21
Kəndin vətənpərvər oğulları razı olmurdular ki, Süleyman kişi yaşda olanlar əlinə
silah alsınlar. Amma Süleyman kişi öz silahı ilə düşmənlə üzə-üzə dayanırdı.
Süleyman kişi evini həyət-bacasının Ballıqayadan bir kiçik çay ayırırdı.
Döyüşlər qızışanda erməni quldurları kəndə hücum eliyəndə Süleyman kişinin
evini oda qalayırdılar. Buna baxmayaraq Süleyman kişi öz isti ocağından, həyət-
bacasından çıxmırdı. Süleyman kişi elə öz həyətində quldur gülləsindən ağır yara
aldı. Bu xeyirxah, insanpərvər adam 1992-ci ilin mart ayında vətən, torpaq uğrunda
ağsaqqal yaşında şəhid oldu. Süleyman kişi, həmişə ağız dolusu danışdığın bacın
oğlu Azərbaycanın Milli Qəhrəmanı kimi ad qoyub əbədiyyətə qovuşan Nadirin,
yeznən İnqilabın şəhid olduğunu yaxşı ki, görmədin.
Məzarı Əlicalı kəndindədir.
BĠZ DƏMĠRYOLÇU OLACAĞIQ
Məzahir Məhərrəm oğlu Həsənov:
Zahid Qulu oğlu Süleymanov.
Neçə il əvvəl Sırxavənd kəndində hər
səhər məktəbə əli çantalı iki uşaq tələsirdi.
Zahidlə Məzahir.
Orta məktəbi başa vurduqdan sonra
ürəklərində baş qaldıran arzuları da bir oldu.
Zahid Qulu oğlu Salmanov 1966-cı ildə anadan olub. Zahid körpə ikən
atasını itirmişdi. Ailədə yaranmış vəziyyətə görə dayısı Məhərrəm Zahidi öz
himayəsinə götürmüşdü. Orta məktəbi qurtardıqdan sonra əsgərliyə çağrılır. Və
Uralda daxili qoşun hissəsində öz borcunu yerinə yetirir. Zahiddlə uşaqlıqdan baş
qaldıran arzusu onu Qazaxıstan Respublikasındakı Dəmir yol texnikumuna apardı.
Zahid həm işləyir, həm də təhsilini davam etdirirdi. Qarabağda cücərən hadisələr
haqqında Moskva televiziyası ilə verilən xəbərləri eşitdikdə bu mətbuat
səhifələrindəki yazırları oxuduqca çox narahat olurdu. Tez-tez məktub yazır,
telefonla əlaqə saxlayırdı. Nəhayət, dəmiryolçu diplomu ilə Vətənə qayıdır.
Zahid doğma kəndinə qayıdanda artıq erməni kəndlərinin əhatəsində
yerləşən Sırxavəndin də səksəkəli, narahat günləri başlamışdı. Zahid həmyaşıdları
ilə birlikdə kəndin müdafiəsində durur, erməni quldurlarının təxribatlarının
qarşısını alır, çətin məqamlarda soyuqqanlılığı, cəsarəti ilə fərqlənirdi. Kəndin
üzərinə olan hücumlarda Zahid qorxmazlığı ilə əlbəyaxa döyüşdə neçə-neçə
erməni quldurunu məhv etmişdi. Zahid kənddəki özünümüdafiə batalyonunun ən
təcrübəli, bacarıqlı səriştəli döyüşçüsü kimi hamının hörmətini qazanmışdı.
Zahid Salmanov Bakıya hərbi kursa göndərilir. Altı aylıq hərbi təlim
keçdikdən sonra zabit kimi Kəlbəcər bölgəsinə göndərilir. Zahid komandanlığı
tərəfindən dəfələrlə bütün əsgərlər qarşısında göstərdiyi şücaətlərə görə nümunə
göstərilmişdir. O, söz düşəndə deyərdi ki, bizim Sırxavənd kəndi də dağlar
22
əhatəsində yerləşir. Elə Ural dağlarında hərbi təlimdə olanda da birincilər sırasında
idim. Kəlbəcərin dağlarında, qayalarında, dərələrində döyüşmək mənə çətin deyil.
