27. Fuad Raif (Kösoraif) bəy (1872-1949) türk dilindən bütün
yabançı sözlərin çıxarılmasını irəli sürən təmizləməçilərin öncüllə
rindən (liderlərindən) biridir. Fuad Raif bəy 1909-cu ildən nəşrə
başlayan «Türk Dəməyi» jurnalında öz görüşlərini təbliğ edən ya
zılar ilə fəal iştirak edirdi. Sonralar o, mövqeyini bir qədər yumşal
tdı.
28. Təsfiyəçilik. Ərəbcə «təsfiyə (tasfiyə)» sözündəndir. Ço-
xanlamlıdır. «Təsfıyə»nin bir anlamı da «saflaşdırma», «arıtma»,
«durulaşdırma», «təmizləmə»dir. Yəni hər hansı bir şeyin, bir
ictimai hadisənin başqa, yabançı ünsürlərdən təmizlənməsi.
Z.Göyalp da bu anlamda işlətmişdir. «Təsfiyəçi» dedikdə isə bu
cür təmizləmə işinin tərəfdarı başa düşülür. Buna görə biz «təsfiyə-
çi»nin qarşılığı olaraq «ləmizləməçi» sözünü işlətdik. «Təsfiyəçiliy-
in» qarşılığı isə «təmizləməçilik» olur. Söhbət dildən getdikdə, yəni
«dildə təsfıyəçilik-tomizloməçilik» dedikdə isə dilin başqa, yabançı
ünsürlərdən təmizlənməsi işi başa düşülür. «Saflaşdırmaçılıq»,
«saftürkcəçilik», «an dilçilik» də bu anlamdadır.
29. Ekseranto: bütün millətlərin asanlıqla istifadə edə bilməsi
üçün 1887-ci ildə polyak həkim L.Zamenhof tərəfindən yaradılmış
süni dil, «Esperanto» ispancadır, L.Zamenhofun ləqəbi idi (dok
tor Esperanto).
30. Qəzetçi və yazıçı Ali Kamal (1869-1922) İstanbuldakı
siyasi fəaliyyətinə görə 1889-cu ildə Hələbə
sürgün edilmiş və orada
beş il müəllimlik etmişdi. İstanbula qayıtdıqdan sonra, 1894-cü
ildə Parisə qaçdı. Oradan Brüsselə, sonra Qahirəyə gəldi. Qahirədə
olarkən orada «Türk» qəzetini nəşr etməyə başladı. Əli Kamal İs
tanbulda çıxan «İqdam» qəzetində də yazılar dərc etdirirdi.
1908-ci ildə stanbula qayıtdı. «İttihad və Tərəqqi» partiya
sına qarşı çıxdı, «Iqdam»da partiyanı tənqid edən yazılar çap et
dirdi. O, milli-azadlıq hərəkatına və onun öncülərinə-liderlorino də
mənfi münasibət bəsləyirdi. Türkçülərə qarşı çıxan Əli Kamal mil
li-azadlıq hərəkatının qələbəsindən sonra yaxalandı və 1922-ci ilin
noyabr ayında İzmitdə Linç mühakiməsi ilə cəzalandırıldı.
31. Görkəmli tarixçi, yazıçı və siyasi xadim Yusif Akçura
1876-cı ildə Simbirskdə anadan olmuşdur. Kiçik yaşlarında atasını
itirdikdən sonra, 1883-cü ildə anası ilə birgə İstanbula gedir.
İstanbulda ilk və orta təhsil aldıqdan sonra ali hərbi məktəbə girdi.
Təhsil illərində Avropadakı Gənc Türklər ilə əlaqəsinə görə Liviy
aya, Tripoli şəhərinə sürgün edildi. Ancaq oradan Parisə (yoldaşla
rı Əhməd, Fərid və Zühdü ilə birlikdə) qaçır. Parisdə siyasi elmlər
məktəbinə girir. Bu təhsil illərində Gənc Türklərin Paris və Qahi
152
rədə çıxan «Məşvərət» və «Şurayi-Ümmət» qəzetlərində tez-tez çı
xış edir.
