n
İNNovaSİya İQTİSaDİyyaTI
UOT 316.422:336.221.(479.24)
İNNovaSİya İQTİSaDİyyaTININ
FormaLaŞmaSININ bƏZİ İQTİSaDİ
vƏ İNSTİTUSİoNaL aLƏTLƏrİ
Xülasə
Tədqiqatın məqsədi – Azərbaycanda innovasiya iqti-
sadiyyatının formalaşmasının bir sıra iqtisadi - vençur
maliyyələşməsi, vergi güzəştləri və müəssisələr arasında
elmi-texniki mübadilədən səmərəli istifadə və ümumi
təyinatlı institusional alətlərin tədqiqi.
Tədqiqatın metodologiyası – sistemli yanaşma, mü -
qayisəli təhlil.
Tədqiqatın nəticələri – innovasiya iqtisadiyyatının
formalaşmasının vergi güzəştlərinin, müəssisələr ara -
sında elmi-texniki mübadilənin və vençur maliy yələş -
məsinin səmərəli istifadəsinə dair təkliflər verilmişdir.
Tədqiqatın məhdudiyyətləri – vergi stimullaşdır-
manın, vençur maliyyələşdirmənin və elmi-texniki
mübadilənin innovasiya iqtisadiyyatının formalaşmasına
təsirini daha da artırmaq üçün onları elmi cəhətdən daha
geniş əsaslandırmaq tələb olunur.
Tədqiqatın praktiki əhəmiyyəti – innovasiya iqti-
sadiyyatı ilə bağlı vençur maliyyələşdirməsi, vergi sti -
mullaşdırılması və elmi-texniki mübadilənin səmərəli
istifadəsi istiqamətindəki tədqiqatlarda elmi mənbə kimi
istifadə imkanlığı.
Tədqiqatın orijinalığı və elmi yeniliyi – Azərbaycan
Respublikasında innovasiya iqtisadiyyatının formalaş-
masına müsbət təsir göstərən vergi stimullaşdırmanın,
vençur maliyyələşdirmənin və elmi-texniki mübadilənin
alətlərinin müəyyən edilməsi və elmi cəhətdən
əsaslandırılması.
Açar sözlər: innovasiya iqtisadiyyatı, innovasiya
prosesi, vergi stimullaşdırılması, elmi-texniki mübadilə,
vençur maliyyələşməsi.
səh. 101-116
Məmməd-zadə Emin
Eldar oğlu
i.f.d., dos.
AMEA-nın İqtisadiyyat İnstitutu
AZ 1133, Bakı ş., H.Cavid prospekti,
115.
e_mamedzade@mail.ru
6(120) /2014
101
PDF processed with CutePDF evaluation edition
www.CutePDF.com
1.Giriş
Müasir dövrdə elm və innovasiya təkcə ictimai inkişaf prosesi kimi deyil, eyni
zamanda bəşəriyyətin təkamül prosesinin istiqaməti kimi də diqqəti cəlb edir. De -
yilənlərlə əlaqədar qeyd etmək lazımdır ki, biliklərin istehsalı, ötürülməsi və istifadə
olunması sosial iqtisadi inkişaf texnologiyasının əsasını təşkil edir. Şübhəsiz elmi
və innovasiyalı inkişafın dinamikası bilik və texnologiyaların ötürülməsinin təşkili
prosesinə görə müəyyənləşdirilir. Sözügedən proses digər sözlərlə ifadə olunduqda,
texnologiyaların transferi də adlandırıla bilər. Burada söhbət təkcə istehsal proses-
lərindən getmir. Adı çəkilən proseslərə sosial inkişaf, bazar münasibətləri, siyasi
sferada idarəetmə və s. daxil edilə bilər. Bu səbəbdən də yeniliklərdə təcəssüm ol-
unmuş biliklərin ötürülməsi və istifadəsi ilə əlaqədar bütün hadisə və təzahürlərə
uyğun vahid metodiki yanaşmanın tapılması məqsədəuyğun hesab oluna bilər. Digər
tərəfdən isə bütün ölkələrdə sosial iqtisadi inkişafla əlaqədar mövcud şəraitin qeyri
sabitliyi də nəzərə alınmalıdır.
Bü gün hər bir şəxs tərəfindən qəbul olunmuş fakt kimi qeyd oluna bilər ki, in-
novasiyalı inkişaf iqtisadiyyatın optimal formalaşmasının əsası kimi çıxış edir. Lakin
nəzərə almaq lazımdır ki, bu prosesin qanunauyğunluqları tam və aşkar olaraq, hələ
də müəyyənləşdirilməyib. Problemin metodoloji aspekt lərini araşdıran zaman məlum
olur ki, burada diqqət birinci növbədə üç məqam üzərində cəmləşdirilməlidir.
Birincisi, dövlətin istifadəsində iqtisadi sistemi çərçivəsində müəyyən müddətdə
bəzi problemlərdən (sosial, siyasi, istehsal xarakterli problemlər olmasından asılı
olmayaraq) yaranan ziddiyyətlərin səmərəli həlli üçün uyğun (münasib)
texnologiyalar olmur.
İkincisi, bəzən münasib (relevant) texnologiyaların olmasına baxmayaraq,
mövcud elmi-texniki və innovasiya potensialı onlardan səmərəli istifadə olunmasına
imkan yaratmır. Üçüncüsü, relevant texnologiyaların digər ölkələrdən idxalı bəzi
şəraitlərdə (ölkə, region, sahə) uğurla nəticələnsə də, yeni şəraitlərdə aktual prob-
lemlərin həll olunması üçün münasib olmur.
Yuxarıda göstərilən hər üç situasiya hər şeydən öncə innovasiya infrastrukturunun
təkmilləşdirilməməsindən irəli gəlir. Bu səbəbdən də əsas məsələ təkcə cəmiyyətdə
istehsal və sosial strukturun təkmilləşdirilməsindən, idarəetmədə qərar və iradələrdən
asılı olaraq tənzimlənmədən ibarət deyildir. Burada əhəmiyyətli olan yeniliklərin
tətbiq olunmasının sinergetik effektlərlə müşayiət olunması üçün adekvat innovasiya
infrastrukturunun yaradılmasından gedir. Əks təqdirdə aktual problemlərin həlli üçün
bu və ya digər texnologiyalardan istifadə olunması cəhdləri ziddiyyətlərin aradan
qaldırılması ilə deyil, daha da dərinləşməsi ilə, bəzi hallarda yenilərinin yaranması
ilə müşayiət oluna bilər. İqtisadiyyatın real sektorunun müəssisələri bir-biri ilə əmtəə,
pul axınları, həmin axınların sürətini tənzimləyən zaman şəraiti ilə bağlıdırlar. Nəzərə
almaq lazımdır ki, istehlak sferasında son məhsulun yaranması bəzən yüz lərlə təsər-
E.Məmməd-zadə
İNNOVASİYA İQTİSADİYYATININ fORMALAŞMASININ BƏZİ İQTİSADİ VƏ...
