amaliy mashg’ulot ( soat ) Mavzu: Davolovchi va parhez taomlar tayyorlash texnologiyasini o’rganish. Ishdan maqsad

9-Amaliy mashg’ulot ( 2 soat )
Mavzu: Davolovchi va parhez taomlar tayyorlash texnologiyasini o’rganish.

Ishdan maqsad: Davolovchi va parhez taomlar tayyorlash texnologiyasini o’rganish va bu borada malaka oshirish.
Uslubiy ko’rsatma: Ma’lumotlar ushbu ishning nazariy qismidan o’qib bilib olinadi, tanlangan taomlar uchun kerakli xom ashyolar va ularning miqdori (sbornik retseptur natsionalnix blyud i kulinarnix izdeliy narodov Uzbekistana T. Mehnat 1987) kitobdan olinadi va kerakli hisoblar bajariladi.
Mashg’ulotni o’tkazish uchun asbob-anjomlar. Buning uchun har-xil inventarlar, taxtakach, tovalar, protvenlar, durshlak, turli xil hajimdagi kastryulkalar, va shunga o’xshash asboblar. Elektr yoki gazplitalar, elektr pechlar, elektr tovalar, frityurnitsalar, har xil pichoqlar va boshqa mexanik hamda issiqlik ishlovi berish jihozlari, qo’llanmalar, texnologik karta. Topshiriq: Talabalar tayyorlangan mahsulot yoki taomlarga organoleptic baho beradilar, ya’ni ko’rinishi , mazasi, sifati, tayyorlanish texnologiyasi bilan tanishadilar, kerakli b’lgan m’lumotlarni daftarlariga yozib oladilar. O’qituvchi mashg’ulotga yakun yasaydi. Nazariy qism
Davolovchi taomlarning ahamiyati.
Kasalliklarni davolash va ularning oldini olish uchun ishlatiladigan taomlar parhez yoki davolovchi taom deb ataladi. Parhez taomlar umumiy ovqatlanish qoidalariga asoslangan bo'Iib, sifat jihatdan muhim ozuqaviy mahsulotlar bilan balanslangan bo'lishi kerak. Parhez taomlarini kasalxonalarda, sanatoriylarda, parhez taomli oshxonalarda, ochiq umumiy ovqatlanish korxonalarining parhez taomlari bo'limlarida, o'quv korxonalari, zavod, fabrika, institut va boshqa korxonalarning kasallik oldini olish bo'limlarida va boshqa joylarda tashkil qilish mumkin. Parhez taomidan foydalanuvchi shaxs uchun shifokor ko'rsatmalari bilan parhez va iste'mol uchun ruxsat etiluvchi taom yoki mahsulotlar belgilanadi. Parhez taomlari yoki mahsulotlari o'z xususiyati va kasal turi bo'yicha 1, 2, 5, 7, 9, 10, 11, 15 raqamlari bilan belgilanib, umumiy holda qo'llanadigan parhez dasturxonlari hisoblanadi. Parhez taomlari shifokor nazoratida iste'molga berilishi shifokor belgilagan vaqt mobaynida iste'mol qilish qat'iy amalga oshirilishi kerak. Parhez taomlari uchun oliy navdagi mahsulotlar hamda sanoat korxonalarida ishlab chiqarilgan parhez konservalari, rezavor-meva sharbatlari, konsentratlarini ishlatish mumkin. Ko'p parhez taomlari uchun ziravorlar, har xil maza beruvchi mahsulotlar, tarkibida ko'p miqdorda o'tkir maza beruvchi yoki ekstraktiv mahsuloti bo'lgan, yog'liq va birlashtiruvchi to'qimasi ko'p bo'lgan mahsulotlarni uning tarkibiga yangi rezavor-mevalar, sabzavotlar, meva sharbatlari, sut va sut mahsulotlari, o'simlik yog'i, yangi baliqlar kiritilishi shart.Parhez taomlarini tayyorlashda issiq ishlov berish usullaridan suvda pishirish, bug'da yoki oz suvda dimlab pishirish ko'proq qo'llaniladi. Ba'zan pishirilgandan so'ng qovurish shkafida yuzaki qobiq hosil qilib olinadi. Ba'zi hollarda esa pishgan mahsulot qovurib ham olinadi. ishlov berish davolanayotgan kimsa va shifokor ko'rsatmasiga asosan amalga oshirilishi kerak. Shu sababdan parhezlarga qo'yiladigan talab qoidalarini o'rganish lozim. Ular parhez dasturxonlarining tavsifida o'rganiladi.