1. Qáwipsizliktiń ergonomik tiykarları Miynetti qorǵawda ergonomik, metereologiya talapları hám sharayatları «Miynetti qorǵaw»

Topografikalıq usıl-baxıtsız hádiyseler júz bergen orınǵa salıstırılıp úyreniw bolıp esaplanadı.
Bolıp ótken baxıtsız hádiyseler tsex jobasına belgili belgiler menen turaqlı túrde dizimge alınadı hám anıq múddet aralıǵında (jıldıń aqırında, hár kvartalda yaki aydıń aqırında) qaysı jumıs ornında eń kóp belgiler toplanǵanlıǵına qarap qáwipli orın anıqlanadı. Usıǵan tiykarlanıp, bul orın qáwipli esaplanıp, ol jerdegi jumıs sharayatı jaqsılap úyrenilip profilaktikalıq ilájlar qollanıladı.
Monografikalıq usıl-baxıtsız hádiyse júz bergen jumıs ornın (mashina, apparat, úskene h.t.b) hár tárepleme tolıq analiz etiwdi talap etedi. Máselen: qandayda bir mashinanıń texnologiyasın, kinematikasın, shiyki zat támiynatı, ónimdi alıw, elektr támiynatı, mashinanı basqarıw hám basqalardı analiz qıladı.
Bul usıldın` abzallıǵı sonda, tek ǵana bolıp ótken baxıtsız hádiyselerdin` sebepleri anıqlanıp qoymastan, bir waqıttıń ózinde payda bolıwı múmkin bolǵan baxıtsız hádiyselerdiń aldın alıw ilájları da kóriledi.
Ekonomikalıq usıl-óndirislik jaraqatlanıwdan kórilgen zıyandı anıqlawdan hámde baxıtsız hádiyselerdin` aldın alıw boyınsha orınlanǵan ilájlardın` sotsial-ekonomikalıq effektin bahalawdan ibarat.
Joqarıda kórsetilgen usıllar jaraqatlanıw haqqında tolıq maǵlıwmat beredi hám onıń aldın alıw ilájların durıs tabıwǵa járdem beredi.


Tekseriw ushın sorawlar:


1. Jaraqatlanıwlardıń tiykarǵı sebepleri nelerden ibarat ?
2. N-1 formasındaǵı akt qanday jaǵdaylarda dúziledi ?
3.Baxıtsız hádiyselerden kelip shıǵatuǵın materiallıq zıyan nelerden ibarat ?