176
Aqrotexniki baxımdan amarantın becərilməsi ilə bağlı bir sıra müsbət
xüsusiyyətləri onu digər mədəni bitkilərlə müqayisədə xeyli sayda üstünlüklərə malik
olduğunu göstərir ki, bu da müasir dövrdə fermerlərin və torpaq mülkiyyətçilərinin
böyük marağına səbəb olmuşdur. Belə ki, bitkinin dən çıxımı üzrə məhsuldarlığı
stabil olaraq 35-60 s /ha təşkil edir, yaşıl kütləsinin maksimal məhsuldarlığı 2000 s
/ha çatır və bu qədər məhsul əldə etmək üçün 1 hektara cəmi 0.5-1 kq toxum
materialı kifayət edir. Müqayisə üçün qeyd edək ki, 1 hektarda buğda əkini aparmağa
200-220 kq, qarğıdalı üçün isə 20-25 kq toxum materialı tələb olunur. Amarantı yer
səthindən 18-20 sm hündürlükdə kəsdikdə 3-4 həftə ərzində o özünü yenidən bərpa
edir. Onun son dərəcə güclü kök sistemi hesabına quraqlığa ən davamlı bitkilərdən
olması, şoranlıq şəraitində bəzi formalarının 3 m hühdürlüyə qədər inkişaf etməsi,
cücərdikdən 2 ay sonra 1600 s /ha yaşıl kütlə məhsulu vermə qabiliyyəti, onun ən
müxtəlif aqroekoloji şəraitlərə qısa zaman kəsiyində uyğunlaşma qabiliyyəti bu
bitkinin unikallığına dəlalət edən xüsusiyyətlərdən sayılır.
Bütün bunlarla yanaşı bu bitkinin bir faydalı xüsusiyyətini də - neftlə
çirklənmiş torpaqların rekultivasiyası və reabilitasiyasının həyata keçirilməsində
oynadığı rolu zənnimizcə xüsusi qeyd etmək lazımdır. Məlumdur ki, neftlə
çirklənmiş torpaqlar hazırda ən müxtəlif üsullarla təmizlənir ki, onlardan biri də
Azərbaycan Milli Elmlər Akademiyasının (AMEA) alimləri tərəfindən neftlə
çirklənmiş torpaqların bitki, mikroorqanizm və onurğasızların vasitəsi ilə
təmizlənməsi təklifi olmuşdur. Müəyyən edilib ki, ot bitkilərindən pencər, yarğanotu,
adi yovşan, dəvətikanı, sürünən ayrıq, onurğasızlardan soxulcan kimi tanınan yağış
qurdu, mikroorqanizmlərdən isə bəzi bakteriyalar və maya göbələkləri torpaqda ağır
metal zərrəciklərini və radionuklidləri toplaya bilmə qabiliyyətinə malikdirlər. Neftlə
çirklənmiş torpaqlara amarant kimi güclü kökləri olan bitkilər əkdikdə onlar müəyyən
müddət ərzində topraqdakı zərərli maddələri mənimsəyərək onu əkin üçün yararlı
hala salırlar.
Son illər ölkəmizdə bu bitkinin yetərincə faydalı xüsusiyyətləri nəzərə alınaraq
ona olan diqqət xeyli artmış, müxtəlif beynəlxalq səviyyələrdə layihələr həyata
keçirilmiş amarant üzərində aparılan tədqiqat işlərinin nəticələri böyük uğurlar əldə
etmiş onlardan bəziləri yüksək qiymətləndirilmişdir. Belə ki, ilk dəfə 2012-ci ildə
keçirilən “İNEPO-Avrasiya” Ətraf Mühitin Mühafizəsi VI Beynəlxalq Layihə
Olimpiadasında “Qaratərə bitkisi vasitəsilə neftlə çirklənmiş torpaqların
təmizlənməsi” adlı layihə həmin ilin “İNEPO-Avrasiya”- nın bürünc medalına, eyni
zamanda da həmin layihə Azərbaycan Respublikası Dövlət Neft Şirkəti (ARDNŞ)
tərəfindən “İlin uğurlu neft layihəsi” elan olunaraq xüsusi mükafata layiq
görülmüşdür.
