1. İnformasiya anlayışı və informatikanı təşkil edən komponentlər İnformatika

Avtomatlaşdırılmış idarəetmə sistemləri ayrı-ayrı texnoloji proseslərin idarə edilməsindən tutmuş, bütöv bir müəssisənin və istehsalın tam bir sahəsinin idarə edilməsinədək çox geniş sahəni əhatə edir.

Coğrafi informasiya sistemləri yerin xəritələri, planlar, sxemlər və bu kimi fəza verilənlərinin daxil edilməsi, emalı, saxlanması və əks etdirilməsi ilə bağlı proqram sistemləri sinfidir.

Öyrədici informasiya sistemlərinə hər cür elektron dərsliklər, kompüter testləri, öyrədici proqramlar aid edilir. Bu sistemlərdən tədris prosesində, müxtəlif sahələrdə işçilərin hazırlanmasında və ixtisaslarının artırılmasında istifadə edilir.