217
of Agsu Archaeology Expedition organized in History-Ethnography Museum
within one day.
AĞSUDA ARXEOLOJĠ TƏDQĠQATLARIN YENĠ NƏTĠCƏLƏRĠ
6 may 2010-cu il tarixdə Ağsu arxeoloji ekspedisiyası rayon icra
hakimiyyəti ilə birlikdə “Ağsuda arxeoloji tədqiqatların ən yeni nəticələri”
mövzusunda tədbir keçirmişdir. Tədbirdə rayon ictimaiyyətinin nümayəndələri və
mətbuat təmsilçiləri iştirak etmişlər.
Tədbir iştirakçıları əvvəlcə Orta əsr Ağsu şəhəri və orada aparılan arxeoloji
qazıntılarla tanış olmuşlar. Ekspedisiya rəhbərliyi qonaqları III, IV və V qazıntı
sahələrində aparılan axtarışlar və aşkara çıxan ən yeni tapıntılarla tanış etmiş,
onların coxsaylı suallarına cavab vermişlər.
Qazıntılarla tanışlıqdan sonra rayon tarix diyarşunaslıq muzeyində arxeoloji
tədqiqatların ən yeni nəticələrini əks etdirən sərginin açılışı olmuşdur.
Sərgi ilə tanışlıqdan sonra mətbuat və ictimaiyyət nümayəndələri üçün geniş
brifinq keçirilmişdir. Ağsu rayon İcra Hakimiyyəti başçısının I müavini Rasim
Novruzov brifinqi giriş sözü ilə açaraq demişdir:
- Hörmətli xanımlar və cənablar!
Bildiyiniz kimi Azərbaycan Respublikası Konstitusiyasının 77-ci maddəsinə
görə tarix və mədəniyyət abidələrini qorumaq hər kəsin borcudur. Çünki tarix boyu
mədəniyyət abidələri xalqımızın milli sərvəti olmuşdur.
Tarix və mədəniyyət abidələri arxeoloji və memarlıq obyektləri, etnoqrafik,
epiqrafik, antropoloji materiallar, tarixi hadisə və şəxsiyyətlərlə bağlı olan binalar,
xatirə yerləri, əşyalar, xalqın dini əqidəsi ilə bilavasitə əlaqəli olan dəyərlərdir.
Bildiyiniz kimi Ağsu rayonu ərazisində də bir çox tarix və mədəniyyət
abidələri mövcuddur. Belə ki, vaxtilə arxeoloji qazıntı aparılmış Nüydi kəndi
ərazisində antik dövrə aid qədim qəbiristanlıq, məbəd və yaşayış yeri, görkəmli
sərkərdə və dövlət xadimi Cavanşirin yaşayış yeri, Qırlar kəndi yaxınlığında
Qırlartəpə yaşayış yeri, Ərəbuşağı kəndində Xanyurdu kurqanı, Nuran kəndi
ərazisində eradan əvvəl III-I əsrlərə aid Qaraçıbulaq, Padar kəndi yaxınlığında orta
əsrlərə aid Xəzinədağ və bu gün haqqında söhbət açacağımız Orta əsr Ağsu şəhəri
kimi tanınan abidələr mövcuddur.
Azərbaycan Respublikasının Prezidenti cənab İlham Əliyevin 2008-ci ilin
fevralında imzaladığı Sərəncam Azərbaycanda arxeologiya elminin inkişafında
yeni mərhələnin başlanğıcı oldu. Bu baxımdan Respublikanın digər rayonları ilə
yanaşı, Ağsu rayonunda da aparılan arxeoloji tədqiqatlar arxeologiya elminə yeni
töhfələr verməkdədir. Bu ilin mart ayından etibarən rayonumuzun Ülgüc kəndi
yaxınlığında yerləşən Orta əsr Ağsu şəhər yerində arxeoloji tədqiqatlar
başlanılmışdır.
