504
XVI
KÖNÜL HÜCRƏSİNDƏ
Görəsən, insan kamalı sayəsində xariqələr
yaratmaq qüdrətində olan nə qədər adamlar
başını bostanda işlədir, ömrü boyu bir qarpızı o
birindən seçə bilməyənlərin də nə qədəri
saraylarda, məbədlərdə yer tuturlar.
Xacə Nəsirəddin TUSİ
(XIV yüzil)
498. Bir-birindən seçilməyən günlər məni darıxdırmırdı, ona
görə ki, səhərin açılıb, axşamın düşdüyünü ancaq günün əlamət-
lərindən, qulağıma çatan səslərdən bilir, vəfalı Qütbəddinin əzab
çəkdiyinisə danışığından, nəfəsindən, gizlicə çəkdiyi ahlardan
duyurdum. Qət elədim ki, qış düşüb yol-riz çətinləşməmiş onu
dilə tutub Təbrizə göndərim. Artıq bundan ötrü əlaltından ha-
zırlıq da görmüşdüm: aradabir həyətdə oturub özümü havaya
verəndə yanıma gələn, ordan-burdan söhbət eləyən Kərbəlayı
Mahmudla ünsiyyət yaratmışdım, bir dəfə dərdimi ona açdım,
mənə halal, abırlı bir həyan tapmasını istədim. Şahımızın və Xa-
nımızın xidmətində olduğumu biləndən mənə hörmətlə, bir az da
ehtiyatla yanaşan Kərbəlayı Mahmud söz verdi, istədiyim adamı
tapdı, aylıq-illik haqqını danışıb-barışdı, üstəlik, hücrələrindən
birində qalan iki təbrizli tacirin üç gündən sonra yola çıxa-
caqlarını xəbər verdi. Əlbəttə, Qütbəddinlə vidalaşmaq üçün
bundan yaxşı fürsət yarana bilməzdi. Amma vəfalı yol yolda-
şımı dilə tutmaq o qədər də asan olmadı, axırda yalvarışa keç-
dim, özümə yeni həyan tapdığımı söylədim. Axır ki, Qütbəddin
gerçəkliklə barışıb çar-naçar razılaşdı. Şahımızın bəxşişi olan,
Muğan çölündəki görüşümüzdən bəri sandığımda yatıb qalan
bir dəst şahanə paltarı, halallıq haqqını qəbul etdirməyim də
o qədər asan olmadı. İstanbulda bir zərgərdən sərfəli qiymətə
505
aldığım, üstündə Qurandan ayə yazılmış gümüş üzüyümü də
ona yadigar verdim. Miniklərdən ancaq öz atıyla qatırını götür-
dü, təbrizli tacirlərlə də yol yoldaşlığı barədə danışdı. O gecəni
dirigözlü açdıq, Qütbəddinə Təbrizdə Mirzə Hüseynə və Mirzə
Qulama Ərdəbildə Mirzə Kəmaləddinə yetirmək üçün namələr
yazdırdım. Çox istəyirdim ki, bu iki abırlı adam bir-birinə rast
gəlsin, Qütbəddin könül sirdaşımın qızıyla evlənib köç-külfət
yiyəsi olsun. Səhər obaşdan vidalaşmağımız da əsl müsibət oldu,
qucaqlaşıb ağlaşdıq, bir-birimizin sinəmizi-çiynimizi göz yaşıy-
la islatdıq. Şübhəsiz, vəfalı Qütbəddinin yola necə düzəldiyini
görmədim, amma qəfildən elə rahatlandım ki, elə bil, cənnətə
düşmüşdüm – onun cavan ömrünün qiymətli günlərini mənə
sərf eləməsilə bağlı vicdan əzabından qurtulmuşdum.
