Dərin müsahibələr
Ən məşhur və ən çox istifadə edilən keyfiyyət metodu dərin müsahibələrdir. Bu müsahibə zamanı suallardan istifadə olunur,cavabı birmənalı "hə" və ya "yox" deyil, ətraflı cavabdır. Proqramın təsirini qiymətləndirmək üçün çox vaxt dərin müsahibələrdən istifadə olunur. Keyfiyyət metodu ilə hazırlanan tədqiqatlarda araşdırılan hadisə və ya fenomen haqqında dərin qavrayışa nail olmaq üçün səy göstərilir (Morgan, 1996)
Dərin müsahibə müsahibə götürən şəxs tərəfindən əvvəlcədən müəyyən edilmiş plana uyğun olaraq aparılan və respondentləri tədqiqatçını maraqlandıran bir sıra məsələlər üzrə uzun və hərtərəfli müzakirələrə sövq edən üsullardan istifadə əsasında aparılan qeyri-rəsmi şəxsi söhbətdir. Müsahibə təkbətək keçirilir və 30 dəqiqədən 60 dəqiqəyə qədər davam edir. Müsahibə zamanı respondentin şəxsi fikri, inancları və dəyərləri araşdırılır. Dərin müsahibələr çox vaxt apara bilər və bəzi cavabları şərh etmək bəzən çətin olur.Dərin müsahibənin aparılması müsahibə verəndən müəyyən bacarıqlara malik olmasını tələb edir. Müsahibin qərəzinin tədqiqatın yekun nəticəsinə təsir etmə ehtimalı yüksək olduğundan müsahibənin təcrübəli müsahibə aparması vacibdir. Müsahib bütün lazımi təfərrüatları toplamalı və eyni zamanda öz fikirləri ilə respondenti çaşdırmamalıdır.
Dostları ilə paylaş: |