52
görə fərqlənirlər. Dördkünc butulkalar qısaboğazlı, dairəvi butulkalar isə
uzunboğazlı olurlar.
Uzunboğazlı butulkalardan birinin boğazının hündürlüyü 8 sm-dir. Onun
kənara açılmış ağzının diametri daxildən 2 sm, bayırdan isə 4 sm-dir. Orta ölçülü
boğaza malik butulkalardan birinin boğazının hündürlüyü 6 sm-dir. Butulkanın
ağız hissəsinin düzəldilməsi üçün şüşə çubuqdan istifadə olunmuş, çubuq boğazın
yuxarı qurtaracağına dolanmışdır. Səliqəli hazırlanmadığı aydın izlənilir.
Butulkanın ağzının diametri 1,7 sm-dir. Çubuğun qalınlığı 0,5 sm-dir. Tünd yaşıl
rəngli bu butulkaların gövdələri getdikcə genişlənir, beləliklə də qabın tutumunun
artmasına xidmət edirdi.
Uzunboğaz butulkalardan biri ağız hissəsinin genişliyi ilə fərqlənir. Onun
ağzının diametri daxildən 4 sm-dir. Şüşənin divarının qalınlığı 0,4 sm-dir.
Boğazının hündürlüyü 8 sm-dir. Açıq-yaşıl rəngli bu butulka hələ ki, qazıntı
sahəsində az rast gəlinən nümunələrdəndir.
Qısaboğazlı şüşə butulkalar istər IV, istərsə də əvvəlki III qazıntı sahəsində
çox rast gəldiyimiz şüşə qab nümunələrindən olub, istehsal yerləri də bəllidir. Belə
ki, artıq 3 nümunədə şüşə butulkaların üzərinə istehsal olunduğu yerin adı –
“London” damğası vurulduğu qeydə alınmışdır.
XVIII əsrdə İngiltərə, xüsusilə London dünyanın şüşə
istehsalı mərkəzlərindən idi. XVII əsrin sonlarında incə və
kövrək Venesiya şüşəsi tədricən alıcıların gözündən düşmüş,
İngiltərə, Almaniya və Bogemiyada istehsal olunan möhkəm
və qalın şüşələr daha çox axtarılmağa başlanmışdı. Londonla
yanaşı, Storbric, Bristol, Şeffild və daha bir neçə yerdə şüşə
fabrikləri qurulmuşdu. 1745-ci ildə İngiltərədə şüşə vergi
qanunu çıxdıqdan sonra şüşə istehsalında bir durğunluq olsa da
istehsalı davam etmişdir. Bizim aşkar etdiyimiz bir çox
nümunələrdə olduğu kimi, Bristol şüşə fabrikləri bənövşəyi, mavi, yaşıl və ağ saya
şüşə istehsalında məşhur olmuşdur.
Qısaboğaz, dördkünc şüşə butulkalardan birinin hündürlüyü 3,2 sm-dir.
Onun ağzının diametri 2 sm olub, başqalarına nisbətən darboğazlıdır. Şüşənin
divarının qalınlığı 0,2 sm-dir. Ümumilikdə qısaboğaz butulkaların divarı,
uzunboğaz butulkaların divarından iki dəfə nazikdir. Qısaboğaz butulkaların digər
nümunəsində boğazın hündürlüyü və ağzının daxildən diametri eyni olub, 2,5 sm-
dir.
Tapıntılar içərisində iri həcmli butulkalarla yanaşı, kiçik həcmli butulkalara
da qazıntı sahəsində tez-tez rast gəlinir. Kiçik həcmli butulkalar uzun və orta
ölçülü boğaza, nisbətən geniş gövdəyə malik olub, ağzının formasına görə
fərqlənir. Belə butulkalardan birinin salamat qalmış hissədə boğazının hündürlüyü
6 sm, ağzının daxildən diametri 1,7 sm-dir. Düz, uzun boğazı olan bu şüşə
butulkanın ağzının kənarına şüşə məftil keçirilmişdir. Şüşə istehsalçıları
53
butulkaların ağız hissəsini bir qayda olaraq şüşə məftillə hazırlayırdılar. Səliqəli
nümunələrdə bu hiss olunmasa da kobud nümunələrdə aydın seçilir. Maraqlı
boğaza malik butulkalardan biri kiçik həcmli olub, ağız hissəsi kənarlara doğru şar
formada çıxarılmışdır. Həmin butulkanın salamat qalmış hissəsinin hündürlüyü 6
sm, ağzının daxildən diametri 1,5 sm-dir. Butulkanın divarının qalınlığı 0,2 sm-dir.
