Azərbaycan Respublikası Dövlət Neft Şirkəti Təlim, Tədris və Sertifikatlaşdırma İdarəsi
Yüklə 13,54 Mb. Pdf görüntüsü
|
- Bu səhifədəki naviqasiya:
- ARDNŞ Təlim, Tədris və Sertifikatlaşdırma İdarəsinin
- Metodiki Kabinetin müdiri: Murad Əliş oğlu Şükürov Tərtib edənlər: QRTM-in müdir müavini: Ceyhun Əflatun oğlu İsmayılov
- “Kompüter Texnikasının Əsasları” Tədris vəsaiti – Bakı 2014. 302 səh.
| 2 Azərbaycan Respublikası Dövlət Neft Şirkəti Təlim, Tədris və Sertifikatlaşdırma İdarəsi KOMPÜTER TEXN İ KASININ Ə SASLARI Bak ı – 2014 3 Məsləhətçi: ARDNŞ Təlim, Tədris və Sertifikatlaşdırma İdarəsinin rəisi: Fuad Salman oğlu Süleymanov Metodiki Kabinetin müdiri: Murad Əliş oğlu Şükürov Tərtib edənlər: QRTM-in müdir müavini: Ceyhun Əflatun oğlu İsmayılov QRTM-nin nəzəri tədris mütəxəssisi: Şamo Əsədağa oğlu Məmmədov “Kompüter Texnikasının Əsasları” tədris vəsaiti Təlim, Tədris və Sertifikatlaşdırma İdarəsinin «Metodiki şura”sında müzakirə olunaraq bəyənilmişdir. 20 dekabr 2013 – cü il, Protokol 12. “Kompüter Texnikasının Əsasları” Tədris vəsaiti – Bakı 2014. 302 səh. 4 GİRİŞ ARDNŞ üçün yüksək ixtisaslı fəhlə kadrlarının hazırlanmasını, malik olduqları peşələr üzrə ustalıqlarının artırılmasını, təlim – tədrisin beynəlxalq standartların tələbləri səviyyəsində qurulmasının təşkil edilməsini, həmçinin Xəzər hövzəsində fəaliyyət göstərən dənizçilərə və dəniz neftçilərinə beynəlxalq dəniz konvensiyalarının (DHDNÇ – 78 Beynəlxalq Konvensiyanın tələblərinə uyğun olaraq dənizçilərin və İMO – nun A 791 qətnaməsinə əsasən) tələblərinə uyğun təlimlərin keçirilməsi və təkmilləşdirilməsini həyata keçirən Təlim, Tədris və Sertifikatlaşdırma İdarəsinin kollektivi, Azərbaycanda texniki – peşə təhsilinin yenidən qurulması, onun keyfiyyətcə yeni mərhələyə qaldırılması istiqamətində öz töhvələrini verməkdə davam edir. Beynəlxalq Standartlara uyğun inkişaf etmiş ölkələrin təcrübəsi göstərir ki, cəmiyyətin demokratik inkişafının əsas şərtlərindən biri də dövrün tələblərinə cavab verən kadr potensialının formalaşdırılması, çevik və işlək mexanizmlər sisteminin yaradılmasıdır. Ümummilli Liderimiz H.Əliyevin sadiq davamçısı, cənab İlham Əliyevin qeyd etdiyi kimi, “Ən yaxşı inkişaf etmiş ölkələrin təcrübəsinə baxsaq görərik ki, o ölkələrin inkişafında aparıcı rol oynayan təkcə neft – qaz deyil, bilikdir və elmi – texniki tərəqqidir” Bu gün ARDNŞ – in strukturu kimi fəaliyyət göstərən Təlim, Tədris və Sertifikatlaşdırma İdarəsi öz fəaliyyətində bu meyarı əsas götürərək neft – qaz sənayesi üzrə yeni fəhlə kadrlarının hazırlanması, ixtisaslarının artırılması, yenidən hazırlanması və 2-ci peşəyə yiyələnməsi işini müvəffəqiyyətlə həyata keçirir. Hazırda İdarənin strukturunda fəaliyyət göstərən Təlim Mərkəzlərində işləyən mütəxəssislərin böyük əksəriyyəti neft – qaz sənayesi sahəsində öz sözünü demiş şəxslərdir ki, onların elmi potensialının, nəzəri biliklərinin və təcrübələrinin gələcək nəsillərə çatdırılması üçün bu “Tədris vəsaitləri”nin hazırlanmasına böyük ehtiyac duyulur. Məhz bu məqsədlə TTSİ rəisinin əmri ilə yaradılmış xüsusi komissiya müvfiq mütəxəssisləri cəlb etməklə, yeni fəhlə kadrlarının hazırlanması prosesini yüksək keyfiyyətlə həyata keçirmək, şagirdlərin və dərs deyən bütün mütəxəssislərin lazımi tədris vəsaitləri ilə təmin olunmasına nail olmaq üçün bu tədris vəsaitlərinin hazırlanmasına nail olmuşdur. “Kompüter Texnikasının Əsasları” fənni üzrə Fəhlə kadrlarının hazırlanması prosesində istifadə etmək üçün tərtib olunan bu