Tampliyer cəngavər Ordeni yaradır və bu Ordenin Büyük magistri
elan edilir.
Dənizçi Henrix dəfələrlə Atlantik okeanının qərb və cənübi-
qərb istiqamətindəki adalara ekspedisiyalar təşkil edir. Azor və
Kanar adaları, Madeyra və digər adalar onun tərəfindən kəşf olunur.
Dənizçi Henrix dövründə Portuqaliya donanması özünün ən qüdrətli
dövrünü yaşadı. Məhz portuqaliyalılar yüngül yelkənli gəmini -
karavellanı yaratdılar. Bu üç dorlu gəmi çoxsaylı yelkənlərə malik idi
ki, onlar da gəmiyə bütün istiqamətlərdə və hətta küləyin əksinə
üzməyə imkan verirdi. Gəmi yüngül və sürətli (saatda 22 km)
olmaqla qayalar arasında yaxşı manevr edə bilirdi.
Dənizçi Henrixin başladığı işi digər Portuqaliyalı səyyah -
Bartalameo Dias (Diaş) davam etdirdi. 1487-ci ildə o, Afrikanın
qərb sahilləri boyunca ekspedisiyaya rəhbərlik
etdi. Portuqaliya
gəmiləri hələ XV əsrin 60-cı illərində
ekvatora çatmış və onu
keçmişdilər. Xəritədə Fil Dişi sahilləri, Qvineya körfəzi əks
olunmuşdu. Gəmilər müasir Qvineya və Konqo ərazisinə kimi
üzürdü. Dias gəmilərini cənub istiqamətində daha uzaqlara apardı.
Ekvatoru keçdikdən sonra o, Afrikanın sahilləri boyunca üzərək
1488-ci ildə onun cənub qurtaracağına çatır və buranı Fırtınalar
bumu adlandırır. Sonralar Portuqaliya kralı 11 Juan onu Xoş Ümidlər
bumu adlandırdı.
Portuqaliya
gəmilərində xaricilər də
üzürdü.
Macəra
həvəskarlarından biri italiyalı tacir Alvize Kademosto idi. O, Afrika
əhalisinin adət-ənənələrini əks etdirən memuar yazmışdır. Beləliklə
böyük kəşflər və səyahətlər tədricən yetişirdi. Onlar həmdə mühüm
elmi əsas əldə etdi. Belə ki, 1476-cı ildə Klavdi Ptolemeyin “8
kitabda coğrafiya dərsliyi” işıq üzü gördü. Bu vaxta kimi kitab kilsə
tərəfindən qadağan edilmişdi. Kitabın yazılmasından keçən 1500 ildə
dünya haqqında fikirlər dəyişmişdi. Lakin kitabın nəşri bu mövzuda
yeni tədqiqatlar üçün təkan oldu. Maralı cəhət ondadır ki, kilsənin
özü bu tədqiqatları həvəsləndirirdi, çünki onlar dövlətə və həmçinin
kilsəyə fayda vəd edirdi.
XIV-XV əsrlərdə coğrafi kəşflər və səyahətlər zamanı əldə
edilmiş məlumatlar əsasında yerin və su səthinin müfəssəl xəritəsi
hazırlanmağa başlayır. O, dövrün ilk xəritələrindən biri XV əsrin 70-
ci illərində Florensiyalı astranom Paolo Toskanelli tərəfindən
hazırlanmışdır. Bu xəritə dövrümüzə gəlib çatmamışdır. Lakin
tədqiqatçıların fikrincə Toskanelli Asiyanı qərbdən şərqə doğru iki
dəfə şişirtmiş və buna müvafiq okeanın eninin azaltmışdır. Məsələn
o, hesab edirdi ki, Lissabonla Yaponiya arasındakı məsafə 9 min km-
dir.
1492-ci ildə alman coğrafiyaşünası Martin Bexaym böyük
qlobus yaratdı və onu doğma şəhəri Nürünberqə hədiyyə etdi. Bu
qlobus dövrümüzə salamat gəlib çatmış ən qədim qlobusdur. Bu
qlobus Yerin kürə formasında olması təsəvvürlərini təsdiq etdi və
qərbə üzməklə şərq torpaqlarına çatmağın mümkünlüyünü sübüt etdi.
