281
İBRƏT Utbətul-Qulam həzrətləri nəfsini aclıq və susuz-
luqla tərbiyə edirdi. Anası: “Özünə bir az yazığın gəlsin”
deyərək ona acıdı. Utbə: “Özümə yazığım gəldiyi üçün bir
neçə günlük çətinliyə razı olub əbədi rahatlığa qovuşmaq
istəyirəm” dedi.
Bu qədər naqis ikən nədən belə qürurluyuq
Halbuki məxluqatın hamısından şüurluyuq.
İşimiz zillət ikən işsizlikdir əndişəmiz
İçimiz zülmət ikən zənn edirik ən nurluyuq.
Şirkdəyik qurşağacan, nifaq köksə dirənibdir
Çirkdəyik xirtdəyədək, kimsə demir qüsurluyuq.
Qəsrlər tikmədəyik qəbirlərin üzərində
Həşrimiz öndə ikən nədən belə hüzurluyuq.
Cənnət ancaq cahanı sərmayə etməklə olur
Mayadan yeyə-yeyə zənn edirik uğurluyuq.
İbadətdən yayınanların ikinci bəhanəsi “İçimdən gəl-
mir, hələ hazır deyiləm” etirafıdır. Maraqlıdır ki, “Layiq
de yi ləm” yox, “hazır deyiləm” ifadəsi dəbdədir. Çünki
ləyaqət heysiyyata toxunan, nəfsi incidən məsələdir. Bəha-
nə çilər onu dilə gətirmək, ləyaqətsizlikləri ilə razılaşmaq
istəmirlər. Dilə gətirsəydilər də dəyişən bir şey olmayacaq-
dı. Bəhanə bəhanədi, yəni gerçəyi gizləmək, bulunduqları
duruma haqq qazandırmaq məqsədi daşıyır. Başqa sözlə
desək, ibadətsizlər “Layiq deyiləm” söyləsəydilər belə sə-
mi mi olmayacaqdılar. Zatən kim Allaha layiq ibadət edə
bilir ki? Məşhur bir deyim var: “Əmr ədəbdən irəlidir.”
İbadət bütün insanlara və cinlərə ilahi əmrdir, təklif deyil.
Rəy üçün yox, icra üçündür. İçlərin durumu, hazır və ya
razı olub-olmaması önəm daşımaz. Məgər bütün insanlar
ancaq sevdikləri rəhbərin tabeliyində və yalnız xoşladıq-
282
ları işdə çalışırlar? Əlbəttə, yox. Bununla belə işləyirlər,
rəhbərə də tabe olurlar. Başqa çarələri də yoxdu, işsiz qal-
maq istəmirlər. Amma məsələ ibadətə, ilahi əmrin icrasına
gəldikdə, iç durumları, hazır olmamaları yada düşür. Hal-
buki işi də, ruzini də verən Allaha ibadətdən söbət gedir.
İçkiyə meyilli bir iş yoldaşım vardı. Yaşı əllini haqlamışdı.
Hər dəfə onu tövbəyə dəvət edəndə “Əhdim var, 55 yaşım-
da tövbə edib ibadətə başlayacağam” deyirdi. O işimdən
ayrıldığım üçün bir neçə il onu görmədim. Bir gün evimizə
gəldi. Bir ildən bəridir ki, işdən çıxarıldığını, əməliyyatlar
keçirdiyini, borca-xərcə düşdüyünü danışaraq xeyli ağladı.
Yaşını soruşdum. 56 olduğunu söylədi. Üzləşdiyi sıxıntı-
ların əhdini yerinə yetirməməsindən qaynaqlandığı aydın
idi. Bunu ona xatırladanda yenə ağladı. Bu dəfə 60 yaşında
tövbə edəcəyinə söz verdi...
İçimiz pinti ikən pak ətrafdan danışmayaq
Vicdan çəkmirsə əzab, etirafdan danışmayaq.
Ey insan, saf-çürük eylə içini, içdiyini
Çürüyün üzdədisə içdə safdan danışmayaq.
Qərb tənəzzüldə ikən Şərq tərəqqi bəlkə eylər
Qəlb tənəzzüldə ikən inkişafdan danışmayaq.
Gündə beş vaxt namaza, ildə bir ay oruca uy
Fərzə səhlənkar isən itikafdan danışmayaq.
Söylə, saleh əməlin haqq üçün ya xalq üçündür?
İxlasdan yoxdusa iz, gəl insafdan danışmayaq.
Orta yol göstərilib, olanının haqqını ver
Əsla gəl simiclikdən ya israfdan danışmayaq.
Yaxşı söz düşməni dost, pis söz dostu düşmən edər
İttifaqdan danışaq, ixtilafdan danışmayaq.
