135
kimi tanınırdı; Qarayazıda meşə tədarükünə icazə verilməsi hüququ da məhz
Azərbaycan hökumətinin səlahiyyətlərinə aid edilirdi.
9
Bu arada Abbasov - Kandelaki komissiyası fəaliyyətini sona çatdırdı.
Onun 1922-ci il 28 yanvar tarixli iclasında Çatma, Şirək və Eldar düzlərində faktiki
istifadə sərhədlərinin təsbiti haqqında qərar qəbul edildi.
1 0
Çatma düzü komissiya tərəfindən faktiki olaraq ikiyə bölündü: Alacıq
dağından Dəli-dağla Çatma və Şirək çöllərinin bitişəcəyindəki Tülkü-təpə dağı
arasındakı bucağa qədər çəkilən sərhəd xətti bu düzün şimal-şərq hissəsini
Gürcüstana, qalan hissəsini isə Azərbaycana ayırırdı. Çatma çölünün bölünməsinə
gürcü nümayəndə heyəti xüsusi təkid etmişdi. Sonuncunun fikrincə, əvvəla, həmin
düzün şimal-şərq hissəsi gürcü maldarlarının istifadəsindədir. İkincisi isə
Gürcüstanın sərhədyanı otlaq əraziləri mal-qaranın çoxalması səbəbi ilə gürcü
maldarları üçün qeyri-kafidir. Azərbaycanda isə otlaq yerləri guya yerli maldarların
mal-qarasının yetərli sayda olmaması üzündən boş qalmışdır.
Gürcü nümayəndələrinin bu arqumentasiyası Azərbaycan təmsilçisi
Mamay Şıxlinskinin təqdim etdiyi xüsusi rəydə təkzib olunurdu.
11
Şıxlinskinin
məlumatına əsasən, komissiya 1921-ci ilin dekabrın 28-də Çatma çölünü təhqiq
etmişdi. Təhqiqat gedişində çölün hələ çarizm zamanında 33 otlaq sahəsinə -
yatağa bölündüyü, həmin 33 sahədən də yalnız 11-nin gürcü maldarlarının
istifadəsində olduğu aşkar edilmişdi. Bu 11 sahədən isə sadəcə, ikisi nisbətən uzun
müddət gürcü maldarlarının istifadəsində olmuşdu. Qalan 9 yataq isə yaxın
zamanlaradək Azərbaycan maldarlarına məxsus olub, yalnız son illərin hərc-
mərcliyi şəraitində gəlmə gürcü maldarlar tərəfindən qəsb edilmişdi.
Şıxlinskinin gətirdiyi bilgilərdən o da bəlli olurdu ki Çatmada gürcü
maldarlarının bir qismi 1918-ci ildə peyda olmuşdu: o vaxt Azərbaycanın daxili
işlərinə başının qarışdığından istifadə edən Gürcüstan, birinci fəsildə də qeyd etdi-
yimiz kimi, alman himayəsi altında sərhədlərini özbaşına surətdə bərqərar etməyə
çalışırdı.
Gürcü maldarlarının digər qismi isə hətta 1921-ci ilin
dekabrında, yəni
komissiyanın çölə baş çəkməsindən bir neçə gün əvvəl oraya gəlmişdi. Şıxlinski
çox haqlı olaraq yazırdı: «Uzaq keçmişdən müsəlmanların istifadəsində olan Çatma
düzünün bir hissəsinin gürcülər tərəfindən ələ keçirilməsi faktına istinadən gürcü
nümayəndə heyəti qəsb olunan torpaqların qəsbkarlarda saxlanılmasına təkid edirdi
və bu müddəanı komissiya qəbul etdi».
12
Şıxlinskinin bütün etirazlarına rəğmən komissiya Çatma çölünün şimal-
şərq hissəsini Gürcüstana güzəşt etdi. Bu qərar, aşağıda görəcəyimiz kimi, 1927-ci
ildə sözügedən düzün böyük hissəsinin qonşu respublikaya verilməsinin
müqəddiməsi idi.
Qarışıq komissiyanın 28 yanvar qətnaməsində Eldar düzündə malik
olmaya dair heç bir mübahisənin olmadığı qeyd edilirdi. Yəni faktiki olaraq tərəflər
bu rayonda azərbaycanlı maldarların hüquqlarını təsdiq edirdilər. Sözügedən
136
maldarlar 1922-ci ilin yanvarın 2-də ümumi toplantılarında Azərbaycan tərkibində
olmaq lehinə qərar çıxarmışdılar. Yeri gəlmişkən, o illərdə Eldar düzü bütövlükdə
(yəni 1929-cu ildə Gürcüstana verilmiş hissəsi ilə birlikdə) Gəncə qəza hakimiyyət
orqanları tərəfindən idarə olunurdu.
