45
Şabran şəhər yeri. V qazıntı
sahəsindən görünüş.
qalıqları, zibil və çirkab quyuları üzə çıxarılmış, xeyli miqdarda əmək alətləri, şirsiz və
şirli saxsı qab nümunələri, bəzək əşyaları tapılmışdır (T.M.Dostiyev, 2001, səh. 30-39).
II qazıntı sahəsindən 200 m cənubda yerləşən V sahədə aparılan qazıntıların
nəticələri daha maraqlı olmuş, ş əhərin IX-XVII əsrlər maddi mədəniyyətini araşdırmaq
üçün zəngin faktik material vermişdir. 1981-1993-cü illərdə burada 2300 kv.m sahədə
görülən qazıntı işləri nəticəsində mədəni təbəqənin IX-XI və XII-XIII əsrlərə aid
inşaat qatlarında daş və bişmiş kərpicdən tikilmiş istehkamın, iri ictimai bina və yaşayış
evlərinin qalıqları, döşənmiş küçələr, tünglərdən quraşdırılmış su kəməri, ocaqlar,
təndirlər, də mirçixana və s. üzə çıxarılmışdır (tablo 5). Sa xsı, metal, şüşə məmulatı,
bəzək əşyaları, qızılın əyarını təyin etmək üçün istifadə olunan məhəkdaşı nümunələri
daha çox əldə edilən tapıntılardır (P.Б.Геюшев, 1985; T.M.Dostiyev, 2001;
F.Ə.Abbasova, 2002). 2002-ci ildə V sahədə qazıntılar bərpa edilmiş, 2002-2005-ci
illərdə burada sənət istehsalı - metalişləmə və şüşə istehsalı ilə bağlı yeni faktik
materiallar əldə olunmuşdur (F.Ə.Abbasova, 2003; 2005).
Şamaxı-Dərbənd karvan yolunun
üstündə yerləşən bu şəhər Azərbaycanın
Şimal ölkələri ilə ticarətində mühüm rol
oynamışdır. Bəndovan şəhər yeri Salyan
rayonu ərazisində, Xəzərin qərb sahilində
yerləşir.
Burada
1970-1978-c i
illə rdə
Azərbaycan Tarixi Mu zeyinin Sualtı
arxeoloji dəstəsi a xtarışla r aparmış, Kür
çayının deltasında, Bəndovan burnunda və
dənizdə I Bəndovan və II Bəndovan kimi
qeydə aldığı şəhər xaraba lıq larını tədqiq
etmişdir. (B.A.Kвачидзе, 1971; 1972; 1972a;
1976; 1978; 1979; B.A.Kвачидзе и дp., 1975).
Suda və sahilboyu ərazidə görülən işlərin nəticəsində müəyyən edilmişdir ki, vaxtilə
burada Şirvanın mühüm şəhərləri olmuş və dənizin səviyyəsinin qalxması ilə onlar
suyun altında qalmışlar. Sahil boyunca 1 km izlənən I Bəndovan şəhər yerinin tutduğu
ərazinin sərhədlərini dəqiq müəyyənləşdirmək mümkün deyil. Tədqiqat işləri zamanı
sahildə çubuqhörmə, dənizdə isə çaydaşından hörülmüş tikinti qalıqları, ocaq, təndir,
şirli və şirsiz saxsı qab-qacaq, şüşə, metal məmulat, bəzək əşyaları, daş lövbərlər,
kirkirə və s. aşkara çıxarılmışdır. Şəhər Şirvanın iri dulus çuluq mərkə zlərindən biri
olmuşdur.
46
Sahildən 650 m məsafədə, dənizin dibində iki yerdə dulus istehsalını əks etdirən
faktik materiallar - dulus kürəsinin qalıqları, kürə ləvazimatı, istehsal çıxarları
aşkarlanmışdır (B.A.Kвачидзе, 1999, cтp. 17-19; B.A.Kвачидзе, 2004, cтp. 126).