6(120) /2014
102
rüfat subyektinin qarşılıqlı əlaqəsini zəruri edir. Bütün iqtisadi sistemi əhatə edən
təsərrüfat əlaqələrinin hüdud və kəmiyyətləri barədə ancaq müyyən təsəvvürlər irəli
sürmək olar.
Yuxarıda qeyd olunanlar bir daha sübut edir ki, innovasiya prosesi iqtisadi inkişaf
fenomeni kimi, dünyanın dərk olunmasının dəyişikliklər vasitəsi ilə mümkün olması
fikrini əsaslandırır. Eyni zamanda vurğulamaq lazımdır ki, Azərbaycan Respub-
likasında innovasiya fəaliyyətinin təşkil olunması təkcə fundamental elmlər baza-
sında deyil, eyni zamanda tətbiqi xarakterli araşdırmalar bazasında da həyata
keçirilməlidir. Bu prosesdə dövlət hadisələrin irəliyə doğru inkişaf etməsinin təmi-
natçısı kimi çıxış edir. Respublikada innovasiya prosesinin stimullaşdırılması üçün
bir sıra mexanizmlər mövcuddur. Həmin mexanizmlərdən ən əhəmiyyətlilərini biz
aşağıda nəzərdən keçirəcəyik.
2. İnnovasiya prosesinin vergilərlə stimullaşdırılması
Müasir dövrdə yaranmış situasiyanın spesifikası ondan ibarətdir ki, Azərbaycanda
da fundamental və texnoloji araşdırmalar və müvafiq elmi-istehsal bazası mövcud-
dur. Eyni zamanda mövcud innovasiya potensialının nəticələri istehsal və digər
sahələrdə olduqca zəif reallaşdırılır. Respublika səviyyəsində innovasiya prosesini
tənzimləyən əsas hüquqi baza hal hazırda intellektual mülkiyyət sahəsində mövcud
qanunvericilikdir. Bunun üçün isə təkcə mütərəqqi texnoloji ukladın formalaşdırıl-
ması kifayət deyil, həmçinin innovasiya fəaliyyətinin investisiyalaşdırılması üçün
birbaşa və dolayısı olaraq, dövlət tənzimlənməsi alət və vasitələri də tələb olunur.
Birbaşa (müstəqim) iqtisadi tənzimlənmə üsullarına maliyyələşdirmə (məqsədli,
predmet-təyinatlı, problem-istiqamətli), kreditləşdirmə, lizinq, fond əməliyyatları,
planlaşdırma və proqramlaşdırma, həmçinin dövlət sahibkarlığı və dövlət sifarişləri
daxildir.
Dolayısı üsullar, hesab edirik ki, daha səmərəli və əhəmiyyətli üsullardır. Dolayısı
(qeyri-müstəqim) üsulların mahiyyətini innovasiya fəaliyyəti üçün zahiri və ictimai
mühitin formalaşdırılması təşkil edir. Sözügedən üsulların üç əsas növü vardır:
1. Vergi stimullaşdırılması;
2. Amortizasiya siyasəti vasitəsi ilə stimullaşdırma (vergi siyasətinin tərkib
hissəsi kimi deyil, müstəqil mexanizm olaraq tətbiq olunur);
3. Yeni məhsul və əmtəə növlərini mənimsəyən büdcədən birbaşa dotasiya alan
şirkətlər.
Nəzərə almaq lazımdır ki, ən məhsuldar və səmərəli təsir gücü olan vasitə vergi
stimullaşdırılmasıdır. Lakin vergi stimullaşdırılmasının tətbiq edilməsinin əsas çatış-
mazlığı dəqiq prioritetlərin yoxluğudur: vergi imtiyazları sistemi bərabər səviyyədə
milli iqtisadiyyatın bütün sahələrinə aid edilir və elmtutumlu perspektivli istiqamətlər
üstün vəziyyətdə deyildir. İmtiyazlı (güzəştli) vergi tutulmasında vergi mükəlləfli
E.Məmməd-zadə
İNNOVASİYA İQTİSADİYYATININ fORMALAŞMASININ BƏZİ İQTİSADİ VƏ...
6(120) /2014
103
bazanın ixtisar edilməsi, vergi tariflərinin, vergi ödənişlərinin azaldılması ilə həyata
keçirilir. Vergi siyasətində, həmçinin müəyyən fəaliyyət növlərinə tətbiq edilən vergi
subsidiyaları da nəzərdə tutulmuşdur. Vergi subsidiyalarında yeni maşın və avadan-
lıqların yaradılması ilə əlaqədar olan gəlirlərin bir hissəsi vergilərdən azad edilir.
Dünya praktikasında innovasiya fəaliyyətinin stimullaşdırılması üçün aşağıdakı vergi
güzəştləri tətbiq olunur [1]:
tədqiqatlara və investisiya qoyuluşlarına vergi güzəştlərinin tətbiqi, mən-
fəətlərdən investisiya məsrəfləri üçün sərf edilən vergi ödənişlərinin bir
hissəsinin müvəqqəti olaraq təxirə salınması;
innovasiya məsrəflərinin artması ilə ƏDV tariflərinin azaldılması;
bir neçə il ərzində innovasiya layihələrinin reallaşdırılmasına sərf edilən və
mənfəətlərə tətbiq edilən (uzun müddətli innovasiya səciyyəli layihələrə xərc -
lənən pullardan əldə olunan gəlirlərə) “vergi tətilləri”;
innovasiya təşkilatların səhmlərindən əldə edilən hüquqi və fiziki şəxslərin
dividendlərinə tətbiq edilən vergi güzəştləri ( yeni texnika, texnologiya müstəqil
istehsal edən səhmdar cəmiyyətlərinin səhmlərindən olan gəlirlərə vergi - gəlir
vergisində güzəştlər);
müştərək və sifarişli elmi tədqiqat və təcrübi-konstruktor işlərində mənfəətlərə
tətbiq edilən vergi tariflərinin azaldılması ( elmi tədqiqat konstruktor layihələri
və təcrübi İşləri);
yerinə yetirilən innovasiya layihələrinin prioritetliyinə əsasən vergi
güzəştlərinin verilməsi;
nou-hauların, intellektual mülkiyyətin tərkibinə daxil olan qeyri maddi ak-
tivlərin istifadə olunması ilə əldə edilən mənfəətlərə tətbiq edilən vergi
güzəştləri;
elmi-tədqiqat institutları, ali məktəblərə və digər innovasiya təşkilatlarına ve -
rilən avadanlıqlarının dəyərinə görə mənfəətlərə tətbiq edilən vergilərin
həcminin azaldılması;
vergi
mükəlləfli
mənfəətlərin
öhdəliklərindən
innovasiyaların
maliyyələşdirilməsi üçün xeyriyyə fondlarından ödənilən ianələrdən gələn
məbləğlərin çıxılması ilə;
innovasiya təşkilatlarının mənfəətlərinin müəyyən hissəsinin xüsusi fondlara
köçürülməsi və innovasiya məqsədləri üçün sərf olunduğu zaman vergi im -
tiyaz larının tətbiq olunması.