Bexaym ilk dəfə olaraq astrolyabiyadan dənizçilikdə istifadə etdi. O,
günəşin hündürlüyü ilə dənizdə istiqaməti müəyyənləşdirməyə imkan
verən cihaz düzəltdi.
Avropada olduğu kimi Şərqdə də böyük dəyişikliklər baş
verirdi. Asiya və Hind-Çin xalqları gəmiqayırmada yeni nəaliyyətlər
əldə etdilər ki, bu da onlara yeni coğrafi kəşflər etməyə imkan
yaratdı. Məsələn, XV əsrdə Çin Şərqin ən güclü dəniz dövlətinə
çevrildi. Onun gəmiləri Hind okeanında və Sakit okean sahillərində
hökmranlıq edirdilər. Çinin dəniz sahili şəhərləri Asiya ölkələri və
Hindistanla ticarət mərkəzlərinə çevrildilər. Bu işdə Çinə heç kim
mane ola bilmirdi: türklər çox uzaqda idi, monqol xanlıqları isə
parçalanmış və bir çoxu isə süqut etmişdi.
Çində çox iri gəmilər düzəldilirdi, onların hər biri min nəfər
dənizçi və əsgər götürə bilirdi. Onların gəmilərindən bəzilərinin
uzunluğu 145 metrə çatırdı. Gəmilər vəziyyətlərini dəyişə bilən
yelkənlərlə hərəkətə gətirilirdi. Küləyin istiqamətindən asılı olaraq
yelkənlərin vəziyyəti dəyişdirilirdi. Küləksiz havada isə gəmilər
böyük avarlarla hərəkətə gətirilirdi. XI əsrin sonlarından Çin
gəmilərində kompasdan istifadə edilirdi. Çinin dənizdəki gücü 1405-
ci ildən 1433-cü ilə kimi olan dövrdə Hind okeanına təşkil edilmiş
96
97
uğurlu hərbi-dəniz ekspedisiyası ilə daha qabarıq üzə çıxdı.
Portuqaliyalı dənizçilər Atlantik okeanının cənub hissəsinə yenicə
hərəkət etməyə başlayarkən Çin donanması artıq Qərbə yeddi səfər
təşkil etmiş, Hind-Çin ölkələrində, Yava və Seylonda olmuşdular.
Çinli dənizçi Çjen Xenin ekspedisiyası daha məşhur idi.
Ekspedisiya Çin sahillərini 1403-cü ildə tərk etdi və səyahət 25 ildən
uzun çəkdi. Bu müddətdə Çinin qədim paytaxtı Nankindən başlanan
yol Şərqi Çin və Cənubi Çin dənizlərindən keçməklə Hind okeanına,
sonra isə Afrika sahillərinə kimi uzanmışdır. Onlar Hind-Çin, Yava,
Sumatra, Seylon və Hindistan sahillərini tədqiq etmişlər.
Fars
körfəzində Hömrüzdə dayanmış, Əden limanına (ərəbistan dənizi)
daxil olmuş, Afrika qitəsinin cənub-şərqində və Somali yarım
adasında olmuşdular.
Bu ekspedisiyanın üç iştirakçısının yazdıqları kitablar
dövrümüzə çatmışdır. Bunlar Fey Sinin “Yolda müşahidə”, Ma
Xuanın “Dənizkənarı ölkələrin təsviri” və
Qun Çjenin “Xarici
dövlətlər
haqqında
əsəri"
adlı
kitablardır.
Eyni
zamanda
ekspedisiyanın xəritələri də saxlanılmışdır ki, onlardan biri “Nankin
dən xarici ölkələrə su yolu ilə səyahətlərin xəritəsi” adlanır və Çin
dənizçilərinin ekspedisiyasının marşrutu barədə tam təsəvvür yaradır.
