91
Həyat qəbrimlə bitər, həşrim ilə başlar həyat
Yalnız hər gün ölənin bu hikməti duymağı var.
Tərki-dünya olana azdı bu gün beyət edən
Əhli dünya olana çünki qövmün uymağı var.
Çoxunun nəfsi şişib, ruhu düşüb, yox xəbəri
Nə ruha üzülməyi, nə də nəfsə qıymağı var.
Qəzəbin ziddi rizadır. Zatən qulluq, ibadət Allahın qə-
zə bini deyil, rizasını qazanmaq, yəni Onun razı olduğu
işləri görüb qəzəb etdiyi əməllərdən çəkinməkdir. Məhz bu
vəzifəni dərk və təbliğ edənlərin özlərinin icra etməməsi
ilahi qəzəbə səbəb verən əsas xətalardan biridir.
“Ey iman edənlər! Etməyəcəyiniz şeyi nə üçün söylə
yirsiniz? Etməyəcəyiniz şeyi söyləməyiniz Allah yanında
böyük qəzəbə səbəb olar” (əs-Səff, 2-3).
Allahın riza və ya qəzəbinə səbəb olan əməllər Quranda
və hədislərdə göstərilmişdir. Mömin onları öyrənməli və
bildiklərini tətbiq və təbliğ etməyə çalışmalıdır.
Hər cür halda yalnız haqqı demək nəfsə ən zor gələn
əməllərdən biridir. Adətən, qul bir çox fəzilətlərə sahib
olsa da, qəzəblənərkən riza halında etmədiyi xətalara
yol verərək haqdan uzaqlaşır, müxtəlif günahlara girir.
Məsələn, qəzəb etdiyi şəxsi təhqir edər, ünvanına böhtanlar
yağdırar, sirlərini ifşa edər, ona elədiyi yaxşılıqları şişirdib
başına çaxar və s. Halbuki haqq, ovqata görə dəyişməz, on-
dan asılı deyil. Əksinə ovqat haqdan asılı olmalı, ona uy-
ğunlaşmalıdır. İlahi riza da bundadır.
HƏDİS Abdullah ibn Əmr (radiyallahu ənh) Rəsulullahdan
(salləllahu əleyhi və səlləm) eşitdiklərini yazardı. Bir dəfə so-
ruşdu: “Ya Rəsulallah, qəzəbliykən söylədiklərinizi də ya-
zımmı?”
O Həzrət (salləllahu əleyhi və səlləm) buyurdu: “Yaz! Məni
insanlığa göndərən Allah Təalaya and içirəm ki, qəzəb-
lənsəm də, dilimdən haqdan başqası çıxmaz.”
92
Digər bir hədisdə Allah Rəsulunun (salləllahu əleyhi və
səlləm): “Ya Rəbb! Riza halımda da, qəzəb halımda da haq-
qı söyləməyi mənə nəsib et!” deyə dua etdiyi rəvayət olu-
nur. Ya Rəbb! Bizi də o duaya şərik qıl!
Uyma çox zənnə ki, zənn əsla həqiqət olamaz
Sünnədən keçməyən yol əsla təriqət olamaz.
Əhli eşq, əhli sidqin ta özüdür, qeyri kimdi?
Allahdan başqasına vəfa sədaqət olamaz.
Hirsini məğlub edən, hər zəfərə layiq olur
Hirsinə məğlub olan əhli ləyaqət olamaz.
Qəlbə köntöy yanaşan, sanma kübar zümrədəndi
Nəfsə nazik yanaşan əhli nəzakət olamaz.
Xaliqdən qorxana dünya həyatı qazilikdir
Məxluqdan qorxana Din ömrü qəzavət olamaz.
Allahın qəzəbi cəhənnəm, əfvi cənnət, rizası camalı de-
məkdir. İlahi rizanı uman və buna cəhd edən kimsələrin
umduqlarına qovuşması umulur. Bu isə qulun Allahdan
razı olmasıyla, yəni qəzavu-qədərə, başqa sözlə başına
gələn müsibətlərə “mərhəba” deyərək xoş üz göstərməsiylə
mümkündür.
Allah Rəsulunun (salləllahu əleyhi və səlləm) bir dua-
sı beləydi: “Ya Rəbb! Qəzandan sonra Səndən riza halını
istəyirəm.” Əbu Osman həzrətləri bu duayla bağlı demiş-
dir: “Qəzadan öncə riza, rizaya əzm etməkdir. Qəzadan
(başa gələndən) sonra riza isə, əsil rizadır.”