499. Yeni həyanım Kərim adlı on beş-on altı yaşlı yeniyetməydi,
Kərbəlayı Mahmudun uzaq qohumlarındadı, başlıcası fağır, dili-
ağzı özündə, Allahdan qorxan bəndəydi, Qütbəddinin yatağında
yatır, öz borcunu abırla yerinə yetirir, bir söz soruşmasam, dinib-
danışmırdı. Ondan razı qalmışdım, çünki öz içimlə əlləşməyimə
mane olmurdu, çölümdənsə bir ildən artıqdı ki, xəbərim yox idi,
daha doğrusu, zahiri dünyamı təkcə səslər, nəfəslər, təmaslar
vasitəsilə «görürdüm». Barmaqlarım kütləşmiş, qələmi unut-
muşdu, hərdən zərif kağıza toxunmaq, lələk qələmi götürmək,
mürəkkəbə batırmaq, kağız üzərində axıb getmək istəyirdi. Amma
bütün bunlar artıq keçmişdə qalmışdı, gecələr şam, gündüzlər
gün işığında könlümdən keçənləri sözlərə çevirmək, sətirlərə
düzmək səadətini daha yaşamayacaqdım, bundan sonra ancaq
söylədiklərimi başqa bir kimsə qələmə ala bilərdi, o kimsəni
tapmağı da Kərbəlayı Mahmuddan təvəqqe eləmişdim. Az qala,
yetmişi haqlamışdım, Allahın nə qədər möhləti qaldığını bil-
mirdim, istəyirdim, bu fani dünyayla vidalaşmamış, heç olma-
sa, yaddaşımdakıları kağıza köçürtdürüm, uşaqlıq yaşantılarımı,
qəfil faciəmizi, yad mühiti, uzaq məmləkətləri, bitib-tükənməyən
yolları, o yollarda olmuşları ipə-sapa düzüm, yəni yazıb sandığı-
ma yığdığım parçaları bir-birilə bağlayım, çatışmayan məqamları
diktə eləyim, möhlətim tükənməmiş ortaya həyat hekayəmi, bu-
nunla yanaşı, görüb-eşitdiklərimi qoyum. Yazdıqlarım yəqin bir
insaflı Allah bəndəsinin əlinə keçər, o da oxuyub üzrə çıxarar,
506
ən azı, özümdən sonra yalan dünyada bir izim qalar. Şübhəsiz,
bu vaxtacan saysız-hesabsız kitablar yazılıb, bundan sonra da
yazılacaq, mən bilən, Mirzə Mehdi də Şahımızdan kitab yazır,
bu gedişlə Məhəmməd Kazımın da nəsə yazacağına inanıram.
O sırada, əlbəttə, mənim yazdığım daha çox özümə məxsus
olacaq, onu cavan Xanımıza göndərməyə dəyməz. Qismətimdə
varsa, yazdığım itib-batmayacaq, məqamı çatanda üzə çıxacaq.
Əlbəttə, tarixdə qalmaq iddiasında da deyildim, İsgəndər Mün-
şi, Övliya Çələbi, Rəşidəddinlə bir cərgədə dayanmaq fikrimdə
yox idi, mən məmləkətin, xanədanın tarixini yox, öz taleyimin
keşməkeşlərini qələmə almaq istəyirdim.
500. O yeknəsəq payız günlərindən birində Mirzə Mehdi-
nin üçüncü naməsini aldım. Amma nə çapar oxumaq bilirdi,
nə də yaxın ətrafda savadlı bir kəs tapıldı. O gecə namə açarı
itmiş sehrli sandıq kimi qaldı, üstəlik, elə bil, itirəcəyimdən
qorxurdum, əvvəlcə xeyli müddət əlimdə saxladım, sonra yastı-
ğımın altına qoydum. Ömrümün, az qala, əlli ilini tərcümanlıq,
mirzəlik, salnaməçilik eləmiş, sandıq-sandıq kitabları dönə-dönə
oxumuş adamın indi bir qarışlıq kağızı oxumaqdan məhrum
olması sinəmi dağ-dağ elədi. Bu da taleyin işiydi, olub-keçənlə
barışmışdım, kürkçünün, çarvadarın oğlunu səltənətə ucaldan
qüvvə səltənətdəkini də zindanlar küncündə boğdurur. Səhəri
gün vəziyyətdən xəbər tutan Kərbəlayı Mahmud buyruqçu Mur-
tuzəlini göndərib xanın dəftərdarı Mirzə Tahiri gətirtdi, o da
naməni oxuyub məzmunundan məni hali elədi. Mirzə Mehdi
həmişəki kimi həmd-sənadan sonra yazırdı, Tabasaranda, Qub-
den yaxınlığında, Şahımızın «İran-i xarab» adı verdiyi ordu-
gahdayıq, hələ ki dağlıları itaətə gətirmək mümkün olmayıb.
Yazırdı, ləzgilər, qaraqaytaqlar, avarlar tez-tez qoşunlarımıza,
gözətçi dəstələrimizə basqın eləyirlər, kumıklar bizə at və ərzaq
satmaq istəmirlər, tələf olanların, yaralananların sayı get-gedə
artır, üstəlik, istidən və sudan uğan dəstələri vəba xəstəliyinə
tutuldular, Şahımız xəstələnənləri Buynağa göndərməyi əmr
elədi. Yazırdı, hökmdarımızın avarlara və kumıklara dərs vermək
niyyəti də rus qoşunlarının yaxınlaşması səbəbilə baş tutmadı,
qoşunumuz Ağquşu, Quraişi ələ keçirsə də itkilərimizin çoxluğu,
Əhməd xanın Avarıstana qaçması Şahımızın hüdudsuz qəzəbinə
Dostları ilə paylaş: |