XV əsrdə digər ticarət və dənizçilik mərkəzi Şimali Afrika
sahillərindəki: Kilva, Mombasa, Malindi, Safala və Zanzibar
adalarındakı ərəb şəhərləri idi. Onlar Asiyanın bütün ölkələri ilə sıx
ticarət edirdilər. Hind okeanının qərb hissəsində ən məşhur
dənizçilərdən biri losman(dəniz su yoluna yaxşı bələd olan dəniz
bələdçisi) Əhməd İbin-Məcid idi. O, dənizçiliyə dair kitabların
müəllifidir. Onların içərisində on məşhuru “Əsas dəniz elmi və onun
qaydaları haqqında faydalı məlumatlar kitabı” dır. Orada Afrika
boyunca Qırmızı dəniz və Fars körfəzindən Hindistana, həmçinin
Malay arxipelaqından Çin və Tayvan sahillərinə kimi marşrutlar
ətraflı təsvir olunur. Bu kitabda eyni zamanda gəmi idarəetməyin
qaydaları verilir, dəniz sahilləri, sualtı qayalar, musson və axınlar
haqqında danışılır. İbn Məcid Afrika və Hindistanın Malabar sahilləri
arasındakı yolu xususi ilə yaxşı bilirdi.
Beləliklə, avropalılara Avropadan Hindistana dəniz yolu
məlum olmasından xeyli əvvəl Çin dənizçilərini gəmiləri Şimali-Çin
dənizindən Cənub-Şərqi Asiya və Afrika sahilləri boyunca hərəkət
edərək demək olar ki Avropaya çatır, ərəb dənizçiləri isə asanlıqla
Hind sahillərinə gedirdilər. Böyük coğrafi kəşflər ərəfəsində dünya
dənizçiliyində vəziyyət belə idi.
XV əsrin II yarısında Piriney yarımadasının iki böyük dövləti
- Kastiliya və Araqon birləşərək İspan monarxiyasını yaratdılar.
İspan ordusu hələ 711-ci ildə ərəblərin işğal etdiyi torpaqları azad
etməyə başladı. 1492 -ci ildə ərəblərdən azad edilmiş axırıncı vilayət
Qranada oldu. Bundan sonra İspaniya Piriney yarımadasının ən
qüdrətli dövlətinə çevrildi və təbii ki o, Portuqaliyanın dəniz
ağalığına razı ola bilməzdi. Lakin İspaniyada gəmiqayırma və
dənizçilik zəif inkişaf etmişdi. Ona görə də İspan monarxiyası digər
ölkələrdən olan mütəxəssislərə müraciət etməli oldular. Bunlardan
biri İtaliyalı Xristofor Kolumb idi. Kolumb 1451-ci il oktyabrın 29-
da İtaliyanın Genuya şəhərində doğulmuş, ömrünü İspaniyada başa
vurmuşdur (20 may 1526-cı il). O dövrdə qüvvətli dəniz dövləti olan
Genuyada dənizçilik sahəsində toplanmış zəngin təcrübə və mühit
Kolumbun dünyagörüşünə böyük təsir göstərmiş və ilk
dəniz
səyahətlərinə 1472-ci ildə doğma şəhərində başlamışdı. 1476-cı ildə
Portuqaliyaya gələn Kolumb ilk dəfə buradan uzaq dəniz səyahətləri
nə çıxdı - İngiltərəyə, Atlantik okeanındakı Madeyra adasına,
Qvineya körfəzinə üzdü. Bir müddət Madeyra adasında yaşayan
Kolumb Portuqaliyada
Portu-Santu adasının
hakimi
italiyan
Perestrelİonun qızı ilə evləndi.
1479-cu ildə qəti olaraq Portuqaliyada qərarlaşan Kolumb
Yerin kürə formasında olması fikrinə qəti olaraq inanırdı. Özündən
əvvəlki coğrafi kəşflər, xüsusən Marko Polonun keçdiyi səyahət
yolu, onun Uzaq Şərq ölkələri, oradakı dənizlər, Hindistan, Seylon
haqqındakı məlumatları Kolumbu bu fikirdə daha da möhkəmlənirdi.
Digər tərəfdən, Aristotel, Strabon və Senekanın, Avropadan Qərbə
doğru hərəkət edərək Hindistana çatmağın mümkünlüyü haqqındakı
fikirləri Kolumba məlum idi. Eyni zamanda məşhur italyan
98
99
Dostları ilə paylaş: |