Zahidgilin bölməsinə Kəlbəcər-Ağdərə istiqamətində irəliləmək tapşırığını
vermişdilər. Dəfələrlə bu istiqamətdə kəşfiyyata çıxmış, düşmənin mövqelərini
dəqiqliklə öyrənmişdi. Ağdərə rayonunun Çapar, İmarət-Qərvənd; Aterk, Qozlu,
Qızılqaya kəndlərinin erməni quldurlarından təmizdənməsində igidliklər
göstərmişdir. Döyüşlərin birində qarın nahiyəsindən ağır yaralanan Zahid müalicə
olunandan sonra yenə də “N” hərbi hissəsinə qayıtmış və döyüşə atılmışdır.
Məzahir Məhərrəm oğlu Həsənov 1968-ci ildə doğulmuşdur. Orta məktəbi
qurtardıqdan sonra Bakı Dəmir Yolu Texnikumuna daxil olmuşdu. Birinci kursda
hərbi xidmətə çağrılmışdı. Uzaq Şərqdə 6 aylıq hərbi kursda olub, hərbi texnikanın
sirlərini öyrənir. Dəfələrlə valideynlərinə hərbi hissənin komandanlığı tərəfindən
təşəkkür məktubu göndərilib.
Uzaq Şərqdə iki illik hərbi xidmətini başa vurduqdan sonra Məzahir
təhsilini davam etdirir və 1990-cı ildə Bakı Dəmir Yolu Texnikumunu əla
qiymətlərlə başa vurur. Onun təlimatını Bakı şəhəri Dəmir yolu idarəsinə verirlər.
Lakin kənddə yaranmış vəziyyətlə bağlı doğma yurdu Sırxavəndə qayıtmağa çalışır.
Çox keçmir ki, Məzahir təyinatını Ağdam tikinti trestinə alır. Kəndə gələn Məzahir
gündüz kənddə inşa edilən sosial tikintilərdə işləyir, gecələr isə postlarda dururdu.
Müxtəlif cəbhələrdə döyüşən Zahidlə tez-tez əlaqə saxlayır, görüşündə
keçdikləri döyüş yolundan danışırdılar. Məzahir Ağdam, Zahid isə Kəlbəcər
bölgələrində dəfələrlə düşmənlə üz-üzə gəlmişdilər. Dayı oğlu, bibi oğlu hərdən
toylarını bir yerdə edəcəklərindən söhbət açırdılar.
Son dəfə valideynləri məskunlaşdığı Kəngərli kəndində görüşmüşdülər.
Bütün gecəni yatmayıb, səhərə kimi söhbət etmişdilər. Sübh tezdən isə hər ikisi
cəbhə xəttini yollanırlar.
1992-ci il iyulun 7-də dörd nəfər yoldaşı ilə birlikdə Məzahirə istehkam
qurmaq tapşırığı verirlər. Bu tapşırığı yerinə yaterərkən qəhrəmancasına həlak olub.
Həmin gün Sırxavəndlilər igidini torpağa tapşırdı.
Ağdərə torpaqlarının erməni quldurlarından təmizlənməsində Zahidin adı-
sanı hər tərəfə yayılmışdı. Dəfələrlə ölümlə üz-üzə gələn Zahid qardaşının qanını
yerdə qoymamaq üçün düşmənin texnikasını məhv etmişdi. İki dost, eyni əqidə
yolçusu olan bu igidlər hər ikisi yayda şəhid olub.
Zahid Qulu oğlu Salmanovun son döyüşü Ağdərədə oldu. Payızada
dünyaya gələn Zahid 1993-cü ilin yayında əbədiyyətə qovuşdu.
Vətənin azadlığı, müstəqilliyi, bütövlüyü uğrunda şəhid olan el
oğullarımızın ruhu düşməndən qisas alacaq.
Məzahir Salahlı Kəngərlidə, zahid isə Bakıdakı Şəhidlər Xiyabanında
dəfn edilib.