Янги солиқлар ва бошқа мажбурий тўловлар белгиланишини, имтиёзлар тўлиқ ёки қисман бекор қилинишини, солиқ солинадиган база оширилишини назарда тутувчи солиқ тўғрисидаги қонун ҳужжатлари улар расмий эълон қилинган пайтдан эътиборан камида уч ой

1. Soliqqa tortishning adolatparvarlik tamoyili. Bu tamoyil soliqqa tortishning ommaviy bo’lishini va soliqlarning fuqarolar daromadlariga qarab taqsimlanishini ifoda etadi.
2. Soliqqa tortishning aniqlik tamoyili. Bu tamoyilga asosan har bir soliq to’lovchiga soliqlarni hisoblash usuli to’lash vaqti oldindan ma‘lum bo’lishi kerak.
3. Soliqqa tortishning qulaylik tamoyili – soliq to’lovchilar uchun soliq to’lash eng qulay bo’lgan muddatlarda va usullarda undirilishi kerak.
4. Soliqqa tortishning arzonligi tamoyili. Bu soliqlarni undirishga doir harajatlarning eng kam miqdorda bo’lishi kerakligini anglatadi.
Yuqorida sanab o’tilgan tamoyillar “Temur tuzuklari”da, o’sha davr xususiyatlarini ko’zda tutib, shakl jihatidan boshqacha ifodalangan bo’lsada, mazmun jihatidan ularning bir-biriga mosligini tushunish mumkin.
O’zbekiston Respublikasi Soliq Kodeksining 5-, 11-moddalarida soliqqa tortishning quyidagi tamoyillari belgilab qo’yilgan: soliq solishning majburiyligi, aniqligi, adolatliligi, soliq tizimining yagonaligi, soliq to’g’risidagi qonun hujjatlarining oshkoraligi va soliq to’lovchining haqligi prezumptsiyasi.
Soliq to’g’risidagi qonun hujjatlarining qoidalari ushbu Kodeksda belgilangan printsiplarga zid bo’lishi mumkin emas.
Soliq solishning majburiyligi printsipi – bu har bir shaxs ushbu Kodeksda belgilangan soliqlar va boshqa majburiy to’lovlarni to’lashi shart.
Hech kimning zimmasiga ushbu Kodeksda nazarda tutilmagan yoki uning normalari buzilgan holda belgilangan soliqlar va boshqa majburiy to’lovlarni to’lash majburiyati yuklatilishi mumkin emas.
Soliq solishning aniqligi printsipi - soliqlar va boshqa majburiy to’lovlar aniq bo’lishi kerak. Soliq to’g’risidagi qonun hujjatlari har bir soliq to’lovchi qaysi soliqlar va boshqa majburiy to’lovlarni, qachon, qancha mikdorda hamda qay tartibda to’lashi kerakligini aniq biladigan tarzda ifodalangan bo’lishi kerak.
Soliqlar va boshqa majburiy to’lovlarni belgilashda, agar ushbu Kodeksda boshqacha qoida nazarda tutilmagan bo’lsa, soliq to’lovchilar, shuningdek soliqlar va boshqa majburiy to’lovlarning elementlari aniqlangan bo’lishi kerak.