“ATA HOLDİNQ” AÇIQ TİPLİ SƏHMDAR CƏMİYYƏTİ
MALİYYƏ HESABATLARI ÜZRƏ QEYDLƏR
31 DEKABR 2007-Cİ İL TARİXİNDƏ BAŞA ÇATMIŞ İL ÜZRƏ (Davamı)
57
36. MALİYYƏ RİSKLƏRİNİN İDARƏ OLUNMASI
Qrup maliyyə risklərinə məruz qalır və həmin risklər sırasına kredit, likvidlik, bazar və əməliyyat
riskləri daxildir. Risklərin qəbul olunması Qrupun fəaliyyəti ilə bilavasitə əlaqədədir. Qrup daxilində
risklərin idarə olunması funksiyasının məqsədi risk ilə gəlir arasında münasib balansın əldə
olunmasından və həmin risklərin Qrupun maliyyə nəticələrinə potensial təsirini minimuma
endirməkdən ibarətdir.
Risklərin idarə olunması çərçivəsi
Risklərin idarə olunması funksiyası Qrupun daxili nəzarət sisteminin tərkib hissəsini təşkil edir və
mərkəzləşdirilmiş surətdə həyata keçirilir. Qrupun tətbiq etdiyi risklərin idarə olunması qayda və
yanaşmalarında məqsəd Qrupun məruz qaldığı riskləri müəyyənləşdirmək, təhlil etmək, aşağı
salmaq və idarə eləməkdən ibarətdir. Buna münasib risk səviyyələrinin müəyyən olunması və
nəzarət, risk səviyyələri üzərindən davamlı monitorinqin həyata keçirilməsi, limit və prosedurlara
qəti riayət və biznes proseslərinin düzgün surətdə tərif edilməsi və icra olunması vasitəsi ilə nail
olunur.
Risklərin İdarə Olunması üzrə qayda və prosedurlar bazar şəraitindəki, təklif olunan məhsul və
xidmətlərdəki dəyişiklikləri əks etdirmək məqsədi ilə mütəmadi olaraq təhlil olunur və təmin edilir
ki, ən mükəmməl çalışma metodlarından istifadə olunsun. Qrup daxilində, risklərin idarə olunması
çalışmalarının bir hissəsi olaraq, işçilər arasında vicdanlı davranış, idarəçilik və çalışma standartları
təşkil edilir ki, konservativ nəzarət mühiti bütün zamanlarda təmin olunsun və təkmilləşdirilsin.
Risklərin idarə olunması üzrə orqan və təşkilati strukturlar
Risklərin idarə olunması qaydası, qiymətləndirmə, təsdiq, monitorinq və nəzarət işləri Qrup
daxilindəki bir neçə ixtisaslaşmış bölmələr vasitəsi ilə həyata keçirilir. Bu bölmələr Qrupun törəmə
müəssisələri üzrə də risklərin idarə olunması üzrə qayda və nəzarət mexanizmlərinə müşahidəni
həyata keçirirlər. Qrup daxilində yaradılmış icra orqanları, komitə və departamentlər Azərbaycan
qanunvericiliyi, ARMB-nın təlimatları və biznesin bu sahəsindəki ən mükəmməl fəaliyyət
prinsiplərinə uyğundur.
Qrupun Müşahidə Şurası riskləri idarəetmə strukturuna nəzarət, əsas risklərin idarə edilməsinin
monitorinqi, risklərin idarə edilməsi siyasəti, eləcə də bəzi əsas risk limitlərinin, o cümlədən böyük
kredit riskləri, iqtisadi və sənaye sektoru üzrə risk limitlərinin təsdiqlənməsi səlahiyyətlərinin
nəzərdən keçirilməsi və təsdiqlənməsinə görə ümumi məsuliyyət daşıyır. O, həmçinin müəyyən
qərarların qəbul olunması səlahiyyətini İdarə Heyətinə və Kredit Komitəsinə həvalə edir.
İdarə Heyəti, Risklərin İdarə Edilməsi Komitəsi, Audit Komitəsi (“AK”), Daxili Audit
Departamenti, Kredit Komitəsi və Aktiv və Passivlərin İdarə Edilməsi Komitəsi (“APİK”) Müşahidə
Şurası tərəfindən yaradılır, təyin edilir və birbaşa ona hesabat verir.