Burda bütün vergi imtiyazlarından söhbət gedir - yəni istisnalar, çıxımlar və vergi
kreditini əhatə edir.
İnnovasiyalı iqtisadiyyatın inkişafı üçün tətbiq edilən vergi imtiyazlarını tədqiq
edən mütəxəssislər bir çox ölkələri əhatə edən empirik araşdırmalar aparmışlar. Nü-
munə üçün ingilis alimləri Nikolas Blumun (1973), Raçel Qriffitin (1963) və Con
Van Rinenin (1965) tədqiqatlarını göstərmək olar [15]. Yuxarıda adları qeyd edilən
E.Məmməd-zadə
İNNOVASİYA İQTİSADİYYATININ fORMALAŞMASININ BƏZİ İQTİSADİ VƏ...
6(120) /2014
104
müəlliflər empirik dəlillər gətirərək, iddia edirlər ki, tədqiqatlara sərf edilən vəsait
qoyuluşundan və özəl sektorun apardığı işlərin həcminə uyğun vergi güzəştləri tətbiq
olunmalıdır.
Araşdırmalar İqtisadi Əməkdaşlıq və İnkişaf təşkilatının üzvü olan 9 dövlətin 19
illik (1979-1997) göstəricilərinə əsasən aparılmışdır. Tədqiqatçılar xüsusi olaraq
qeyd edirlər ki, 10%-li vergi güzəştləri qısa müddətli perspektivdə elmi araşdırmalara
sərf edilən investisiyaların həcminin 1%, uzun müddətli perspektivdə isə 10% art-
masına səbəb olmuşdur. Yeri gəlmişkən, qeyd etmək lazımdır ki, Azərbaycan Res -
publikasının Vergi Məcəlləsində nəzərdə tutulan güzəştlərinin xüsusi çəkisi də
kifayət qədər böyük olub ümumi vergi daxilolmalarının, təxminən, 30 %-ni, başqa
sözlə, ÜDM-in 4,2 %-ni təşkil edir [2].
İnnovasiya potensialından məqsədyönlü istifadə edilməsi, eləcədə ictimai-iqtisadi
proseslərin vergi güzəştləri vasitəsilə stimullaşdırılması Azərbaycanda iqtisadi
inkişafın müasir mərhələsində kiçik və orta sahibkarlığın hərtərəfli inkişafının təmin
edilməsinə də ciddi təsir göstərir. Kiçik və orta biznesin inkişafı bir tərəfdən dövlətin
fiskal siyasətinin təmin edilməsində, əhalinin gəlirlərinin artırılmasında, digər
tərəfdən isə dövlətin sosial yükünün azaldılmasında əhəmiyyətli rol oynayır [2].
Hal-hazırda Azərbaycanda vergi stimullaşdırılması nə kəmiyyət, nə də keyfiyyət
göstəricilərinə görə xarici ölkələrin səviyyəsinə çatmır. Məsələn, Avropa İttifaqına
daxil olan ölkələrdə 6 əsas vergi stimullaşdırılması mövcuddur (Elmi Tədqiqat La -
yihələri və Təcrübi Konstruktor İşlərinin vergi bazasının xərclərinin silinməsi ilə
vergi bazasının azaldılması, kapital məsrəflərin sürətli amortizasiyası, vergi krediti,
xüsusi vergi tarifləri, Elmi Tədqiqat Layihələri və Təcrübi Konstruktor İşlərində
çalışanların əmək haqlarına tətbiq edilən vergilərin azaldılması, müştərək tədqiqat-
lara tətbiq edilən vergi xərclərinin azaldılması) [4]. Azərbaycandakı innovasiya
müəssisələrinə cəmi iki vergi güzəştləri tətbiq olunur və həmin güzəştlər ancaq
sahibkarlıq fəaliyyətinin müəyyən hissəsini- texnoparkları, sənaye parklarını, təhsil
ocaqlarının bir qismini əhatə edir. İlk olaraq, 7 il ərzində büdcəyə ödənilən ƏDV və
torpaq vergisinin ödənilməsindən qeydiyyata düşən texnopark müəssisələri tam
olaraq azad edilmişdir [2, s. 79].
Nəzərə almaq lazımdır ki, Azərbaycanda texnoparkların yaradılması hər gün
müşahidə edilən hadisələrdən deyil, təhsil müəssisələri fundamental və tətbiqi elmi
araşdırmaları aparan əsas təşkilatlar kimi çıxış etmirlər (elmi tədqiqat müəs-
sisələrində aparılan tədqiqatların həcmi təhsil müəssisələrində aparılan tədqiqat-
ların həcmindən 4,5 dəfə çoxdur) [3]. Bütün bunlar hazırkı dövrdə innovasiya
müəssisələrinin ciddi surətdə stimullaşdırılmasından danışmağa əsas vermir.
Ümumilikdə, Azərbaycanda innovasiya fəaliyyətlərinə tətbiq edilən vergi
güzəştləri probleminə aşağıdakıları aid etmək olar:
1. Araşdırmalar göstərdi ki, vergi mexanizminin təkmilləşdirilməsi zamanı Azər-
baycan müəssisələrinin cüzi vergi güzəştlərinə olan həssaslığını nəzərə alın-
E.Məmməd-zadə
İNNOVASİYA İQTİSADİYYATININ fORMALAŞMASININ BƏZİ İQTİSADİ VƏ...
6(120) /2014
105
ması tələb olunur. Burada söhbət N.Blum, R.Qriffit və C.Rinenin təklif etdik-
ləri 10-15-%-li vergi güzəştlərindən gedir [15]. Hesab edirik ki, daha güclü
iqtisadi stimullar tələb olunur. Məsələn, innovasiya layihələrinin reallaşdırıl-
masının ilkin mərhələlərində “vergi tətillərinin” elan edilməsi qeyd oluna bilər;
2. Həyata keçirilən vergi və gömrük siyasəti ölkədə istehsalçıların elm tutumlu
məhsulların ixrac etməsini stimullaşdırmır, xarici investorlar isə milli və
müştərək müəssisələrin texniki cəhətdən yenilənməsinə (neft sektoru, İKT
sahəsi istisna olmaqla) vəsait yatırmaqdan çəkinirlər;
3. Regional hakimiyyət orqanlarının müəssisələrdə istehsalın yenilənməsi, yeni
məhsul istehsalı və xidmətlərin göstərilməsinin təşkili istiqamətində
fəaliyyətlərinin stimullaşdırılması üçün müstəqil vergi siyasəti həyata keçir-
məsi üçün kifayət qədər səlahiyyətləri yoxdur;
4. Azərbaycanda fəaliyyət göstərən müəssisələr üçün xüsusi vergi mexanizmləri
və vergi siyasətinin formalaşması üçün müvafiq yanaşma tələb olunur. Aşağı
səviyyədə vergi tarifləri özəl sektorda innovasiya fəallığını stimullaşdırırsa,
dövlət sektoruna nisbətən az təsir göstərir.