Maraqlı şüşə butulka boğazlarından ikisi yivli olması ilə fərqlənir. Orta
həcmli bu butulkalar mavi rəngli olub, geniş ağızlıdır. Üzərindəki yivlər nazik
(0,08 və 0,1 sm qalınlıqda) çubuqdandır və sarınmasının sıxlığına görə fərqlənir.
Yivləri sıx sarınmış butulka boğazının salamat qalan hissəsinin hündürlüyü 9,5 sm,
ağzının diametri 2 sm-dir. Yivləri nisbətən geniş sarınmış butulka boğazının
hündürlüyü 6,5 sm, ağzının diametri 2,3 sm-dir.
Çox maraqlı şüşə butulka boğazlarından biri incə işlənməsi ilə fərqlənir.
Onun dar boğazı, geniş ağızı vardır. Uzun boğazının salamat hissəsinin hündürlüyü
10 sm, ağzının diametri 4 sm, boğazının diametri 1,5 sm, divarının qalınlığı 1 sm-
dir. Ağzı kənara qatlanmış, boğazı boğmalıdır.
IV qazıntı sahəsindən ağ şüşə butulkalardan birinin boğaz
hissəsi aşkar olunmuşdur. Butulkanın boğazına üzəri kəsmə
naxışlarla bəzədilmiş şüşə lövhəcik yapılmışdır. Şüşə butulkanın
salamat qalmış hissəsinin hündürlüyü 4 sm, ağzının diametri 3,6
sm-dir.
Ağsu sakinləri içkilərin saxlanması məqsədilə şüşə
balonlardan geniş istifadə etmişlər. Tünd rəngli balonların əsasən
oturacaq hissələri tapılmışdır. Onlar dairəvi və dördkünc
olmasına görə fərqlənir. Dairəvi oturacaqlı balonların divarları
dördkünc balonların divarlarından qalındır. Oturacaqları qabın yaxşı oturması üçün
içəriyə doğru qabarıqdır. Bu həm də başa çatmış işin çox vaxt kobud qalan son
mərhələsinin görünməməsi üçündür. Tünd yaşıl rəngli dairəvi balonlardan birinin
oturacaq hissəsinin diametri 14 sm, salamat qalmış hissəsinin hündürlüyü 11 sm,
divarının qalınlığı 0,8-1 sm-dir.
Ağsuda IV sahənin qazıntıları zamanı aşkar olunmuş daha bir ədəd
dördkünc formalı balonun oturacağı içəriyə qabarıq olub, diametri 15,5 sm,
salamat qalmış hissəsinin hündürlüyü 7,5 sm, divarının qalınlığı oturacağında 0,6
sm-dir.
İngiltərədə Georq Ravenskroft adlı şüşə istehsalçısı uzun təcrübələrdən
sonra 1676-cı ildə möhkəm şüşə istehsal etməyə başladı. Qurğuşun şüşə adı ilə
tanınan bu çox ağır və parlaq şüşə Venesiya şüşəsindən daha duru, kəsilməsi daha
asan idi. Kəsmə şəffaf şüşələr XVIII əsrin ikinci yarısında ingiltərə və İrlandiyada
çox yayılmış və Avropada geniş bir alıcı kütləsi tapmışdı.
Şəffaf şüşə məmulatı içərisində qrafin qapaqlarını xüsusilə qeyd etmək
lazımdır. Onlardan birinin salamat hissəsinin hündürlüyü 5 sm, diametri alt hissədə
2,8 sm-dir. İncə kəsmə naxışlarla bəzədilmiş, ortadan boğmalı qapaq XVIII əsr
Dostları ilə paylaş: |