ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
180
ATUREK - 5: Pediatpiya – Posterlər
JİLBERT SİNDROMU
Günel HƏSƏNOVA, Fazil RƏCƏBOV
İşin rəhbəri: Nəzakət HƏSƏNOVA
ATU-TTK III Uşaq xəstəlikləri kafedrası
Açar sözlər: Sarılıq, qlükuroniltransferaza çatışmazlığı
Giriş: Jilbert sindromu kifayət qədərgeniş yayılmış patologiyadır. Rast gəlmə tezliyi əhali
arasında 3-7%-dir. Kişilər arasında Jilbert sindromu qadınlara nisbətən daha çox rast gəlinir.
Tədqiqatın məqsədi: Jilbert sindromu zamanı rast gəlinən simptom və ağırlaşmaların
korreksiyası və uzunmüddətli remissiyanın əldə edilməsi.
Klinik müşahidə: Xəstə 17 yaşlı İ.MŞ (kişi) periodik olaraq dəri və görünən selikli qişalarda
sarılıq, halsızlıq, iştahasızlıq, qarın ağrısı və başağrısı şikayətləri ilə ATU TTK-ya müraciət etmişdir.
5yaşından sarılıq əlamətləri başlayıb. Ağsu rayon xəstəxanasında və müxtəlif klinikalarda çoxsaylı
ambulator müalicələr alıb. Son iki ildə sarılıq əlamətləri keçməyib. Uşaq I hamiləlik I doğuşdandır. Ana
hamiləliyini rahat keçirib. Uşaq vaxtında, təbii yolla doğulub. Valideynləri qohum deyil. UİX-dən heç
birini keçirməyib. Klinikamıza müraciət edən zaman uşağın dəri və selikli qişalarında ikteriklik
müşahidə olunur. Fiziki müayinədə digər orqan və sistemlərində nəzərəçarpan dəyişiklik qeyd
olunmadı. Laborator analizlərində qanda: ALT-25 U/L (N) Bilirubin (düz)-0.23 mg/dL (↑) Bilirubin
(qeyri-düz)-7.47 mg/dL (↑) bilirubin (total)-7.70 mg/dL (↑) QQT 18 İU/L (N) Xolesterol-97 mg/dL (↓)
Albumin (serum)-4.58 q/dL (N) Protein (total serum)-7.59 q/dL(N)
Qastroenteroloqun da konsultasiya ilə fizikal və laborator müayinərin nəticələrinə əsasən xəstəyə
dəqiqləşdirilməmiş hepatit, Jilbert sindromu diaqnozu qoyuldu.
Müalicə: Essensiale, xafitol, kreon, fenobarbital. Aparılan müalicə nəticəsində klinik yaxşılaşma
ilə evə yazılaraq dispanser müşahidə altına alındı.
Nəticə: Beləliklə, sonda qeyd etmək lazımdır ki praktik təcrübədə sarılıq kimi şikayətləri ilə
müraciət edən pasientlərin müayinəsi zamanı irsi-genetik patologiyaların inkarı da nəzərdən
qaçmamalıdır.
ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
181
UŞAQLARDA ANKİLOZLAŞAN SPONDİLİTİN MÜALİCƏSİ
Müşviq RAMAZANOV. Elgiz KAZİMOV
İşin rəhbəri: dos Rəna MƏMMƏDOVA
ATU TTK, Terapevtik və Pediatrik Propedevtika kafedrası
Açar sözlər: Ankilozlaşan spondilit, HLA-B27
Giriş: Azərbaycanda AS-nin rastgəlmə tezliyi araşdırılmamışdır. Oğlan uşaqlarında qızlardan 3
dəfə çox rast gəlinir. Xəstəlik 12-15 yaşlarında ortaya çıxır. Həm sümük-oynaq, həm ayrı-ayrı
sistemlərdə zədələnmələrlə xarakterizə olunur. Xəstələrin genetik müayinəsində 97% hallarda HLA-B27
geninin pozitiv olması müəyyən edilir.
Tədqiqatın məqsədi: AS xəstəliyindən əziyyət çəkən xəstədə müalicənin effektivliyinin
qiymətləndirilməsi.