Mövcud vergi mexanizmləri çərçivəsində müəssisələrin öz mənfəətlərini kapital
qo yuluşu məqsədləri üçün istifadə etməsində maraqları demək olar ki, hiss olun-
mur.
Yaranmış situasiyadan çıxış yolu vergi siyasətinin formalaşdırılmasına kompleks
yanaşmanın işlənilib hazırlanmasıdır. Sözügedən yanaşma innovasiya tipli müəs-
sisələrə aid olmalı və həmin müəssisələr formalaşma dövründə bütün vergi və
ödənişlərdən azad edilməlidirlər. Dövlət elmi texniki tərəqqinin bütün halqaları üzrə
elmi yeniliklərin istehsala tətbiq olunmasını, bütün fundamental araşdırmaları sti -
mullaşdırmalıdır. Lakin bu zaman resursların məhdudluğu və dövlət prioritetləri də
nəzərə alınmalıdır.
Stimullaşdırma sistemi innovasiyaların tətbiqi işini fəallaşdırmalı, struktur dəyi -
şikliklərinin aparılmasını təmin etməli və iqtisadiyyatın real sektorunun rəqabətqa-
biliyyətliliyini yüksəltməlidir.
3. Milli iqtisadiyyatın prioritet sahələrində elmi-texniki mübadilənin artması
Beynəlxalq elmi-texniki mübadilənin dünya iqtisadiyyatının inkişafında olduqca
əhəmiyyətli rolu vardır. Qlobal inteqrasiya prosesləri müasir iqtisadi model üçün
xarakterik olub, bütün dünyada bərabər səviyyədə texnoloji inkişafı zəruri edir.
Ancaq elmi biliklərin cazibə mərkəzərinin formalaşmasının tarixi xüsusiyyətlərinə
görə dünya iqtisadiyyatının texniki inkişaf səviyyəsi hər yerdə eyni deyildir. Bütün
bunlardan əlavə olaraq, elmi mərkəzlərin inkişaf səviyyəsi də müxtəlif ola bilər və
qeyri bərabər inkişaf səviyyəsi inteqrasiya proseslərini ləngidir. Problemin aradan
qaldırılması üçün elmi texniki mübadilə tələb olunur. Elmi texniki mübadilə iqtisadi
E.Məmməd-zadə
İNNOVASİYA İQTİSADİYYATININ fORMALAŞMASININ BƏZİ İQTİSADİ VƏ...
6(120) /2014
106
cəhətdən zəif inkişaf etmiş ölkələrin elmi texniki baxımdan inkişafına müsbət təsir
göstərməklə yanaşı, inkişaf etmiş ölkələrdə də elmi texniki tərəqqinin spiralvarı,
təkamül yolu ilə inkişafını təmin edir. Hal-hazırda dünyada elmi-texniki mərkəzlər
bir birindən təcrid olunmuş vəziyyətdə və müxtəlif inkişaf səviyyələrində fəaliyyət
göstərirlər. Elmi texniki mübadilə müxtəlif elmi biliklərin birləşdirilməsinə, araşdır-
malarda əldə edilən nəticələrin tətbiqində yeni imkanların meydana çıxmasına şərait
yaradır. Mübadilə həmçinin bir problemin həllində müxtəlif yanaşmalardan istifadə
olunmasına, faktiki olaraq elmi fikrin, elmi texniki tərəqqinin irəliyə doğru hərəkət
etməsinə imkan yaradır. Barəsində söhbət açılan dövlət siyasəti Yaponiya, Cənubi
Koreya, Çin dövlətlərində həyata keçirilmiş və milli iqtisadiyyatların bu siyasətdən
əldə etdikləri fayda göz qabağındadr [5, 6, 7].
İnformasiyaların və texnologiyaların ötürülməsi üsullarına görə elmi texniki
mübadilə formalarını differensiallaşdırırlar. İki üsul, kommersiya və qeyri kommer-
siya üsulları xüsusi ilə seçilir.
Elmi-texniki mübadilənin qeyri-kommersiya üsulunda mübadilə iştirakçıları
arasında pul öhdəlikləri yoxdur. Qeyri-kommersiya mübadilə üsullarına aşağıdakı
daxildir:
• nəşr işi - ixtisaslaşdırılmış ədəbiyyat və sorğu materiallarının buraxılması,
open acsses elmi məqalələrin nəşri, məlumat bazalarının hazırlanması və s.
• sərgi fəaliyyəti - elmi konfransların keçirilməsi, simpozium və seminarların,
elmi nailiyyət sərgilərinin təşkili.
• tədris prosesində tələbə, aspirant və artıq təcrübəli kadrların mübadiləsi həyata
keçirilir.
• mütəxəssislərin miqrasiyası - beynəlxalq elmi-texniki mübadilənin bir mənalı
qiymətləndirilməyən faktorlarından biridir. Bəzən kadr miqrasiyası icbari pro -
sesdir - mütəxəssis öz ölkəsində biliklərini tətbiq edə bilməyən zaman, Yəni
əksər hallarda, beynəlxalq mərkəzlər yüksək ixtisaslı mütəxəssisləri digər
ölkələrdən öz mərkəzlərinə cəlb edirlər və bununla da öz elmi texniki poten-
siallarını yüksəldirlər. Bu zaman “Beyin axını” baş verir. Bir çox iri şirkətlər
kommersiya mübadiləsində fəal iştirak edirlər: xarici elmi nəşrləri izləyir, elmi
araşdırmaların tətbiqi predmeti, yeni yanaşmaların istehsala tətbiqi izlənilir,
milli araşdırmaların nəticələri dərc olunur. Qeyri kommersiya mübadiləsində
isə əsasən, biliklərin ikitərəfli ötürülməsi baş verir. Pul münasibətlərini yox -
luğuna baxmayaraq, məhz bu üsullar vasitəsi ilə dünya elmi fikri tərəqqi edir.
Deyilənlərlə yanaşı, qeyd etmək lazımdır ki, miqrasiya prosesləri də dövlət
tərəfindən izlənilməlidir. “Beyin axını” uzun müddətli perspektivdə ölkə iqtisadiy -
yatına olduqca ciddi və neqativ təsir göstərə bilər.
Elmi-texniki mübadilənin kommersiya üsullarında mübadilə prosesində ötürülən
bilik və informasiyalar müqabilində bir ölkədən digər ölkəyə ödənişlər edilir. Müəl-
lifin fikrincə, mübadilənin kommersiya formasına aşağıdakılar daxildir:
E.Məmməd-zadə
İNNOVASİYA İQTİSADİYYATININ fORMALAŞMASININ BƏZİ İQTİSADİ VƏ...