II Bəndovan şəhər yeri I Bəndovandan şimalda yerləşir. Şəhər xarabalıqları
Kürün qədim yataqları - qolları boyunca üç sahədə - A, B, V sahələrində izlənmişdir. "A"
sahəsində arxeoloji qazıntılarda dulus kürəsi aşkarlanıb tədqiq edilmişdir, "B" və "V"
sahələrində istehsal tullantıları, mü xtəlif növ saxsı qab çıxarlarının cəmləşdiyi topalara
rast gəlinmişdir. "B" sahəsində şar konusvari qabların çıxarlarının həddən çox olması
diqqəti çəkmişdir. Burada istehsal çıxarlarının əhatə etdiyi sahə 1600 k v.m təşkil edirdi
(B.A.Kвачидзе, 2003a, c тp. 76-77).
II Bondovan şəhər yerinin saxsı məmulatı istər hazırlanma xüsusiyyətlərinə, istər
şirlənmə texnikasına, istərsə də naxış motivlərinə görə I Bəndovan şəhər yerinin saxsı
mə mulatından fərqlənir. Abidələrin tədqiqatçısı V.A.Kvaçidze IX-XIII əsrin abidəsi olan
I Bəndovan şəhər yerini orta əsr Quştafsı ilə, XI-XII əsrlərin abidəsi olan II Bəndovan
yaşayış yerini isə Muğan şəhərinin xarabalıqları ilə eyniləşdirir (B.A.Kвачидзе, 1999,
стp. 17; B.A.Kвачидзе, 2004, стp. 126-127). Abidələrin suyun altında qalması isə, ehtimal
ki, XIV əsrin əvvəllərində baş vermişdir.
XIV əsrin əvvəllərində Xəzərin suları altında qalmış Şirvanın yaşayış
məntəqələrindən biri də Şəhri-Gürkandır. Həmin yaşayış yeri Abşeron yarımadasının
Gürkan burnunda, hazırkı Zirə qəsəbəsindən 5 km şərqdə yerləşir. 1958-ci ildə Şəhri-
Gü rkan yaşayış yerinin sahilboyu ərazisi, 1987-ci ildə isə həm sahilboyu ərazi, həm
də sualtı ərazisi kəşfiyyat xarakterli tədqiqatlarla öyrənilmişdir (Г.М.Асланов,
Т.И.Голубкина, 1973, стp. 191-200; B.A.Kвачидзе, 2003, стp. 143-147). Sahilboyu ərazidə
araba təkərlərinin izlərinin qalığı, yol qeydə alınmış, XI-XIII əsrlərə aid xeyli şirli və
şirsiz saxsı qab qırıqları aşkarlanmışdır. Əhəngdaşından hazırlanmış üzüməzən qurğu, ip
keçirmək üçün dəliyi olan daş əşya və qurğunun fraqmenti toplanmışdır. Sualtı sahədən
boyalı qab qırıqları, bir neçə güvəc fraqmentləri, az miqdarda şirli qab nümunələri
tapılıb götürülmüşdür. 250 m şimalda kirjim tipli batmış gəmi aşkarlanmışdır (
B.A.Kвачидзе 2003, стp. 144).
Bərdə, Gəncə, Şəmkir, Beyləqan, Dəbil Arran şəhərləri arasında başlıca yer
tuturdular. Beyləqan şəhərinin xarabalıqları - Örənqala Mil düzündə Beyləqan
rayonunun Kəbirli kəndinin ərazisində yerləşir. Va xtilə Cənubi Qafqazın mühüm
şəhərlərindən biri olmuşdur. Bərdədən Ərdəbilə gedən ticarət karvan yolu üzərində
yerləşən Beyləqan şəhəri, eyni zamanda, Kürlə Araz arasındakı əraziləri dağ rayonları ilə
birləşdirirdi. Mil və Muğan düzənliklərindən Kiçik Qafqaza yaylağa köç edən əhali
buradan keçirdi. Şəhərin xarabaları, kvadrat planda olan qala divarlarının qalıqları köbər
şəklində düzənliyin adi səthindən 6-8 m hündürlükdə aydın görünməkdədir. Qala