|
1. Pedaqoji fəaliyyətin psixoloji səciyyəsi Pedaqoji fəaliyyətin funksiyaları. Pedaqoji fəaliyyətin strukturuPedaqoji fəaliyyətin funksiyaları
|
səhifə | 2/6 | tarix | 12.12.2023 | ölçüsü | 105,96 Kb. | | #148702 | növü | Mühazirə |
| 1. Pedaqoji f aliyy tin psixoloji s ciyy si Pedaqoji f aliyy tin2.Pedaqoji fəaliyyətin funksiyaları. Pedaqoji fəaliyyət yarımfunksional xarakterə malik olub fəaliyyətin müxtəlif növlərini və istiqamətlərini özündə ehtiva edir. Bunlar aşağıdakılardır:
öyrədici;
inkişafetdirici;
tərbiyəedici;
diaqnostik;
korreksiyaedici;
məsləhətverici;
idarəedici və təşkilati;
refleksiv (təcrübənin təhlili);
özünütərbiyə.
Pedaqoji fəaliyyətin iştirakçıları arasındakı pedaqoji qarşılıqlı təsir aşağıdakı cəhətlərdə özünü göstərir: pedaqoqlar (müəllimlər, tərbiyəçilər), iştirakçılar və onların valideyinləri, yaşlı öyrənənlər, idarəçilər, metodistlər, təhsil sahəsində fəaliyyət göstərən təşkilatçılar.
A.İ.Şerbakov pedaqoji fəaliyyətin bir sıra psixoloji funksiyalarını ayırd edir:
məlumat funksiyası (materiala yiyələnmə və onu ötürməsi);
inkişafetdirici funksiya (məktəbli şəxsiyyətinin inkişafını bütünlüklə idarə etmək);
bələdləşmə funksiyası (şəxsiyyətin istiqamətləri, motivləri və idealları);
səfərbəredici funksiya (iştirakçıların əqli fəaliyyətinin fəallaşması, müstəqilliyin inkişaf etdirilməsi);
tədqiqatçı funksiya (pedaqoji prosesdə yaradıcı axtarış, psixoloji-pedaqoji eksperiment keçirmə, təcrübəni ümumiləşdirmək və öz ixtisasını təkmilləşdirmə bacarığı).
Pedaqoji fəaliyyətin psixoloji məzmunu bir sıra sosial (müəllimin cəmiyyətdə yeri və funksiyaları, cəmiyyətin müəllimə verdiyi tələb) və sosial-psixoloji (müəllimi əhatə edən insanların onun şəxsiyyətinə münasibətdə gözləmələri və pedaqoji fəaliyyət sferasına yönəlişləri) amillərlə müəyyən olunur.
3.Pedaqoji fəaliyyətin strukturu. Pedaqoji fəaliyyətin strukturunda üç əsas komponenti ayırd edirlər:
konstruktiv komponent – dərsin, dərsdən kənar tədbirlərin təşkilini, təlim materialının məktəb proqramına və dərsliklərə uyğun seçimini, yenidən hazırlanmasını və təqdim olunmasını özündə ehtiva edir;
təşkilati komponent – təşkilati fəaliyyəti təcəssüm etdirir: müəllim öz icmalının, dərsdə davranışının, uşaqların təşkilati fəaliyyətinin və idrak fəallığının mütəmadi təşkilini özündə ehtiva edir;
kommunikativ komponent – şagirdlərlə, valideyinlərlə, inzibati işçilərlə müəllimlərin münasibətlərinin qurulması və s. axlanılmasını təmin edir.
N.V.Kuzmina pedaqoji fəaliyyətin psixoloji strukturuna beş komponent əlavə edir:
1) qnostik komponent - təhsili təmin edən bacarıqları özündə birləşdirir, digər insanlara təsir etməyin üsul və məzmunu, bu insanların yaş və fərdi-tipoloji xüsusiyyətlərini, fəaliyyət prosesinin nəticələrini, müsbət və çatışmayan cəhətlərini özündə ehtiva edir;
2) proyektiv komponent - iştirakçıların fəaliyyətinin və öz fəaliyyətinin uzunmüddətli məqsəd və vəzifələrinin formalaşmasını ehtiva edir;
3) konstruktiv komponent - taktiki məqsədlərin formulə olunmasını özündə əks etdirir (informasiyanın məzmununun kompozisiyası və s. eçimi, iştirakçıların fəaliyyətinin mənimsəmə səviyyəsinə görə, öz fəaliyyətini proyektivləşdirməsi);
4) təşkilati komponent - operativ məsələ həll etmə bacarığını təmin edir (iştirakçıların fəaliyyətinin müxtəlif növlərinin təşkil olunması, özfəaliyyətinin və davranışının təşkili);
5) kommunikativ komponent – pedaqoji məqsədin həyata keçirilməsinə yönəlmiş münasibətlərin qurulması, ünsiyyətin təşkili
Dostları ilə paylaş: |
|
|