“ATA HOLDİNQ” AÇIQ TİPLİ SƏHMDAR CƏMİYYƏTİ
MALİYYƏ HESABATLARI ÜZRƏ QEYDLƏR
31 DEKABR 2007-Cİ İL TARİXİNDƏ BAŞA ÇATMIŞ İL ÜZRƏ (Davamı)
58
İdarə Heyəti risklərin azaldılması tədbirlərinin həyata keçirilməsi və monitorinqinə görə məsuliyyət
daşıyır və Qrupun müəyyən edilmiş risk parametrləri çərçivəsində fəaliyyət göstərməsini təmin edir.
Risklərin idarə edilməsinə görə məsuliyyət daşıyan İdarə Heyətinin üzvü həmin Direktora hesabat
verən Risklərin İdarə Edilməsi Departamenti ilə birlikdə risklərin idarə edilməsi üzrə ümumi
funksiyalara görə məsuliyyət daşıyır və maliyyə və qeyri-maliyyə risklərinin müəyyən edilməsi,
ölçülməsi, azaldılması, idarə edilməsi və bu risklərə dair hesabatın hazırlanması üzrə ümumi
prinsiplərin və metodların tətbiq edilməsini təmin edir.
Risklərin İdarə Edilməsi Komitəsinə risklərin idarə edilməsinə görə məsuliyyət daşıyan İdarə
Heyətinin üzvləri nəzarət edir. Bu Komitə risklərin idarə edilməsi metodologiyalarının
hazırlanmasına görə məsuliyyət daşıyır və Qrupun risk yanaşmasının strateji və biznes planlarında
düzgün əks etdirilməsini təmin edir.
Bu, bütün risk yanaşmaları və prosedurları üzrə dəyişikliklərin İdarə Heyəti və Müşahidə Şurası
tərəfindən müzakirə edilməsi və tövsiyələrin verilməsi üçün vacib forumdur. Bu forum Qrupun
üzləşdiyi bütün potensial risklərin Risklərin İdarə Edilməsi Departamenti, Kredit Komitəsi, APİK və
İdarə Heyəti tərəfindən nəzərdən keçirilməsini və bu məsələlərlə bağlı Müşahidə Şurasına
hesabatların hazırlanmasını təmin edir.
Audit Komitəsi (AK) Qrupun daxili nəzarət sisteminin nəzarət və monitorinqi, eləcə də Qrupun
daxili nəzarət sisteminin ayrılmaz hissəsi olan risklərin idarə edilməsi siyasəti və prosedurlarının
adekvatlığının qiymətləndirilməsinə görə məsuliyyət daşıyır. Müstəqil peşəkar sayılan Audit
Komitəsinin Sədri və digər iki Komitə üzvü iki səhmdarın nümayəndəsidir. Audit Komitəsinin
üzvləri Qrupun işçiləri və ya idarəetmə strukturunun tərkibində ola bilməzlər. Onlar daxili nəzarət
sisteminin inkişafına dair İdarə Heyəti, Risklərin İdarə Edilməsi Komitəsi və Müşahidə Şurasına
təkliflər verir və risklərin idarə edilməsi funksiyasının keyfiyyətinə və müəyyən edilmiş siyasət,
prosedurlar və limitlərə riayət edilməsi ilə bağlı rəy bildirirlər. Audit Komitəsi birbaşa ona hesabat
verən Daxili Audit Departamentinin fəaliyyətinə nəzarət edir. Daxili Audit Departamentinin iş
planları, audit yoxlamaları və hesabatları, o cümlədən planlaşdırılmamış audit yoxlamalarının
qrafiki Audit Komitəsi tərəfindən diqqətlə təhlil və təsdiq edilir.
APİK bu risk sahələrinə dair vaxtında və düzgün məlumatların və hesabatların təqdim edilməsinə
görə məsuliyyət daşıyır. APİK qiymətləndirmə siyasətinin və maliyyələşdirmə strategiyalarının
müəyyənləşdirməsinə yardım göstərir. Bundan əlavə, APİK Qrupun digər riskləri idarəetmə və
nəzarət bölmələri ilə yanaşı xəzinədarlıq və digər müvafiq bölmələrin APİK, Risklərin İdarə
Edilməsi Komitəsi, İdarə Heyəti və Müşahidə Şurası tərəfindən müəyyən edilmiş parametrlərə
uyğun fəaliyyət göstərməsini təmin etmək üçün məsuliyyət daşıyır.