6(120) /2014
107
texnologiyaların satışı;
artıq tətbiq və istifadə edilən elmi araşdırmaların nəticələrini əks etdirən patent
və lisenziyaların satışı;
hər hansı bir elmi və sənaye layihələrinin təşkilinə xarici investisiyaların qoyu-
luşu;
xarici mütəxəssislərin də cəlb edilməsi ilə müəyyən elmi araşdırmalarla bağlı
müştərək müəssisələrin yaradılması;
lizinq tədbirlərinin təşkili;
injinirinq;
beynəlxalq konsaltinq.
Qeyri-kommersiya üsullarından fərqli olaraq, elmi texniki mübadilənin qeyri-
kommersiya üsullarında nəzəri biliklər deyil, artıq tətbiq edilən yeni texnologiyaların
mübadiləsi gerçəkləşdirilir.
Beləliklə, qeyri kommersiya mübadiləsi - nəzəri biliklərin mübadiləsidirsə, kom-
mersiya mübadiləsi həmin biliklərin tətbiqi ilə bağlıdır. Hər iki üsulların respub-
likamızda tətbiqi innovasiya prosesinin səmərəli təşkili üçün əhəmiyyətlidir.
Kommersiya üsulları ilə həyata keçirilən elmi-texniki mübadilə praktiki olaraq,
ölkədə yeni texnologiyaların tətbiq olunması deməkdir. Bu səbəbdən də dövlət yeni
texnologiyalar sahəsində mübadilələri fəal dəstəkləməlidir.
Hesab edirik ki, elmi biliklərin nəzəri bazası praktiki yanaşmalarla bir-
ləşdirildikdə, çox böyük səmərə əldə edilə bilər, ən başlıca məsələ hal-hazırda
dünyada tətbiq edilən ən perspektivli innovasiya layihələrin Azərbaycandakı müəs-
sisələrdə tətbiq edilməsidir.
Dövlət kommersiya üsulları ilə həyata keçirilən elmi-texniki mübadilənin təşkil
olunmasını öz üzərinə götürməldir ki, milli iqtisadiyyatın rəqabətqabiliyyətliliyinin
yüksəlməsinə müsbət təsir göstərsin.
4. Vençur maliyyələşdirməsinin inkişaf etdirilməsi
İnnovasiya iqtisadiyyatının bir neçə problemlərinin həllində yardımçı ola bilən
digər alət - vençur maliyyələşməsidir.İlk növbədə, o ölkə müəssisələrinin yeni
texnologiyaların yiyələnməsinə təkan verə bilər. Eyni zamanda respublikanın resurs
potensialından istifadəni də daha optimal tərzdə təşkil etməyə kömək edə bilər. Zən-
nimizcə, ölkədə makroiqtisadi inkişafın təmin olunması yalnız düzgün qurulmuş in-
vestisiya siyasəti əsasında mümkündür və məhz bu səbəbdən vençur maliyyələşməsi,
aparıcı ölkələrdə olduğu kimi, bazar sistemində daha mühüm rol oynamalıdır.
Diaqram 1-də vençur şirkətlərin dünyada son illərdə inkişafı, dediklərimizi əyani
sübut edir.
Diaqramdan göründüyü kimi, vençur kapitalı həcmcə azalsa da, şirkətlərin sayına
görə 2011-2013-cü illərdə artmaqda olub.
E.Məmməd-zadə
İNNOVASİYA İQTİSADİYYATININ fORMALAŞMASININ BƏZİ İQTİSADİ VƏ...
6(120) /2014
108
Müəllifin fikrinə görə, ümumiyyətlə, vençur maliyyələşdirilməsinin əsas fərqli
cəhətləri aşağıdakılardır:
kreditləşdirmədən fərqli olaraq, pul vəsaitləri onların əvvəlcədən geriyə qay-
tarılması vaxtı və faizlərin ödənilməsi müddətləri əvvəlcədən müəyyən-
ləşdirilmir.
kiçik və orta biznes müəssisələrinin maliyyələşdirilməsi bank kre -
ditləşdirilməsindən fərqli olaraq, hər hansı bir girov qoyulmadan həyata keçi -
rilir.
vençur fondlarına vəsaitlərin təqdim olunması məqsədləri və şəraiti digər
ənənəvi investorların motivlərindən fərqlənir.
vençur maliyyələşdirilməsində fondlar tərəfindən kiçik müəssisələrə tələb ol-
unan maliyyənin qiymətləndirilməsi bir qədər fərqli üsullarla həyata keçirilir.
Banklar və digər maliyyə - kredit institutları kreditləşdirmədə maliyyələş -
dirilən şirkətin ən yaxın perspektivdəki göstəricilərini, cari göstəricilərini
nəzərə alırlar. Bundan fərqli olaraq, vençur maliyyəçiləri maliyyə vəziyyətinin
uzun müddətli perpektivdəki vəziyyəti əsasında yeni məhsulları, texno -
logiyaları ətraflı və hərtərəfli öyrənərək, gələcək bazarın həcmini proqnoz -
laşdırırlar.
E.Məmməd-zadə
İNNOVASİYA İQTİSADİYYATININ fORMALAŞMASININ BƏZİ İQTİSADİ VƏ...
diaqram 1. dünyada investisiya şirkətlərin sayı və onların kapital həcmi.
Mənbə: http://www.evca.eu/research/activity-data/ annual-activity-statistics/investments-(2013)
6(120) /2014
109
E.Məmməd-zadə
İNNOVASİYA İQTİSADİYYATININ fORMALAŞMASININ BƏZİ İQTİSADİ VƏ...
banklar ancaq kreditorlardır, onları kreditlərin ödənilməsi üçün kiçik müəs-
sisələrin bazar mövqeyi maraqlandırır. Vençur kapitalı şirkətləri mülkiyyət -
çidirlər və onların investisiyası səhm kapitalı formasında həyata keçirilir. Yəni
vençur investorları kiçik innovasiya şirkətlərinin səhmdarları olurlar.
vençur maliyyələşdirilməsi, öz işlərinə təzə başlamış şirkətlər tərəfindən hər
hansı bir təminatın olmamağı səbəbindən digər formalardan yüksək riskliliyi
ilə seçilirlər.
Bu gün Azərbaycanda vençur fondlarının yaradılması və onların fəaliyyətlərinin
xüsusiyyətləri innovasiya iqtisadiyyatının formalaşmasında böyük rolu ola bilər.
Vençur fondlarının inkişaf etməsi üçün birinci şərt - investisiya mənbələrinə çıxışın
əldə olunmasıdır. Bu gün qüvvədə olan qanunvericiliyə əsasən nə fiziki şəxslər, nə
də institusional investorlar (investisiya fondları) vençur fondlarını yarada bilməzlər.
Bu isə öz növbəsində, innovasiyalara istiqamətlənən investisiyalarının potensial
bazasının nəzərə çarpacaq dərəcədə azalmasına səbəb olur. Yəni nəinki, “Vençur
fondları haqqında”qanun qəbul edilməli, üstəlik digər qanunlarda da (məsələn, “İn-
vestisiya fondları haqqında” qanun) vençur biznesini stimullaşdıran düzəlişlər
aparılmalıdır. Xatırlatmaq lazımdır ki, ABŞ-ın vençur fondlarının sürətlə inkişafı
pensiya fondlarının öz aktivlərinin 10%-ni vençur fondlarına investisiya qoyuluşları
ilə başlamışdır [9].