Material və metodlar: Xəstə A. 14 yaşında, I hamiləlik, I doğuşdandır. 23.02.2016 tarixində ilk
dəfə ATU TTK-ya müraciət edərkən bel, oma-qalça nahiyəsində ağrı və hərəkət məhdudluğu şikayətləri
olmuşdur. Aparılan laborator müayinələrin nəticəsində monositoz (1.0 10
9
/1), neytrofilioz (8,4 10
9
/1),
EÇS yüksəkliyi (39 mm/saat), CRP yüksəkliyi (27,9 mq/l), RF neqativ (16 BV/ml), radioloji olaraq L1-L5
fəqərələrarası subxondral səfhələrin kobudlaşması, osteofitlər, ikitərəfli oma-qalça oynaqlarında
subxondral skleroz və oynaq yarığının daralmaması müşahidə edilmişdir. Xəstəyə AS diaqnozu
qoyulmuşdur. Xəstəliyin müalicəsi üçün Prednol, Voltaren, Ca D3, Panangin, Omeprazol, Acidi
ascorbinici, Sulfasalazin preparatları, fizioterapevtik prosedurlar: Elektroforez, UYT təyin edildi.
Stasionardan evə yazıldıqdan sonra xəstəyə 2 həftədən bir nəzarət edilmişdir. 04.10.2016 tarixində
müayinə zamanı xəstənin ağrıları azalmışdır, laborator müayinədə monositoz, neytrofilioz qeyd
edilməmiş, EÇS (9 mm/saat) və CRP (6 mq/l) azalmış, radioloji olaraq fəqərələrdə osteofitlər qeyd
edilməmişdir.
Nəticə: Beləliklə, xəstəliyin müalicəsi zamanı uzunmüddətli remissiya əldə edilmişdir.
ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
182
PNEVMONİYALI UŞAQLARDA ANEMİYA
Aygül ŞAHBAZOVA
İşin rəhbəri: Nigar SƏDİYEVA
ATU TTK, Uşaq xəstəlikləri kafedrası, Terapevtik və
pediatrik propedevtika kafedrası
Açar sözlər: pnevmoniya, anemiya
Giriş: Uşaqlarda, xüsusi ilə 5 yaşa qədər uşaqlarda, infeksion xəstəliklər arasında pnevmoniya ölümün əsas
səbəbidir. Ümumdünya Səhiyyə Təşkilatının məlumatına görə hər 2 milyon ölümün 19%-ni təşkil edir.
Anemiyanın mövcudluğu pnevmoniyanın gedişi və müalicənin nəticəsi üçün arzuolunmaz haldır. Anemiya
pnevmoniyanın ağır gedişatına, hipoksemiyaya səbəb olur. Bu da müalicə müddətini uzadır.
Tədqiqatın məqsədi: Pnevmoniya diaqnozu ilə müalicə alan uşaqlarda anemiyanın səviyyəsini müəyyən etmək.
Material və metodlar: 310 uşağın hemoqram göstəricilərinin təhlili
Nəticələr: ATU-TTK-da stasionar müalicə alan 0-17 yaşlı 310 nəfər uşağın hemoqram göstəricilərinin statistik
təhlili aparılmışdır. Uşaqlar yaş göstəricilərinə əsasən qruplara ayrılmışdır. 0-1 yaş, 1-3 yaş, 3-6 yaş və 6 yaşdan
böyük. I qrup- 39, II qrup-84, III qrup-108, IV qrup- 79 uşaqdan təşkil olunmuşdur.
Anemiyanın səviyyəsi :
HB göstəricilərinə əsasən: I qrup-64%, II qrup- 81%, III qrup- 75%, IV qrup- 75%
MCV göstəricilərinə əsasən: I qrup-59%, II qrup- 86%, III qrup- 93%, IV qrup- 81%
HCT göstəricilərinə əsasən: I qrup-33%, II qrup- 25%, III qrup- 13%, IV qrup- 11%
RBC göstəricilərinə əsasən: I qrup-26%, II qrup- 7%, III qrup- 5%, IV qrup- 4%
RDW göstəricilərinə əsasən: I qrup-5%, II qrup- 2%, III qrup- 3%, IV qrup- 6%
Yekun: Alınan nəticələrə əsasən, dürüstlük əmsalının <0,001 olduğunu nəzərə alaraq, ikinci qrupda anemiya
üstünlük təşkil edir. Ölkəmizdə anemiyanın profilaktikasının aparılmaması anemiyanın artan dinamikasının əsas
səbəblərindədir.
Yaş qruplarına görə uşaqların boy və çəkisi arasında korrelyativ əlaqə və statistik əhəmiyyəti hesablanmışdır
I qrupda r = 0.81, p<0.01
II qrupda r = 0.91, p<0.001
III qrupda r = 0.87, p<0.001
IV qrupda r = 0.67, p<0.001
Ölkəmizdə anemiyanın profilaktikasının aparılmaması
anemiyanın artan dinamikasının əsas səbəblərindədir.
Dostları ilə paylaş: |