mühitin dəyişməsi halında
müəssisənin bazar möqelərini qoruyub saxlamağa imkan verir. İkinci məqsədə nail
Dostları ilə paylaş: |