Mahiyyət etibarı ilə vençur fondlarının Azərbaycanda mənbəsi kimi, ya maliyyə-
sənaye qruplarının dövriyyədə olmayan vəsaitləri (azad vəsaitlər), ya da fərdi xarici
investorların (özəl və yaxud qeyri-hökumət) vəsaitləri göstərilə bilər.
İkinci mühüm şərt - fondun risklərinin azaldılmasına xidmət edən sazişlərin struk-
turlaşdırılması üçün imkanların yaradılmasıdır. Burada söhbət imtiyazlı səhmlərə və
adi səhmlərə çevrilən, opsion xüsusiyyətləri olan mülkiyyət alətlərindən gedir. Qa-
nunvericilikdə adi imtiyazlı səhmlərlə əlaqədar nəzərdə tutulubdur ki, birincisi, on-
lara idarəetmədə iştirak hüququ verilir, ikincisi, onlar fondun nizamnamə
vəsaitlərinin 10%-ni təşkil edə bilərlər. Bu isə öz növbəsində, vençur layihələri üçün
kifayət deyil. Azərbaycanda vençur investorunun istifadə edə biləcəyi yeganə alət
adi səhmlərdir, bu adətən bütün inkişaf etməkdə olan bazarlarda xüsusi kapital fond-
larının fəaliyyəti üçün də xarakterikdir. Burada çatışmayan cəhət layihələrin real-
laşdırılması zamanı əlverişsiz ssenarilərdə investorlar üçün sığortanın olmamağıdır.
Deyilənlərlə yanaşı, korporativ idarəetmənin yüksək standartlarının olmadığı
şəraitdə, vençur investoruna öz mülkiyyətçi hüquqlarının təminatı üçün səhmlərin
nəzarət paketinə sahib olmağı tələb olunur.
Üçüncüsü, səhm bazarının inkişafı və İPO (Initial Public Offering [10] - səhm-
lərin açıq qeydiyyat üzrə ilkin yerləşdirilıməsi) üçün şəraitin yaradılmasıdır. Müvafiq
olaraq, investisiya bazasının yaradılması-hər şeydən öncə pensiya və investisiya
fondlarının aktivlərinin artması tələb olunur. Maliyyə bazarının və İPO-nun yoxluğu
şəraitində fond üçün investisiyalardan yeganə çıxış yolu səhm paketlərinin strateji
6(120) /2014
110
investora satılmasıdır. Lakin bu artıq alıcılar üçün daha az rəqabət mühitinin yaradıl-
ması demək olardı, satış zamanı qiymətlər, tam olaraq, düzgün müəyyənləşdirilmir,
nəticədə vençur layihəsinin verimliliyi saziş bağlayan bütün tərəflərin maraqlarına
uyğun olmur.
Qanunvericilik və icraedici hakimiyyət orqanlarının bu istiqamətdə məqsədyönlü
təşkilatçılıq işlərinin reallaşdırılması müəyyən vaxt tələb edir. İnvestisiya sahəsində
qeyd edilən şəraitin yaradılmasından sonra Azərbaycanda bu sahəyə, xüsusən vençur
investisiyaların yatırılmasına, ehtiyatlı optimist yanaşma mümkündür.
Hər şeydən öncə, qeyd etmək lazımdır ki, respublikada hələ də artım potensialı
tükənməyən sahələr mövcuddur, deməli, maliyyələşdirilməsi tələb olunan sahələr
və vençur investoru üçün layihələrdə iştirak etmək üçün əlverişli şərait tədricən
yaranır.
Bu gün Azərbaycanın dünya bazarlarında innovasiyalı məhsulların satışını və son
nəticədə, ümumi rəqabətqabiliyyətini artırmaq üçün vençur biznesi sürətlə inkişaf
etdirilməlidir.Nəzərə alsaq ki, müasir dünyada, neft və qaz istehsalının nü-
mayəndələrindən, banklardan sonra ən gəlirli şirkətlər məhz innovasiya məhsulu bu-
raxan şirkətlər tutur, xüsusən İKT sahəsində olan müəssisələr [11], vençur biznesinin
dövlət tərəfindən dəstəklənməsi şübəhəsiz ki, olduqca vacib məsələdir. Bütün bunlar
vergi imtiyazları, valyuta tənzimlənməsi və nəzarətinin sadələşdirilməsi, həmçinin
vençur kapitalı olan şirkətlərin qeydiyyatının asanlaşdırılması tədbirləridir və şüb-
həsiz qeyd edilənlər Azərbaycanda vençur investisiyalarının inkişafına müsbət təsir
göstərəcəkdir. İctimai Kapital bazarında investisiya fəaliyyəti ilə müqayisədə vençur
sahəsinin dövlət tərəfindən tənzimlənməsinin xüsusiyyətləri hər hansı bir spesifik
tənzimlənmə üsullarından heç nə ilə seçilmir.
İnnovasiya layihələrinin vençur maliyyələşdirilməsi uzun müddətli xarakter
daşıyır, vençur investorları hər şeydən öncə dövlətdən bürokratik prosedurların mini -
mallaşdırılmasını, korrupsiya ilə mübarizə və sabit iqtisadi siyasətin həyata keçi -
rilməsini gözləyirlər. Vençur investorları şüurlu olaraq, əlavə gəlir əldə etmək üçün
riskləri öz üzərinə götürürlər, onlar mülkiyyət toxunulmazlığı hüququndan əlavə
digər təminat hüquqlarının verilməsini tələb edirlər.
Bütün dünyada vençur investorları üçün patent hüququ sahəsində mülkiyyət
hüququnun qorunması, səhm paketləri üzərində nəzarət hüququ olmayan səhmdar-
ların hüquqlarının müdafiəsi, müflisləşmə prosedurları, xarici investorlara ayrı-
seçkilik siyasətinin yürüdülməməsi və s. göstərilə bilər. Aparıcı ölkələrin
qanunvericilikdə əhəmiyyətli yerlərdən biri institusional investorların və kommer-
siya banklarının vəsaitlərinin vençur investi siyalaşdırılması fondlarında yer-
ləşdirilməsi məsələsi tutur. Bu gün vençur kapitalı Azərbaycanda daha da inkişaf
etdirilməsi zərurəti artmışdır. Belə bir şəraitdə vençur biznesinin mexanizminin po -
pulyarlaşdırılması, yüksək texnologiyalar sahəsində kiçik və orta biznesin dövlət
tərəfindən dəstəklənməsi, milli kapitalın (o cümlədən, institusional investorların,
6(120) /2014
111
E.Məmməd-zadə
İNNOVASİYA İQTİSADİYYATININ fORMALAŞMASININ BƏZİ İQTİSADİ VƏ...