218
May ayının 7-də Ümummilli liderimiz Heydər Əliyevin anadan olmasının
87-ci ildönümünə həsr olunmuş “Tarixi-mədəni irsə qayğıkeş münasibətin Heydər
Əliyev nümunəsi” mövzusunda keçirilən silsilə tədbirlərdə iştirak edən alimlər,
digər qonaqlar və rayon ictimaiyyətinin nümayəndələri orta əsr şəhər yerində
aparılan arxeoloji qazıntılar və oradan tapılmış materiallardan ibarət sərgi ilə tanış
olmuş, “Ağsu şəhəri orta əsrlərdə” kitab-albomun və Ağsu arxeoloji
ekspedisiyasının internet səhifəsinin təqdimat mərasimi keçirilmişdir.
Rayon icra hakimiyyəti rəhbərliyi adından deyə bilərəm ki, bütün bunlar
Ağsu ziyalıları, bütövlükdə rayon ictimaiyyəti tərəfindən çox böyük maraqla
qarşılanmış və yüksək dəyərləndirilmişdir. İnanın, qısa vaxt ərzində adamlarda
tarixi-mədəni irsə maraq hiss olunacaq dərəcədə artmışdır. İndi Ağsuda az qala hər
bir evdə ən çox müzakirə olunan məsələlərdən birisi rayonumuzda aparılan
arxeoloji tədqiqatlar və bu zaman aşkar olunan nadir maddi mədəniyyət
nümunələri barədədir. Uşaqdan böyüyədək hamının doğma diyarın tarixinə marağı
artıb. Odur ki, fürsətdən istifadə edərək bu işdə böyük zəhməti olan Ağsu arxeoloji
ekspedisiyasının rəisi, tarix elmləri doktoru Qafar Cəbiyevə öz adımdan və rayon
ictimaiyyəti adından təşəkkür edirəm. Ekspedisiya rəisinin müavini, tarix elmləri
namizədi, həmyerlimiz Fariz Xəlillinin bu işdə böyük fəallığı göz qabağındadır.
Fariz müəllimə də öz minnətdarlığımı bildirirəm.
Hörmətli xanımlar və cənablar!
Bugünki tədbir Ağsuda arxeoloji tədqiqatların ən yeni nəticələrinə həsr
olunub. Odur ki, ekspedisiyanın əldə etmiş olduğu ən yeni nəticələr barədə
danışmaq üçün sözü tarix elmləri doktoru, ekspedisiyanm rəisi Qafar Cəbiyevə
verirəm.
Ekspedisiya rəisi Qafar Cəbiyev aparılan arxeoloji tədqiqatların ən yeni
nəticələrindən bəhs edərkən əsasən aşağıdakı məqamlara toxundu:
- Hörmətli xanımlar və cənablar!
İcazə verin, hər şeydən öncə tariximizə, keçmişimizə, keçmişin
yadigarı olan abidələrin öyrənilməsinə olan həssas münasibətə görə bugünkü
tədbirdə iştirak edən bütün insanlara Ağsu arxeoloji ekspedisiyasının kollektivi
adından öz dərin təşəkkürümü və minnətdarlığımı bildirim. Sizlərin burada
iştirakınızın özü bu həssas münasibətin göstəricisidir.
Bu bizim Ağsu ziyalıları və media nümayəndələri ilə olan növbəti
görüşlərimizdən biridir. Mən şadam ki, belə görüşlər artıq ənənəvi hal alıb.
Xatırladım ki, iki ay öncə, daha doğrusu, may ayının 7-də Ulu öndər Heydər
Əliyevin doğum günü münasibəti ilə biz rayon tarix diyarşünaslıq muzeyində Ağsu
tapıntılarından ibarət ilk sərginin açılışı mərasiminə toplaşmışdıq. Bu gün isə artıq
ikinci sərginin açılışını etdik. İki ay öncə “Ağsu şəhəri orta əsrlərdə” kitab-
albomunun təqdimatını keçirmişdik. Bu gün həmin kitabın ingilis dilində nəşrini
sizlərə təqdim edirik. İki ay öncə ekspedisiyanın internet səhifəsini təqdim
Dostları ilə paylaş: |