Yusif Akçura Parisdə təhsilini başa çatdırdıqdan sonra Ka
zana gəldi. Kazanda olarkən özünün ünlü «Üç tərzi-siyasət» (Üç
siyasət yolu) adlı məqaləsini Qahirədə çıxan «Türk» qəzetində nəşr
etdirdi: Bu məqalədə Osmanlıçılıq, tslam birlikçiliyi və Türkçülük
axımları (cərəyanları) araşdırılır və ən doğru yol kimi sonuncu gö
stərilirdi. Yusif Akçura İsmail bəy Qaspıralınm «Tərcüman» qəze
tində də fəal çıxış edirdi.
1908-ci ildə yenidən İstanbula qayıdır və burada həmin il
Nəcib Asim, Əhməd Midhəd, Əmrullah əfəndi, Vələd Çələbi, Bur-
salı Tahir; Qorxmazoğlu Cəlal,
Əhməd Fərid, Fuad Raif, Rza To
fiq, Müvərrih Arif və Akyigidoğlu Musa ilə birlikdə ilk Türkçü
təşkilat olan «Türk Dəınəyi»nin yaradılmasında iştirak edir. Uzun
müddət «Türk Yurdu» jurnalının («Türk Ocağı» cəmiyyətinin or
qanı) redaktoru oldu.
Yusif Akçura Türkiyə milli-azadlıq hərəkatında (1918-1922)
fəal iştirak eldi. İstanbulda, Ankarada Üniversitetin hüquq fakül
təsində tarixdən dərs dedi. Türkiyə Böyük Millət Məclisinə seçildi.
1932-1935-ci illərdə Türk tarix qurumuna başçılıq etdi.
Olduqca dəyərli əsərlərin müəllifidir: 1. Şurayi ümmətdə çı
xan məqalələrim (1910); 2. Üç tərzi-siyasət (1911); 3. Siyasət və iq
tisad (1924); 4. Türk, german və slavyan xalqları arasındakı müna
sibətlər və s.
Böyük şəxsiyyət olan Yusif Akçura 1935-ci ildə İstanbulda
öldü.
32.
Azərbaycanın böyük mütəfəkkirləri Əhməd bəy Ağaoğlu
Parisdən 1893-cü (başqa bir bilgiyə görə 1894-cü) ildə, Əli bəy
Hüseynzadə isə 1904-cü ildə İstanbuldan Bakıya gəldi. Əli bəy İs
tanbul ali hərbi tibb məktəbində, Əhməd bəy isə Parisdə hüquq
məktəbində və Sarbonna Universitetində təhsil almışdı. Əhməd
bəy Ağaoğlu 1897-ci ildə «Kaspi» qəzetinin redaktoru olur. 1905-
ci ildə isə Əli bəy Hüesynzadə və Əhməd bəy Ağaoğlu «Həyat»
qəzetinin redaktoru olurlar. Ancaq tezliklə birgə əməkdaşlıqdan
ayrılırlar. Əhməd bəy 1909-cu ilə qədər «İrşad» və «Proqrcs» («Tə
rəqqi») qəzetlərinin redaktoru, Əli bəy isə «Kaspi»nin müvəqqəti
redaktoru kimi çalışırlar. Əli bəy bir qədər sonra «Füyuzat» jurna
lının nəşrinə başçılıq edir. 1908-ci il Gənc Türklər inqilabından
sonra hər ikisi də (Əhməd bəy 1908 və ya 1909-cu ildə, Əli bəy -
1910-cu ildə) Türkiyəyə qayıtdı. Bakıda onlar milli şüurun oyan
ması və inkişafı yolunda qızğın fəaliyyət göstərmişdilər.
153