E.Məmməd-zadə
İNNOVASİYA İQTİSADİYYATININ fORMALAŞMASININ BƏZİ İQTİSADİ VƏ...
bankların, xüsusi şəxslərin) cəlb olunması, ümumi investisiya mühitinin ölkədə
sağlamlaşdırılması tələb olunur.
Dünya təcrübəsi göstərir ki, kiçik biznes iri şirkətlərə nisbətən yeniliklərə daha
çox meyillidir. Təşəbbüs azadlığı və təşəbbüslərin mükafatlandırılması məsələləri
nəzərdən keçirilərkən bürokratik əngəllərin yoxluğu, risklərə hazır olmaq, irəli
sürülən orijinal təkliflərin dərhal həyata keçirilməsi cəhdləri bütün bunlar kiçik
şirkətlər üçün xarakterik olan xüsusiyyətlərin, ancaq kiçik bir hissəsidir. Maliyyə
vəsaitlərinin məhdudluğu səbəbindən, kiçik biznes texniki layihələrin maksimal
surətdə işlənilib hazırlanmasının reallaşdırılmasında daha çox maraqlıdırlar. Mövcud
qiymətləndirmələrə görə texniki yeniliklərin hazırlanması və onların sənaye nü-
munələrinin hazırlanması qərarının qəbul edilməsinə kiçik şirkətlər adətən iri
şirkətlərə nisbətən az vaxt sərf edirlər.
Zənnimizcə, vençur kapitalın yuxarıda qeyd olunan spesifik aspektlərini nəzərə
alaraq, Azərbaycanda vençur maliyyələşdirilməsini kifayət qədər yaxın zamanda
inkişaf etdirmək olar. Bu prosesin başlanmasına və geniş inkişafına qeyd etdiyimiz
vergi tənzimləməsinin optimallaşdırılması, təhsil sistemində institusional islahatlar,
xüsusən də milli elmi təşkilatların aparıcı xarici institut və universitetlərlə, beynəl -
xalq korporasiyaların elmi-texniki qurumları ilə elmi təcrübələrin mübadiləsinin
sürətləndirilməsi (məsələn, scholarship vasitəsilə) [12] əhəmiyyətli təkan verə bilər.
Bu tədbirlər, eyni zamanda nəinki vençur biznesinə qoşulmaq istəyən milli şirkətlərin
sayını artıracaq (hələlik yalnız bir şirkət mövcuddur - “İnfipro” şirkəti) [13], hətta
onların daha perspektivli innovasiya bazarlarına üz tutmasının qarşısını alacaq.
Qeyd edək ki, vençur kapitalı hər şeydən əvvəl ona görə əhmiyyətlidir ki, biz
onun sayəsində azərbaycanlı alimlər tərəfindən illərlə işlənmiş və müvafiq patent,
müəlliflik hüququ alınmış elmi işlərin istehsalatda tətbiqini daha da sürətləndirə
bilərik. Bununla yanaşı,vençur kapitalı vasitəsilə yeni istehsal sahələrinin, xüsusilə
də informasiya kommunikasiya texnologiyalarının, nanatexnologiyaların, bio-
texnologiyaların və digər elm sahələrinin inkişafına nail olmuş olarıq. Bunun üçün
isə sadəcə olaraq, vençur kapitalı sahəsində böyük təcrübəyə və uğurlu nəticələrə
malik olan dövlətlərin və onların müəssisələrinin fəaliyyəti yaxından öyrənilməli və
bunun əsasında institusional islahatları nəzərdə tutan proqramlar hazırlanaraq, ardıcıl
şəkildə həyata keçirilməlidir.
5. Nəticə
Müasir dövrdə dünyada postindustrial cəmiyyətdən informasiya cəmiyyətinə
keçid şəraitində qloballaşan iqtisadiyyatın hər şeydən öncə innovasiya iqtisadiyyatı
kimi xarakterizə edilməsi fikrinə sövq edir. Burada əsas sferalar bazarda rəqabət
üstünlüklərinin əldə edilməsinə şərait yaradan, istehsalın səmərəliliyinin yük-
səldilməsini stimullaşdıran, əmtəələrin və xidmətlərin keyfiyyət xüsusiyyətlərinin
6(120) /2014
112
təkmilləşdirilməsinə xidmət edən yeni informasiya kommunikasiya texnologi -
yalarının tətbiqidir. Qeyd edilən prosesdə başlıca rol dövlət tənzimlənməsinə və
müəssisələrin innovasiya təşəbbüslərinin dəstəklənməsinə məxsusdur. Sözügedən
tənzimlənmənin istiqamətləri çox cəhətlidir və müvafiq olaraq, təhsil sahəsindən
vençur biznesi sferasına qədər institusional islahatların həyata keçirilməsi tələb ol-
unur. Yeni texnologiyaların inkişaf etdirilməsi ilə cəmiyyətin iqtisadi həyatında prin-
sipial dəyişikliklərin baş verməsi göz qabağındadır.
Qeyd etməliyik ki, informasiya, bilik müstəqil və spesifik dəyəri olan resursa
çevrildi. 2014-cü ildə Amerika, Avropa və Asiyanın inkişaf etmiş ölkələrində araşdır-
malara və innovasiya sektorunun inkişafına çəkilən xərclərin payı (R&D- Research
and development) ÜDM-in minimum 1,8%-ni təşkil edir. İkincisi, informasiya və
innovasiya sektoru güclü mənbədir, müasir sosial iqtisadi inkişafa, artım di-
namikasına müsbət təsir göstərir.
Eyni zamanda iqtisadi tərəqqinin mexanizmi və trayektoriyasında dəyişikliklər
müşahidə olunmuşdur, son illərdə ağırlıq mərkəzi informasiya sahəsində xidmətlər
üzərinə keçirilir. Bu səbəbdən də müasir dövrdə Azərbaycanda innovasiya iqtisadiy -
yatının formalaşdırılması həyati əhəmiyyət daşıyan məsələdir. İnnovasiya texno -
logiyalarının artması milli iqtisadiyyatın rəqabətqabiliyyətliliyinin yüksəldilməsinin
əhəmiyyətli mexanizmi kimi çıxış edir. Məhz bu baxımdan radikal ixtiralardan in-
novasiyalara doğru böyük addımlar atılmalıdır. Bunun üçün isə texnologiyaların
işlənilib hazırlanması erkən mərhələlərindən dövlət tərəfindən dəstəklənməlidir.
Qeyd edilən dəstək dövlət tərəfindən sifariş edilən innovasiya layihələri, vençur
fondları, biznes-inkubator, texnopark, texnopolis, texnologiyaların mübadiləsi və
transfer mərkəzləri, müştərək elmi araşdırma mərkəzləri, kiçik elmi tədqiqat mərkəz -
lərinin inkişaf etdirilməsini dəstəkləyən fondlar, innovasiya risklərinin sığortalan-
ması və s. vasitəsi ilə həyata keçirilməlidir.