Diqqət çəkən layihələrdən biri də Ukrayna Elm və Texnologiya Mərkəzinin
dəstəyi ilə “Abşeronun neft və neft məhsulları ilə çirklənmiş torpaqlarının
bioremediasiya üsullarının işlənib hazırlanması” layihəsi üzrə tədqiqat işləri
olmuşdur. Bu tədqiqatlarda Azərbaycan Milli Elmlər Akademiyasının Botanika,
Radiasiya Problemləri, Mikrobiologiya, Torpaqşünaslıq və Aqrokimya, Neft Kimya
Prosesləri İnstitutlarının aparıcı alimlərinin iştirakı ilə canlılar arasında mövcud olan
qida əlaqələrindən istifadə edərək mikroorqanizmlərin, torpaq onurğasızlarının və
177
bitkilər də cəlb olunmaqla çirklənmiş torpaqların təmizlənməsi üsulu işlənib
hazırlanmış və hazırda bu istiqamətdə tədqiqatlar davam etdirilir.
Bütün yuxarıda şərh olunanlara əsaslanaraq tam əminliklə demək olar ki,
amarant və ya qaratərə bitkisi Azərbaycan Respublikası Prezedenti tərəfindən yaxın
gələcəkdə gözlənilən növbəti Fərmanında Dövlət Proqramlarında digər bitkilər kimi,
öz layiqli yerini tutacaq, onun ölkə ərazisinin müxtəlif regionlarında, xüsusilə quru
iqlim şəraiti və dağətəyi rayonlarda elmi əsaslarla geniş miqyaslı tətbiqi
gerçəkləşəcəkdir.
Hazırda Azərbaycan Respublikası Nazirlər Kabinetinin 17 aprel 2015 – ci il
109 nömrəli qərarına əsasən Azırbaycan ET Əkinçilik İnstitutu və Azərbaycan ET
Yemçilik, Çəmənçilik və Otlaqlar İnstitutunun bazasında yenidən yaradılmış
Əkinçilik ET İnstitutunda və Kənd Təsərrüfatı Nazirliyinin 30 oktyabr 2015 - ci il
tarixli 110 nömrəli əmri ilə təsdiqlənmiş yeni strukturuna cəlb olunmuş mütəxəssislər
tərəfindən
“Azərbaycanın
müxtəlif
aqroekoloji
zonalarında
amarant (lat. Amaranthus) bitkisinin becərilmə texnologiyasinin elmi əsaslarla
inkişaf etdirilməsi” mövzusunda layihə hazırlanmışdır. Hazırlanmış layihənin
mövzusu Respublikanın aqrar sahədə aparıcı təşkilatlarından biri sayılan yeni
yaradılmış Əkinçilik ET İnstitutunun profilinə tam uyğun gəldiyindən bu
istiqamətdə tədqiqat işlərinin məhz, adı çəkilən təşkilatda yerinə yetirilməsinin
zəruriliyi daha məqsədyönlü hesab edilir. Yeni struktura malik Əkinçilik ET
İnstitutunda yüksək ixtisaslı kadr potensialının (seleksiyaçılar, genetiklər, fizioloqlar,
biokimyaçılar, fitopatoloqlar, entomoloqlar, toxumçular, aqronomlar) müasir
tələblərə cavab verən, yüksək texnoloji imkanları ilə səciyyələnən keyfiyyət və
yemlərin texnologiyasına dair laborotoriyaların fəaliyyət göstərməsi bu istiqamətdə
tədqiqat işlərinin yüksək səviyyədə həyata keçirilməsinə böyük ümidlər yaradır.
ƏDƏBİYYAT xXXXX
---
АМАРАНТ РАСТЕНИЕ XXI ВЕКА
Э.Б.Алиев, Дж.М.Талаи
МСХ Азербайджана, Научно-Исследовательский Институт Земледелия
В настоящей статье дана общирная информация об истории,
происхождении, ареале распростронении, видах, некоторых полезных
свойствах растения амаранта в разных областях, в том числе в сельском
хозяйстве, медицине, косметологии, фармокологии и др.
AMARANTH IS A XXI CENTURY CROP
E.B.Aliev, J.M.Talai