|
![](/i/favi32.png) 1. Audit və auditor haqqında anlayış və onların mahiyyətiAuditin predmeti və metodu, aparılma texnikası, funksiyası
|
səhifə | 5/68 | tarix | 25.05.2023 | ölçüsü | 1,48 Mb. | | #112824 |
| Audit suallar-Ayten4.Auditin predmeti və metodu, aparılma texnikası, funksiyası.
Bütün elmlərdə olduğu kimi auditin də tədqiqat obyekti - predmeti və metodu vardır.
Auditin predmeti çox geniş və zəngindir, yəni onun tədqiqat obyekti digər iqtisadi idarəetmə elementləri olan mühasibat uçotu, planlaşdırma və iqtisadi təhlilə nisbətən çox genişdir. Lakin qısa icmal olaraq söyləyə bilərəm ki, Auditin predmeti dedikdə, müstəqil yoxlama -ekspertiza aparmaqla müəssisənin və təşkilatın təsərrüfat-maliyyə fəaliyyətini mühasibat sənədləri əsasında öyrənmək və onu kompleks qiymətləndirmək başa düşülür.
Bundan başqa auidit: müəssisə və təşkilatlarda uçot-hesabat işlərinin vəziyyətini öyrənib qiymətləndirməklə yanaşı, iqtisadi sahədə qanunverici normativ hüquqi aktların prin-siplərinin yerinə yetirilməsi vəziyyətini və bu sahədə yol verilmiş qanun pozuntularını öyrənir, çatışmamazlıqları aşkar edir, onlara ilkin tədqiqat baxımından iqtisadi-hüquqi qiymət verir.
Auditin metodu-onun qarşısında duran əsas məqsədlərə çatmaq üçün tətbiq edilən vasitə və üsullardır. Auditor yoxlamasının əsas metodlarına faktiki yoxlama, formal yoxlama, təsdiqetmə, sənədli yoxlama, müşahidə, sorğu, mexaniki dəqiqlik yoxlaması, analitik testlər, xüsusi yoxlama, müqabil (cari) yoxlama aiddir. Konkret müəssisənin yoxlanılmasının formaları və metodları müstəqil surətdə auditor tərəfindən müəyyən edilir.
Yoxlamanın nəticələri dövlət hakimiyyəti orqanları, məhkəmə orqanları, hüquqi və fiziki şəxslər üçün hüquqi qüvvəyə malik olan auditor rəyidir.
Audit müstəqil təftiş keyfiyyətinə malik olsa da, onun fəaliyyəti yalnız mühasibat və maliyyə hesabatlarının yoxlanması ilə məhdudlaşa bilməz. Məlumatların kütləvi axını şəraitində onların ümumiləşdırilməsi və səmərəli istifadə olunması menecerin və təsərrüfat rəhbərinin qarşısında duran ən vacib məsələlərdir. Digər tərəfdən, müəssisələrdə (təşkilatlarda) uçot və nəzarətin yüksək səviyyədə qurulması ilə resursların səfərbər edilməsini, onlardan səmərəli istıifadə olunmasını, məhsulun maya dəyərinin mınımum həddə çatdırılmasını, mənfəətin аrtımını, sаbit maliyyə vəziyyətini təmin etmək olar. Auditin məqsəd və vəzifələri bu prinsiplər üzərində qurulur.
Dostları ilə paylaş: |
|
|