6
BÖLMƏ II:
YUBĠLEY TƏDBĠRLƏRĠNĠN KEÇĠRĠLMƏSĠ:
Fikrət Qoca müasir şeirimizin qüdrətli yaradıcılarındandır. Bu danılmaz
həqiqətdir.
Ötüb keçməkdə olan XX əsrin təxminən yarısı qədər bir müddətdə Fikrət Qoca
Sözün yaradıcısı, keşişçisi, qoruyucusu və yeniləyicisi kimi öhdəsinə düşən
vəzifəni şərəflə yerinə yetirir. Gənc yaşlarından özünə Qoca təxəllüsü seçən Fikrət
Qoca bir daha sübut edir ki, bu gün də şeirimizdə cavanların cavanıdır.
Bəli, bu gün Azərbaycan poeziyası və şeirində özünü həmişə cavan saxlayan
Fikrət Qocanın 80 yaşı tamam olur. Bu münasibətlə respublikamızın təhsil
ocaqlarinda, məktəblərdə, lisey və gimnaziyalarda, kitabxanalarda və bir çox tədris
müəssələrində şairin 80 illik yubileyi qeyd olunur. Şairin yubileyi ilə bağlı
F.Köçərli adına Respublika Uşaq Kitabxanasında tədbirlər planı hazırlanmışdır.
Tədbirlər planının geniş və maraqlı olması üçün kitabxanaçı ilk növbədə
kitabxanada kitab sərgisi təşkil edə bilər. Kitab sərgisi müxtəlif başlıqlar altında
keçirilə bilər. Məsələn, “Könlümdən keçənlər”, “Ulduzlu düşüncələr”, “Sönən
deyil bu ocaq”, “Fikrət Qoca-80” və s. İndi isə “Fikrət Qoca-80 “ adlı sərginin
nümunəsini veririk.
1.
Başlıq.
“Fikrət Qoca-80”
2.
Görkəmli insanların Fikrət Qoca haqqında söylədikləri sitatlar.
3.
Dövrü mətbuatda çap olunmuş məqalələrin kartotekası.
4.
Kitablarının nümayişi.
5.
Şeir parçası.
6.
Babalarım kasıb olub, mərd olub!
Qoçaq olub, mərd olub
Bəy olub, mərd olub
Qaçaq olub, mərd olub
Bəs bu namərdlər hardandı?
Bax bu mənə dərd olub.
Fikrət Qoca
7
Sitatlar:
1.
Fikrət Qocanın şeirlərində məni sevindirən qüvvətli yenilik hissidir. Onun
şeirlərində mədəni bir şairin, ürəyi sözlə dolu…bir insanın nəyə isə
məhəbbət, nəyə isə nifrət aşılamaq istəyən bir şairin səsini eşidirik.
Rəsul Rza
Xalq şairi
2.
Fikrət Qoca küləyin, yarpağın, suyun nəğməsini dilimizin ən zərif, ən həzin
sözləriylə ifadə etməyi bacaran şairdir.
Anar
Xalq yazıçısı
3.
Fikrət Qocanın misraları daim yoxuşa, dağ-qayaya dırmandığından,
şeirlərinin, poemalarının hamısı poetik tər qoxuyur.
Tahir Abbaslı
4.
Fikrət Qoca ilk şeirlərində özünü bizə bir şair kimi tanıtdı və zaman
keçdikcə yeni-yeni əsərləri ilə bu inamımızı doğrultdu. Qələmi püxtələşib,
mövzu dairəsi genişlənəndə də, o öz üslubunu, özünəməxsus deyim tərzini
unutmadı.
Azəroğlu
Şair
5.
Bu şair adamı düşündürməyi bacarır. Şeir insanı heyrətləndirirsə,
dondurursa, səni uzaqlara apara bilirsə, səni özünə qaytarırsa, deməli
tapıntıdır. Fikrət Qocanın poeziyası tapıntılarla zəngindir.
Flora Xəlilzadə
Yazıçı-publisist
10
Xalq şairi Fikrət Qocanın yubileyi münasibətilə təşkil olunan tədbirlərdən
biri də kitab müakirəsidir. Kitab müzakirəsini əsasən böyük yaş qrup uşaqlarla
keçirmək olar. Kitabxanaçı kitab müzakirəsini keçirən zaman şair Fikrət Qocanı və
onun qələm dostlarını tədbirə dəvət edə bilər. Tədbirdə Fikrət Qocanın son
dövrlərdə aktual olan kitablarının bir neçəsinin müzakirəsini keçirmək
məqsədəyuğun olardı. Şair Fikrət Qocanın “Hələlik, qiyamətəcən...”, “Adi
Həqiqətlər” kitablarının müzakirəsini keçirmək olar. Hər iki kitabda Fikrət
Qocanın müxtəlif illərdə yazdığı povest və romanları toplanmışdır. Kitabdakı hər
bir əsərlərdə dövrümüzün ağrı-acıları, xalqımızın dərdi və dərdə dözüm qüdrəti,
insanın mənəvi-əxlaqi dünyasının mürəkkəbliyi və zənginliyi epik növün poetik
imkanlarından məharətlə istifadə olunaraq öz ifadəsini tapmışdır.
Fikrət Qocanın “Adi həqiqətlər” kitabı son on ildə çap olunan ilk kitabıdır.
Buradakı şeir və poemaların heç biri şairin əvvəlki kitablarında çap olunmayıb,
demək olar ki, hamısı küll halında ilk dəfə çap olunur. Son illərdə yaşadığımız
agrı-acılar, vətən, yurd həsrəti, köçkünlük dərdi, şəhidlərin müqəddəs ruhuna
hörmət hissi şeirlərin ana xəttini təşkil edir. Kitabdakı poemalarda isə şair həyatın
adi həqqiqətlərində min illər boyu tutumunu qoruyub saxlayan ədəbi problemləri
mifoloji-fəlsəfi planda işıqlandırmışdır.
İnanırıq ki, Fikrət Qocanın “Adi Həqiqətlər” kitabı oxucuların ən çox
sevdiyi kitablardan biri olacaq və onların stolüstü kitablarına çevriləcək.