13
Qətnamənin digər maddəsi Şirək çölünün İori (Qabırlı çayına bitişik
hissəsinə müəyyən aydınlıq gətirirdi: orada faktiki istifadənin sərhədi kimi Şirək və
Çatma çöllərinin bucağında yerləşən Tülkü təpədən aşağıya, Eldar düzünədək
uzanan xətt tanınırdı.
Qarışıq komissiya adıçəkilən qətnamənin qəbulu ilə öz fəaliyyətini başa
vurdu. Onun qərarlarının ümumən götürüldükdə Azərbaycan üçün pozitiv
məqamları var idi: ilk növbədə Azərbaycana 79600 desyatin, yəni təqribən 87000
hektar ərazi qaytarılırdı ki, bunlardan 9200 desyatini (10051 ha) meşə, 3600 des.
(3933 ha) şumluq, 67500 des. (73743 ha) otlaqlar təşkil edirdi.
14
Fəqət sözügedən komissiyanın fəaliyyətində Azərbaycanın maraqlarına
cavab verməyən məqamlar da yox deyildi. Qeyd olunmalıdır ki, onun nəzərdən
keçirdiyi torpaq məsələləri prinsip etibarı ilə mübahisə predmetinə çevrilməməli
idi; yəni istər Qarayazıda, istərsə də Eldar və Çatma düzlərindəki sahələr, bir qayda
olaraq, Azərbaycan kəndlilərinin və maldarlarının əzəli torpaqları idi. Orada
gürcülərin sayı əhəmiyyətsiz dərəcədə az idi. Məsələn, Qarayazıda yaşayan
əhalinin 88%-ni azərbaycanlılar təşkil edirdi, Eldar düzündə isə bu rəqəm 100%-ə
çatırdı.
15
Gürcülər, ümumiyyətlə, həmin ərazilərdə, əsasən 1918-ci ildən sonra
peyda olmuşdular. Lakin Çatma çölü ilə bağlı qərardan da göründüyü kimi,
sərhədlərin təsbiti zamanı bəzən bu amil qulaqardına vurulurdu. Bu baxımdan
Çatma və Qarayazı düzlərinə dair 1921-ci il sazişləri bir növ presedent idi. Sonra
görəcəyimiz kimi, 20-ci illərin ortaları və ikinci yarısında istər Zaqatala kənd
icmalarının torpaqları məsələsi, istərsə də bəzi digər ərazi mübahisələri bənzər
sxem üzrə həll olunurdu: mübahisəli torpaqlarda müəyyən miqdarda gürcü
elementinin olması (onların orada son dövrlərdə məskunlaşmalarına baxmayaraq),
habelə Gürcüstanda torpaq çatışmazlığı bəhanə gətirilərək, həmin ərazilər qonşu
respublikaya güzəşt edilirdi.
20-ci illərin əvvəllərində Qabaqçöl camaatının «Çiaur meşəliyi» adlanan
məntəqədə (indiki Laqodex rayonunda) 4500 desyatin (5000 ha), Zaqatala
mahalının daha 21 kənd cəmiyyətinin Şirək çölünün Alazanyanı vadisində 16337
desyatin
(təqr.
17850
ha)
torpaqları məsələsi Azərbaycan-Gürcüstan
münasibətlərində mübahisəli ərazi məsələlərindən biri kimi qalmaqda idi. Əvvəlki
fəsillərdə qeyd etdiyimiz kimi menşevik Gürcüstanı həmin ərazilər üzərində öz
nəzarətini bərqərar edə bilmişdi. 1919-1920-ci illərdə menşevik hökuməti
zaqatalalıları öz torpaqlarından tədricən sıxışdırıb çıxarmaq taktikasını yürüdürdü.
Gürcüstanın sovetləşməsindən və Maxaradze-Nərimanov sazişinin
imzalanmasından sonra zaqatalalılar müəyyən çətinliklərlə də olsa, yenidən öz
torpaqlarından istifadə etməyə başladılar.
16
Lakin belə vəziyyət uzun sürmədi.
Dostları ilə paylaş: |