Ədəbiyyat siyahısı
1. Леонтьев Л.И. (2003). Опыт стимулирования инновационной деятельности
за рубежом [Текст]. Л.И. Леонтьев. Инновации. №4, с. 85-90. (Leontyev L.İ.
(2003). Xaricdə innovasiya fəaliyyətin stimullaşdırma təcrübəsi [Mətn]. L.İ.Leon-
tyev. İnnovasiyalar. №4,. s. 85-90).
2. Musayev A. (2014). İnnovasiya iqtisadiyyatı və vergi stimullaşdırması. Bakı.
“Azərbaycan Universiteti”, 184 s.
3. http://www.stat.gov.az/menu/6/statistical_yearbooks/source/education_2014.zip
- ADSK-nın rəsmi saytı.
4. http://riep.ru/upload/iblock/527/527fb2bed4b455725d41e437fde03f5f.pdf -
“Rusiya iqtisadiyyat, siyasət və hüquq elmi-tədqiqat institutu” federal dövlət
büdcə təşkilatının rəsmi saytı.
E.Məmməd-zadə
İNNOVASİYA İQTİSADİYYATININ fORMALAŞMASININ BƏZİ İQTİSADİ VƏ...
6(120) /2014
113
5. Окрут З.М., Фам За Минь. (1992). Модель экономического развития Южной
Кореи. Путь к процветанию. Москва. “Финансы и статистика” (Okrut Z.M.,
Fam Za Min. (1992). Cənubi Koreyada iqtisadi inkişaf modeli. Firavanlıq yolu.
Moskva. “Maliyyə və statistika”).
6. Япония: опыт модернизации. Рук. проекта Эльгена Молодякова. (2011).
Москва. АИРО-XXI, 280 с. (Yaponiya: modernləşmə təcrübəsi. Layihə rəhbəri
Elgena Molodyakova (2011). Moskva.АИРО-XXI, 280 s.).
7. Səmədzadə Z.Ə. (2009). Çin qlobal dünya iqtisadiyyatında. Bakı. Elm və Təhsil,
608 s.
8. http://www.evca.eu/research/activity-data/annual-activity-statistics/ investments-
(2013). Qapalı Səhmdar Cəmiyyətlərin Səhmləri və Vençur Kapitalı üzrə Avropa
Assosiasiyasının rəsmi saytı.
9. Великий Ю.В. (2010). Влияние венчурного предпринимательства на инно-
вационную деятельность. Экономика. Финансы. Право. №5, с. 9-12. (Velikiy
Y.V. (2010). İnnovasiya fəaliyyətinə vençur sahibkarlığın təsiri. İqtisadiyyat.
Maliyyə. Hüquq. №5, s. 9-12.).
10. http://en.wikipedia.org/wiki/Initial_public_offering. “Vikipedia” azad elektron
ensiklopediyasının rəsmi saytı.
11.https://fortune.com/fortune500/2013/. “Fortuna”biznes-analitik jurnalın (ABŞ)
rəsmi saytı.
12. http://en.wikipedia.org/wiki/Scholarship. “Vikipedia” azad elektron ensiklope-
diyasının rəsmi saytı.
13. http://infipro.az/. “İnfipro İnc.” informasiya texnologiyası, internet və proqram
təminatı üzrə ixtisaslaşan bizneslərin başlanğıc mərhələsinə investisiya edən
vençur kapitalı şirkətinin rəsmi saytı.
14. http://www.battelle.org/docs/tpp/2014_global_rd_funding_forecast.pdf . “Bat-
telle Memorial Institute” beynalxalq elmi-tədqiqat və qeyri-kommersiya təşki-
latının rəsmi saytı.
15. Bloom N., Griffith R., Van Reenen J. (2002). Do R&D tax credits work? Evi-
dence from a panel data of countries 1979-1997. Journal of Public Economics.
Vol.85, pp.1-31. (Blum N., Qriffit R., Van Rinen J (2002). 1979-1997-ci illərdə
dövlətlərin elmi-tədqiqat və inkişaf tədbirlərinə verilən vergi kreditlərin həcmi.
“Journal of Public Economics” jurnalı.85 saylı buraxılış, s.1-31.).
E.Məmməd-zadə
İNNOVASİYA İQTİSADİYYATININ fORMALAŞMASININ BƏZİ İQTİSADİ VƏ...
6(120) /2014
114
Мамед-заде Эмин Эльдар оглы
д.ф.э., доц., ведущий научный сотрудник Института экономики НАНА
Некоторые экономические и институциональные инструменты
формирования инновационной экономики
Аннотация
Цель исследования – изучение экономических и институциональных инстру-
ментов формирования инновационной экономики.
Методология исследования – системный подход, сравнительный анализ.
Результаты исследования – были даны рекомендации по эффективному ис-
пользованию некоторых экономических и институциональных инструментов
по формированию инновационной экономики.
Ограничения исследования – необходимо более полное научное исследова-
ние влияния налогового стимулирования, венчурного финансирования и на-
учно-технического обмена на формирование инновационной экономики.
Практическая значимость исследования – использование результатов ис-
следования в качестве научного источника в процессе эффективного примене-
ния некоторых экономических и институциональных инструментов в
формировании инновационной экономики.
Оригинальность и научная новизна исследования – определение и научное
обоснование некоторых экономических и институциональных инструментов,
положительно влияющих на формирование инновационной экономики.
Ключевые слова: инновационная экономика, инновационный процесс, на-
логовое стимулирование, научно-технический обмен, венчурное финансирова-
ние.
E.Məmməd-zadə
İNNOVASİYA İQTİSADİYYATININ fORMALAŞMASININ BƏZİ İQTİSADİ VƏ...
6(120) /2014
115
Mamed-zadeh emin eldar oglu
Ass.Prof., Institute of Economy in ANAS
Some economic and institutional instruments of formation
of innovative economy
Abstract
Purpose – studying of economic and institutional instruments of formation of in-
novative economy.
Design/methodology – system approach, the comparative analysis.
Findings – were made recommendations about effective use of some economic
and institutional tools about formation of innovative economy.
Research limitations – fuller scientific research of influence of tax incentives,
venture financing and a scientific and technical exchange for formation of innovative
economy is necessary.
Practical implications – use of research results as a scientific source in process
of effective appling of some economic and institutional tools in formation of inno-
vative economy.
Originality/value – detecting and scientific justification of some economic and
institutional tools which are positively influencing to formation of innovative eco -
nomy.
Keywords: innovative economy, innovative process, tax incentives, scientific and
technical exchange, venture financing.
Jel Classification Codes: E62,H21,H3,O23
Məqalə redaksiyaya daxil olmuşdur: 21.10.14.
Təkrar işləməyə göndərilmişdir: 28.10.14.
Çapa qəbul olunmuşdur: 16.12.14.
E.Məmməd-zadə
İNNOVASİYA İQTİSADİYYATININ fORMALAŞMASININ BƏZİ İQTİSADİ VƏ...
6(120) /2014
116
Dostları ilə paylaş: |