283
Könül haqq bir Kəbədi, Kəbə özü haqq könüldü
Bu təvaf olmayınca, o təvafdan danışmayaq.
Əlahəzrət vaxt “hələ ibadətə hazır deyiləm” deyənlərin
əleyhinə işləyir. Çünki hədisdə buyuruldu:
“Altmış yaşına qədər ömür sürmüş kimsənin Allahın hü-
zurunda üzür diləmək haqqı olmayacaq.”
Digər tərəfdən, altmış il yaşayacağını bilən kimdir? Ölüm
Allahın əmridir. O, tövbədən sonra da gələ bilər, əvvəl də.
Tövbə də Allahın nəsib etdiyidir. Lakin o, ancaq ölümdən
əvvəl gəlməlidir.
“Birinizin ölümü çatıb: “Ey Rəbbim! Mənə bir az möh
lət versəydin, sədəqə verib salehlərdən olardım!” de
mə mişdən əvvəl sizə verdiyim ruzidən infaq edin” (əl-
Münafiqun, 10).
“Günah işlər görməkdə davam edərək, ölüm yetişən
anda “Mən indi tövbə etdim” deyənlərin və kafir olaraq
ölənlərin tövbəsi qəbul olunmaz. Biz onlar üçün şiddətli
bir əzab hazırlamışıq” (ən-Nisa, 18).
İBRƏT İsrail oğullarından çox günahlar işləmiş biri çox
ibadətiylə məşhur olan bir abiddən: “Doxsan doqquz adam
öldürdüm, Tövbəm qəbul edilərmi?” – deyə soruşdu. Abid:
“Xeyr, olmaz” – deyə cavab verdi. Onu da öldürüb yüzə
çatdırdı.
Sonra çox elmiylə məşhur olan bir alimdən: “Yüz adam
öldürdüm, tövbəm qəbul olarmı?” – deyə soruşdu. Alim:
“Olar, lakin olduğun məmləkət fəsad yeridir. Filan məm-
ləkətə get, ora yaxşıdır” deyə cavab verdi.
Adam oraya gedərkən yolda əcəli tamam oldu. Əzab və
rəhmət mələkləri onu hansı məmləkətə aid etmək barədə ix-
ti lafa düşdülər. Allah Təala mələklərə o yerin ölçülməsini
buyurdu. Salehlərin məmləkətinə daha yaxın olduğunu gör-
dülər. Sonra rəhmət mələkləri onun ruhunu təslim aldılar.
284
Hər ömür haqq səfərdir, hələ müsafir deyilik
Bəlli bir bəhanəmiz budur ki, kafir deyilik.
Haqq yolun yolçuluğu haqqını verməklə olur
Ən kiçik haqqı tələsməkdi ki, mahir deyilik.
Hər gün hərracdı, behişt təklif olur, dünya tələb
Görünən təkcə budur ki, hələ tacir deyilik.
Ötsə də on dörd yüz il, hicrət davam etmədədir
Nəfsdən başlayır o, hələ mühacir deyilik.
Bizdən əvvəlkilər öz qəlblərini qoydu yola
Təpik döyməkdi bizimki, çoxa qadir deyilik.
Baxıram keçmişə, ah, əhli-könül onda idi
Təsəllim təkcə bu ki, çox da müasir deyilik.
Bəhanəçilərin üçüncü bəhanəsi ibadət əhli ilə bağlıdır.
Namaz qılan, amma günah edən kimsələri misal gətirərək
ibadət etməmələrinə haqq qazandırmağa çalışırlar. Bu bə ha-
nəçilərdən soruşuruq: “Məgər dünya işlərində hər işçi baca-
rıqlıdırmı? Məsələn, idarəçilərin, sənətkarların, ti ca rətçilərin
hamısı mahirdimi, naşısı yoxdumu? Din iş ləri də elədir.
Yaxşısı da olacaq, yaxşı olmayanı da. Sən irəlidə gedənə bax,
arxada qalanı, axsayanı niyə nümunə götürürsən?” Haqq-
Təala kamil örnəyi Öz Kitabında açıqlamışdır:
“And olsun ki, Rəsulullahda Allaha və Axirət Gününə
ümid bəsləyən və Allahı çox anan kimsələr üçün gözəl
örnək vardır” (əl-Əzhab, 21).
Adəm oğlu bəyənmədiyi iş adamları ilə birgə işləməyi
qəbul edirsə, amma bəyənmədiyi ibadət adamları ilə
bərabər olmağı qəbul etmirsə və yaxud dünya əhlindən
xoşlanmaması onu dünyadan soyutmursa, amma Din
Dostları ilə paylaş: |