tədris vəsaiti Fəhlə Kadrlarının Hazırlanması üçün tərtib edilmiş “Tədris proqramına” uyğun olaraq yazılmışdır. Tədris vəsaitində Fəhlə hazırlığı prosesində nəzəri biliklərin öyrədilməsi və praktiki təlim zamanı kursun predmeti və obyektləri, mahiyyəti və vəzifələri, tətbiq sahələri və istifadə qaydalarının öyrədilməsi ilə yanaşı, digər vacib məsələlərə də aydınlıq gətirilmişdir. Tarixən informasiyanın ifadə edilməsi və yadda saxlanılması tələbatı nitqin, yazının və təsviri incəsənətin yaranmasına səbəb olmuşdur. Sonralar informasiyanın saxlanılması və mübadiləsi tələbatı kitab çapının və poçtun yaradılmasına gətirib çıxarmış, teleqraf, telefon, radio və televiziyanın yaranması böyük mətn informasiya selinin və təsvirinin işıq sürəti ilə ötürülməsinə imkan vermişdir. Lakin bu informasiyanın məqsədyönlü işlənməsi kompüter texnologiyası yaranana qədər yalnız insan tərəfindən yerinə yetirilirdi. Kompüter texnologiyası böyük sürətlə inkişaf edərək, elmi-texniki, iqtisadi tərəqqinin, ictimai-siyasi münasibətlərin inkişafetdirici qüvvəsinə çevirilmişdir. Kompüter texnikasının tətbiqi iqtisadiyyatda istehsal texnologiyasının kökündən dəyişdirilməsinə, əmək məhsuldarlığının artmasına, insanların əmək şəraitinin yaxşılaşdırılmasına səbəb olur. Kompüter texnologiyası həmçinin qlobal informasiya mühitinin yaradılmasında, 5 informasiyanın əmtəəyə çevrilməsində, informasiya və bilik bazarının yaradılmasında və inkişafında, təhsil sisteminin təkmilləşməsində, beynəlxalq, milli və regional səviyyədə informasiya mübadiləsi sistemlərinin imkanlarının genişlənməsi hesabına cəmiyyətin peşə və ümumi mədəniyyət səviyyəsinin artmasında aparıcı rol oynayır. Mütəxəssislərin fikrincə, informatika, eləcə də informasiya texnologiyaları elmi inkişaf etdikcə yeni-yeni elmi terminlər, anlayışlar da meydana gəlib, gündəlik həyata daxil olub. İnfokommunikasiya, informasiya infrastrukturu, informasiyalaşma, informasiya mühiti, informasiya cəmiyyəti, informasiya resursları və xidmətləri, biliklər bazası, audio-video konfrans, telekonfrans, axtarış serverləri, relevant informasiya, spam, provayder, host, çat, meynfreym, LAN, WAN, XML, HTTP və s. kimi anlayışlar bu qəbildəndir. Müasir dövrdə kompüter texnologiyaları müstəqil və yeni elm sahəsi kimi formalaşır. Kompüter qrafikası, rahat interfeyslər, multimedia texnologiyaları, geoinformasiya sistemləri, intellektual korporativ şəbəkələr, neyroşəbəkə texnologiyaları, tərcümə proqramları, virtual sistemlər və s. kimi bir çox aktual elmi-praktik problemlər kompüter texnologiyaları elminin perspektiv fundamental və tətbiqi tədqiqat istiqamətləri sayılır. Dərslik eyni adlı fənnin “Tədris Proqramına” uyğun yazılmışdır. Dərslikdə kompüter və telekommunikasiya texnikası, kompüterin yaranma tarixi, arxitekturu, texniki təminatı, proqram təminatı, “Əməliyyat Sistemləri”, “MS Office 2007” paketi, kompüter şəbəkələri, kompüter şəbəkəsində informasiya mübadiləsi və s. mövzular şərh olunmuşdur. Dərslik həddən artıq oxunaqlı olub, sadə dildə yazılmış, şərh olunan mövzularda çoxsaylı misallar, şəkillər, qrafik və cədvəllər verilmişdir “Kompüter Texnikasının Əsasları” tədris vəsaiti, latın qrafikası ilə Azərbaycan dilində nəşr olunan ilk kitablardandır. Bu tədris vəsaitindən Təlim Mərkəzlərinin şagirdləri ilə yanaşı, ixtisasartırma kurslarına göndərilmiş mühəndis və texniki işçilər, həmçinin Ali və orta ixtisas təhsili müəssisələrinin tələbələri də istifadə edə bilərlər. Yüklə 13,54 Mb. Dostları ilə paylaş:
|