A. X. Pardayev Z. A. Pardayeva boshqaruv hisobi

8. v) Muommalar va vazifalar

• 
  
  To‘lanadigan xarajatlarni rejalashtirish
  

Xo‘jalik yurituvchi subyekt kelgusi oy uchun pul mablag‘lari byudjetini tuzdi. Unda tovarlar zaxirasi bilan bog‘liq quyidagi ma’lumotlar mavjud:

Oy boshidagi zaxira	180 000
Oy davomida sotilishi mumkin bo‘lgan tovarlar tannarxi	900 000
Oy oxiriga qolishi mo‘ljallanayotgan zaxira	160 000
Oy boshlanguncha xarid qilingan tovarlar uchun shu oyda to‘lanadigan mablag‘lar	210 000
Hisobot oyida shu oyda xarid qilingan tovarlar uchun to‘lovlar	80 foiz

Talab qilinadi:
Xarid qilinayotgan tovarlar uchun shu hisobot oyida qancha mablag‘ to‘lanishi lozimligini toping.

• 
  
  Pul mablag‘lari byudjetining elementlari Quyidagi ma’lumotlar mavjud:
  

  	1-variant	2-variant
  Pul mablag‘larining boshlang‘ich qoldig‘i	4 200	3 700
  Tushimi kutilayotgan pul mablag‘lari	98 000	73 600
  Kutilayotgan to‘lovlar	89 000	80 800
  Oy oxiriga qolishi kutilayotgan qoldiq	8 000	9 500

Talab qilinadi:
Xo‘jalik yurituvchi subyekt qancha mablag‘ni qarzga olishi lozimligini yoki qarzlari va to‘lovlarni to‘lash uchun o‘z mablag‘i yetishi mumkinligini toping. Har ikkala variantni ham mustaqil ishlang.

• 
  
  Ishlab chiqarish byudjetini tayyorlash
  

Xo‘jalik yurituvchi subyekt darvozalar ishlab chiqaradi. Kelgusi yil uchun sotuv hajmi bo‘yicha istiqbol reja quyidagicha, (donada):

Yanvar	50 000	iyul	40 000
Fevral	40 000	avgust	50 000
Mart	60 000	sentabr	60 000
Aprel	70 000	oktabr	70 000
May	60 000	noyabr	80 000
Iyun	50 000	dekabr	60 000

Kelgusi yil yanvar oyi uchun sotuv hajmining istiqbol rejasi – 60 000 dona eshik. Shu yil yanvar oyi boshiga bo‘lgan qoldiq – 15 000 dona. Xo‘jalik yurituvchi subyekt tovar (eshik) zaxirasi bo‘yicha quyidagi tamoyilga amal qiladi: minimal zaxira miqdori 15 000 donadan kam bo‘lmasligi va maksimal miqdori – kelgusi oyda sotilishi rejalashtirilgan miqdorning yarmisiga teng bo‘lishi lozim. Maksimal ishlab chiqarish quvvati – bir oyga 65 000 dona eshik.

Talab qilinadi:

1. Yuqorida keltirilgan ma’lumotlardan foydalanib kelgusi yil uchun, har oydagisini alohida ko‘rsatgan holda, ishlab chiqarish byudjetini tuzing.

   
   

2. Kelgusi yilning 31-dekabr kuniga qoladigan oxirgi qoldiq miqdori qanchaga teng bo‘ladi?

   
   

4. Materiallar xaridi byudjeti
Xo‘jalik yurituvchi subyekt yog‘och eshiklar ishlab chiqaradi. Kelgusi yil uchun sotuv hajmi bo‘yicha dastlabki besh oylik istiqbol reja quyidagicha (donada):

Iyun	50 000
Yanvar	10 800
Fevral	15 600
Mart	12 200
Aprel	10 400
May	9 800

Har oyning oxiridagi tayyor mahsulot qoldig‘i, kelgusi oyda sotilishi belgilangan miqdorning 25 foiz hajmida bo‘lishi lozim. Yanvar oyining dastlabki kunida ombordagi shu mahsulot qoldig‘i 2 700 dona bo‘lgan. Oy oxirida tugallanmagan ishlab chiqarish qolmaydi. Bir dona mahsulotni ishlab chiqarish uchun ikki xildagi materiallardan quyidagicha miqdorda kerak bo‘ladi:

«A» materialidan	4 dona
«V» materialidan	5 dona

Har oyning oxiridagi materiallar qoldig‘i, kelgusi oyda ishlatilishi belgilangan miqdorning yarmisi hajmida bo‘lishi lozim.

Talab qilinadi:
Kelgusi yilning I-kvartalidagi har bir oy uchun xarid qilinishi lozim bo‘lgan materiallar miqdorini toping – materiallar xaridi byudjetini tuzing.