1-Laboratoriya ishi a Neftdagi suv miqdorini Dina va Starka usuli yordamida aniqlash

1-Laboratoriya ishi


a) Neftdagi suv miqdorini Dina va Starka usuli yordamida aniqlash.

Kerakli reaktiv, idish va materiallar:

Kolba isitgich yoki elektr plitkasi.
Tutgich-priyomnik;
0,5 l xajmli dumaloq kolba;
1 1 xajmdagi o‘lchov silindri;
BR-1 markali benzin;
Qayvatgichlar (farfor, pemza bo‘laklari, shisha kapilyar trubka);


Ishdan mansad: neft va neft mahsulotlari tarkibidagi suv miqdorini aniqlash. U neft yoki neft mahsulotlari namunalari bilan erituvchini azeotrop haydashga asoslangan.
Ish bajarish tartibi. Tajribani bajarish uchun erituvchi sifatida rezina sanoatida foydalaniladigan BR-1 markali benzin-erituvchi qo‘llaniladi. U 80-120⁰S da qaynaydi va uning tarkibidagi aromatik uglevodorodlar miqdori 3%dan ko‘p bo‘lmaydi.
Neft namunasi shisha idishga solinadi va 5 minut davomida chayqatiladi. Qovushqoqligi yuqori (quyuq) bo‘lgan neft va neft mahsulotlari 40-50°S da qizdiriladi. Aralashtirilgan neft yoki neft mahsulotidan 100 toza va tortilgan 1-chi shisha kolbaga solinadi (1-rasm). So‘ngra 1-chi kolbaga 100 ml erituvchi qo‘yiladi va aralashtiriladi (chayqatiladi).
Suyuq neft mahsulotlarini kolbaga solishda avval hajmi orqali o‘lchash mumkin. Buning uchun o‘lchov silindriga tajriba bajarish uchun kerakli neft mahsulotidan 100 ml o‘lchanadi va 1-chi kolbaga solinadi. So‘ngra shu o‘lchov silindriga 100 ml erituvchi solinadi va 1-chi kolbaga qo‘yiladi. Suyuqlikni bir meyorda qaynash uchun kolbaga forfor, pemza yoki shisha kapillyardan bir nechtasi solinadi. Kolbani shlif yordamida qabul qiluvchi tutgichga ulanadi, qabul-qiluvchi tutgichning tepa qismiga toza va quruq sovutgich 3 o‘rnatiladi va sovutgichning yuqori qismini paxta bilan berkitiladi. Kolbadagi eritmani elektr plita yoki kolba isitgichi yordamida qizdiriladi. Haydashni shunday sharoitda olib borish kerakki, sovutgichdan qabul qiluvchi tutgichga sekundiga 2-4 tomchi suv tomsin. Haydash vaqti 30 minutdan kam va 60 minutdan ko‘p bo‘lmasligi kerak. Qabul qiluvchi tutgichdagi suv xajmi ko‘paymasa va yuqori qismi tiniq bo‘lsa, qizdirish jarayonini to‘xtatish kerak. Agar sovutgich devorlarida suv bo‘lsa, uni shisha tayoqcha yordamida qabul qiluvchi tutgichga tushirish kerak. Kolbadagi mahsulot sovugandan so‘ng, yig‘ilgan asbob bir-biridan ajratiladi. Agarda qabul-qiluvchi tutgichdagi suv miqdori 0,3 ml dan ko‘p bo‘lmasa va eritma loyqa bo‘lsa, suvni tindirish uchun tutgichni issiq suv xammomiga 20-30 minutga solinadi, so‘ngra havo haroratida sovutiladi. Shundan so‘ng yig‘gichdagi suv miqdori o‘lchanadi.

1-rasm. Dina va Starka uskunasi

Suvning massa ulushi X ni quyidagi formuladan topiladi:

bu yerda: V-yig‘gichga yig‘ilgan suvning xajmi, ml.
G-tajriba uchun olingan neft yoki neft mahsulotining tortilgan miqdori, g.