Allahın rizası və məğfirəti eyni şey deyil. Məsələn,
Rəsulullah (salləllahu əleyhi və səlləm) buyurdu: “Namazın
vaxtın əvvəlində qılınması Allahın rizasına, sonunda qı-
lınması məğfirətinə səbəbdir.”
93
İBRƏT Bir adam köləsinə qəzəblənir. Kölə bağışlanması
üçün bir vasitəçi tapır. Ağası onu əfv edir. Lakin kölə otu-
rub ağlamağa başlayır. Vasitəçilik edən şəxs ondan soru-
şur: “Ağan səni əfv etdi, daha niyə ağlayırsan?”
Kölə susub cavab vermir. Ağası deyir:
“O mənim ondan razı olmağımı istəyir, bu isə artıq
mümkünsüzdür. Buna görə də ağlayır.”
Sanma, ey qul, məsələ qədərdə və qəzadadır
Haqqı bilmək diləsən, iş qədərə rizadadır.
Rəbbinin vermədiyi verdiyindən xeyirlidir
Hər şeyi arzulama, gör Allah nə arzudadır.
Nəfsin, Adəm balası, nazı ilə oynama çox
Qurdu ha bəsləsən də, gözü qoyun-quzudadır.
Dünya çoxdan cızılan taleyinə doğru gedir
Hər nə baş versə bu gün, o əzəli yazıdadır.
Cəhənnəmdən qurtuluş böyük vəslə vəsiqədi
Qul vüsal ummadıqca cənnətdə də cəzadadır.
Qələmin haqqı onu Xəlq Edən haqda yazıdır
Ey həqiqət arayan, həqiqət o mövzudadır.
Şübhəsiz ki, qəzəblənərkən, haqlı olsan belə, bağışlamaq
cəzalandırmaqdan fəzilətlidir. Çünki Uca Rəbbimiz buyurdu:
“Həsənat və pislik eyni deyildir. (Pisi) daha yaxşı olan-
la dəf et. O zaman aranızda ədavət olan kimsəni həmdəm
görərsən” (Fussilət, 34).
Biri Rəsulullahdan (salləllahu əleyhi və səlləm) soruşdu:
“Ey Allahın Rəsulu, xidmətçilərin qüsurlarını neçə dəfə ba-
ğışlayım?”
O Həzrət (salləllahu əleyhi və səlləm) buyurdu: “Yetmiş
dəfə.”
94
İnsanın öz nəfsi üçün qəzəblənməsi incələnərsə, əslində
bu qəzəbin nəticə etibarilə tam ya qismən Allaha, yəni
Onun qəzavü-qədərinə, yaxud əmr və yasaqlarına qar-
şı yönəldiyini sezmək mümkündür. Çünki nəfsani qəzəb
şeytan vəsvəsəsindən qaynaqlanır. Onun isə düşmən ola-
raq işi Adəm övladını Rəbbinə asi etməkdən başqa bir şey
deyildir. Möminlər bunun fərqinə vararaq mümkün qədər
qızmamalı, mümkün olmazsa qəzəblərini hər vəchlə cilov-
lamağa cəhd etməlidir.
İBRƏT Şəqiq Bəlxi bazardan bir qarpız alıb evə gətirir.
Lakin kəsəndə yaxşı olmadığı üzə çıxır. Xanımı bundan
bərk qəzəblənib deyinməyə başlayır. Şəqiq Bəlxi onun qız-
dığını görüb deyir:
“Kimə qəzəblənirsən? Qarpızı satanamı, alanamı, əkə nəmi
yoxsa onu Yaradanamı? Bu, əgər satıcılıq olsaydı, o ən dadlı-
sını və gözəlini satmasını istərdi. Alan da ən yaxşısını almaq
istərdi. Əkənə gəldikdə isə, o da ən yaxşısını yetişdirmək
istərdi. Allah istisna olmaqla, sənin qızdığın başqa bir kimsə
qalmadı. Elə isə sən Allaha qızırsan. Allahdan qorx, Onun
qəza və qədərinə razı ol.”
Qadın ağlayaraq tövbədə bulundu.
İnsanlar eyni deyil, qananı var, qanmazı var
Qanana, qanmayana qədərin öz qapazı var.
Qananın fərqi bu ki, qismətinə qane olur
Qədərlə güləşənin qoltuğunun qarpızı var.
Qəflətən çarpılanlar qafillərdi, qeyri deyil
Bəla da fərqli olur, düzü, çalın-çarpazı var.
Xeyir nəfsin daha çox sevmədiyi şeylərdədir
İlan xoşlanmasa da, yuvasında yarpızı var.
Qızma, ey qul, qədərin süfrəsinə, nəfsinə qız
Çünki hər mətbəxə layiq özünün aşpazı var.
Dostları ilə paylaş: |