etuvchi omillar
Innovatsion faollik tadbirkorlik faoliyatining joni, uning mohiyati hisoblanadi.
Tadbirkor degan sharafli nomga bozor iqtisodiyotida
yangilik izlashga moyil,
raqobatli kurashda muvaffaqiyatga erishish uchun biron tadbirni amalga oshirishga
tayyor bo‘lgan korxona yoki tashkilot rahbari sazovor bo‘la oladi. Bu tadbirkorga
berilgan chiroyli nomgina emas, balki ma’naviy burch hamdir. Bu kuchli raqobat
sharoitlarida yashovchanlik ehtiyojini ta’minlash uchun hayotiy zaruratdir.
Innovatsionlik raqobat qonuni bo‘lib, bozor iqtisodiyotining ajralmas bir xususiyati
hisoblanadi. Usiz har qanday bozor tizimi muvaffaqiyatsizlikka uchrashi muqarrar.
Turli mulkchilik shaklidagi tadbirkorlarning
innovatsion salohiyatini
baholashda quyidagilarni aniq belgilash lozim:
➢
mamlakat iqtisodiyotida kichik va o‘rta innovatsion tadbirkorlik uchun
infratuzilmani rivojlantirish (innovatsion-texnologik markazlar, inkubatorlar,
texnoparklar, innovatsion-sanoat majmualari va h.k.);
➢
innovatsion faoliyatni rag‘batlantirish bo‘yicha
tadbirlarni kuchaytirish
(IITKI joriy xarajatlarini soliqqa tortiluvchi bazadan chiqarib tashlash, bunday
xarajatlar oshgan taqdirda soliq imtiyozlari belgilash, yangi ilmiy asbob-uskunalarga
tezlashgan amortizatsiya qo‘llash va b.), byudjetdan
tashqari moliyalashtirish
manbalarini jalb etish uchun sharoit yaratish (sug‘urtalash, bank tuzilmalari bilan
aloqa mexanizmlari);
➢
innovatsiyalarni boshqarish uchun menejer kadrlar tayyorlash, mahalliy
yuqori texnologiyali ishlab chiqarish menejmenti me’yorlarini xalqaro me’yorlarga
etkazish;
➢
tadbirkorlarni innovatsiyalarning riskli yo‘liga qadam qo‘yishga
undovchi stimullar;
➢
tadbirkorlar uchun innovatsiyalarni amalga oshirish.
1.3.Innovatsion texnologiyalarni rivojlantirish modellari
1. Texnologik parametrlarga bog‘liq ravishda innovatsiyalar mahsulotli va
jarayonli
innovatsiyalarga bo‘linadi.
Mahsulotli innovatsiya deganda yangi xom - ashyo,
materiallar va yarim
fabrikatlarni
qo‘llash va yangi mahsulotlarni ishlab chiqarish tushuniladi.
Jarayonli innovatsiya - ishlab chiqarishni tashkil qilishning yangi uslublari
(texnologik jarayon o‘zgarishlari) hisoblanadi.
2. Innovatsion bozor uchun yangiligi bo‘yicha innovatsiyalar quyidagilarga
bo‘linadi:
a) jahonda tarmoq uchun yangi;
b) mamlakatda tarmoq uchun yangi;
v) alohida korxona uchun yangi.
3. Tizimdagi o‘rni bo‘yicha innovatsiyalar bo‘linadi:
a) ishlab chiqarishga kirish tomonidagi innovatsiyalar;
b) ishlab chiqarishdan chiqish tomonidagi innovatsiyalar;
v) korxona strukturasi innovatsiyalari.
4. Kiritiladigan o‘zgarishlarning chuqurligi jihatidan:
a) radikal (tubdan o‘zgartiradigan);
b) takomillashtiruvchi (yaxshilaydigan);
v) Modifikatsion (zamonaviylashtiradigan).
5. Faoliyat sohasi bo‘yicha innovatsiyalar bo‘linadi:
a) texnologik;
b) ishlab chiqarish;
v) iqtisodiy;
g) savdo - sotiq;
d) ijtimoiy;
e) boshqarish.
Innovatsion o‘zgarishlarni o‘ziga xos kuzatilishi 1920 yilda rus olimi N.D.
Kondratev tomonidan o‘tkazilgan.
N.D. Kondratev xo‘jalik kon’yunkturalarning katta sikli nazariyasining
muallifi.
U sikllar ko‘pligi g‘oyasini asoslagan va davriy to‘lqinlar tebranishi modelini
ishlab
chiqqan: qisqa davrlar (3 - 3,5 yil), savdo - sanoat davri (o‘rta davr - 7 - 11 yil),
katta
davrlar (48 - 55 yil).
N.D. Kondratevning baholashi bo‘yicha XVIII
asr oxiridan boshlab katta
sikllar
davri quyidagicha bo‘lgan:
1. Ko‘tarilish to‘lqini: oldingi asrning 80 yillari
oxiri 90 yillarining boshidan to 1810-1817 yillargacha.
2. Pasayish to‘lqini: 1810-1817 yillardan to 1844-1851 yillargacha.
3. Ko‘tarilish to‘lqini: 1844-51 yillardan to 1870 - 75 yillargacha.
4. Pasayish to‘lqini: 1870 - 75 yillardan to 1890 - 96 yillargacha.
5. Ko‘tarilish to‘lqini: 1890-96 yillardan to 1914 - 20 yillargacha.
6. Ehtimolli pasayish to‘lqini: 1920 yillardan.
N.D.
Kondratev
aytishicha,
innovatsiyalar
xo‘jalik kon’yukturasini
pasayishdan ko‘tarilish tendensiyasiga to‘lqinli o‘zgarish bilan o‘tkazadi.
U yangiliklar vaqt bo‘yicha notekis taqsimlanishini va guruhlar, klasterlar bilan
namoyon bo‘lishini ko‘rsatdi (klaster - bir-biriga bog‘liq bo‘lgan guruhlar). Bu
klasterli yondashish deb ataladi. N.D. Kondratevning tavsiyalari innovatsion
strategiyalarni ishlab chiqishda qo‘llanilishi mumkin.