Yer resurslarini boshqarishda axborotlardan foydalanish tizimi.
Yerdan
foydalanishni asoslangan, samarali boshqarish, keng ma‟nodagi bu
tushuncha, yer resurslari
haqida har tomonlama, ishonchli axborotlar talab qiladi.
Bundan tashqari o„z vaqtida, katta hududda keng ko„rsatkichlar bo„yicha ro„yxatga
ega bo„lish xo„jalik ekspluatatsiyasi va taqsimlanishi tarkibida doimo o„zgarishlar
bo„lib turishini aniqlaydi.
Yer resurslari haqida informatsiya ma‟lum talablar bilan ko„ndirilishi kerak:
1) yerdan foydalanishning boshqarish uchun barcha zaruriy tavsiflarni qamrab
olish va ularga aniq miqdoriy ta‟rif berish;
2) Har bir ushbu laxzada ishonchli bo„lishligi;
3) Mamlakatning butun hududini qamrab olishligi.
Sanab o„tilgan talablarga javob beruvchi olingan ma‟lumotlar an‟anaviy
uslublar yordamida yerni o„rganish va kartografiya
qilish amalda mumkin emas
(quruqlikdagi tasvirlar va taftish qilishlar).
Yer resurslarini o„rganishning quyidagi bosh yo„nalishlari belgilanadi:
1) Aerokosmik vositalardan foydalanish asosida aviatsiyali,
kosmik va quruqlik
uslublarini takomillashtirish va kompleksnatsiyalashtirish.
2) Kartografik uslub bilan.
3) Matematik uslublar va EXM foydalanish.
Ana shularga asoslanib vazifalar qo„yiladi.
Yer resurslari to„g„risidagi axborotlardan quyidagi maqsadlarda
foydalaniladi:
- davlat yer kadastri yuritish;
- yer monitoringini yuritish;
- yer tuzish ishlarini tashkil qilish;
- yer fondidan maksadli va oqilona foydalanish buyicha
chora-tadbirlar ishlab
chiqish;
- yerlarni muhofaza qilish tadbirlarini o„tkazish;
- yer resurslarini davlat tomonidan nazorat qilish;
- yer resurslarini boshqarishga doir fiinksiyalarni amalga oshirish va h.k.
Yer resurslari to„g„risidagi yagona axborotlar bazasini shakllantirish ishlari
natijasida yer kadastri va yer monitoringini o„tkazishda
foydalanilgan yerlarda
o„tkazilgan tuproq, geobotonik, gidrogeologik
va boshqa tadqiqotlar, yerdan
foydalanuvchilarni ro„yxatga olish, yerlarni
miqdoriy hisobga olish, tuproq
bonitirovkasi va yerlarning qiymat baholari ma‟lumotlaridan
tashkil topgan
respublika yer resurslarini boshqarishning markaziy axborotlar tizimi yaratiladi.
Yer resurslari to„g„risidagi axborotlar ma‟lum davr uchun aniq sifat va
miqdor ko„rsatkichlarida ifodalanadi.
Yer resurslari holati to„g„risida tezkor ma‟lumotlar,
hisobotlar, ilmiy
prognozlar, mavzuli xaritalar va boshqa materiallar tuzilib chiqiladi va ular tegishli
davlat organlariga takdim etilib boriladi.