85
SOME RESULTS OF BARLEY BREEDING IN RAINFED CONDITIONS OF GOBUSTAN
REGION OF MOUNTAINOUS SHIRVAN
Research Institute of Crop Husbandry
Investigation was carried out in rainfed condition of Mountainous Shirvan in territory of
Gobustan RES. 865 varietysamples, lines and varieties in various breeding nurseries have studied
during 2006-2209 years. At this period among studied accessions of genefond have selected two
varieties by name Gudratli-48 and Dayanatli. These varieties have transferred to the State
Commission for testing and regionalization.
Key words: berley, variety,
productivity, quality, disease, rainfed
UOT
AZƏRBAYCAN ŞƏRAİTİNDƏ BUĞDA BİTKİSİNİN FOTOPERİODİZM
XÜSUSİYYƏTİNİN VƏ DİQƏR ƏLAMƏTLƏRİN GENETİK MEXANİZMİNİN TƏDQİQİ
E.B.ƏLİYEV
Elmi-Tədqiqat Əkinçilik İnstitutu, Sovxoz №2, Bakı, Azərbaycan
Tel.: 5516130, 4974931
Məqalədə buğda bitkisinin Azərbaycanın təbii qısa gün şəraitində fotoperiodizm
xüsusiyyətinin və digər əlamətlərin genetik idarə olunmasının öyrənilməsi ilə bağlı 30 ildən artıq
aparılan tədiqat işlərinin yekun nəticələri verilmişdir.
Açar sözlər: buğda, fotoperiodizm, əlamət,
genetik mexanizm
Azərbaycan Respublikasının ərazisi coğrafi cəhətdən təbii qısa gün, yəni qısa fotoperiod
regionlarına təsadüf etdiyindən, bu ərazidə yayılan və becərilən bitkilərdə təkamül prosesi zamanı
fotoperiodizmin təsirinə qarşı müvafiq genetik uyğunlaşma mexanizmi formalaşmışdır. Mühüm
abiotik amillərdən sayılan fotoperiodizmin bitki orqanizmlərinin inkişafında müstəsna rolunun elmi
əsaslarla kəşfindən 90 ildən artıq vaxt keçməsinə baxmayaraq [1], Azərbaycan şəraitində bu amilin
müxtəlif bitkilərin, o cümlədən buğda bitkisinin inkişafına təsirinin öyrənilməsi ilə bağlı tədqiqat
işləri kifayət qədər aparılmamış, əlamətin genetik mexanizmi demək olar ki araşdırılmamışdır.
Halbuki, fotoperiodizmlə əlaqədar mövcud olan problemlərin həlli region üçün son dərəcə mühüm
elmi nəzəri və praktiki əhəmiyyət kəsb etməklə, bu amilin genetik əsaslara söykənən təlimini
yaratmağa və ondan səmərəli istifadə etməyə geniş imkanlar açır.
Tədqiqat obyektimiz olan buğda bitkisinin yaranma mənşəyi cənub regionlar hesab olunsada,
fotoperiodizm baxımından o uzungünlü bitkilərə aid edilir və qısa fotoperiod rejimində bu bitkinin
ümumi vegetasiya dövrü xeyli uzanır, ayrı-ayrı inkişaf mərhələlərinin sürəti isə nəzərə çarpacaq
dərəcədə aşağı düşür. Bu amil bir çox bitkilərin, o cümlədən buğdanın inkişafı üçün mühüm
əhəmiyyətə malik olmaqla onun məhsuldarlıq elementlərinin və müxtəlif təsərrüfat qiymətli
əlamətlərinin formalaşmasında xüsusi rol oynayır.
Azərbaycan şəraitində keçən əsrin 70 ci illərinin sonunda (1977-1979), tərəfimizdən aparılan
ilk sitogenetik tədqiqatlar buğda bitkisi sortlarında fotoperiodizm xüsusiyyətini idarə edən iki
86
dominant Ppd1 və Ppd2 genlərinin təyin edilməsinə, onların hansı xromosomda yerləşməsinin
aşkarlanmasına və digər gen sistemləri ilə əlaqəsini müəyyənləşdirməyə imkan vermişdir. Lakin, o
zamanlar eksperimentlərə cəlb edilən valideyn formalar Ppd genlərinin düzgün sayını və
ekspressiyasını təyin etməyə, sortların fotoperioda həssaslıq səviyyəsinə görə təsnifata alınmasına
və fotoperiodizmlə bağlı çoxlu sayda məsələlərin həllinə aydınlıq gətirmirdi.
Digər tərəfdən müxtəlif ədəbiyyat mənbələrində Ppd genlərinin sayı, ekspressiyası və xromosom
lokalizasiyası ilə bağlı mütəxəssislərin fikir ayrılığı, tədqiqatları apardıqları zaman metodik
cəhətdən yol verdikləri xətalar və əldə etdikləri nəticələrin bir-birlərini təkzib etməsi faktı açıq
qalan sualları cavablandırmaqda əngəllər törədirdi [2-7].
Mövcud vəziyyətə başqa bir prizmadan-qlobal iqlim dəyişiklikləri fonunda yaranan neqativ
fəsadların təsiri baxımından yanaşanda problemin aktuallığı daha kəskin xarakter alır. Belə ki, son
illər Planetdə baş verən qlobal iqlim dəyişiklikləri bir sıra mədəni bitkilərin, o cümlədən buğda
bitkisinin təsərrüfat qiymətli əlamətlərinin, istər kəmiyyət, istərsə də keyfiyyət göstəricilərinin xeyli
aşağı düşməsinə və pisləşməsinə səbəb olmuşdur. Qlobal istiləşmə ilə bağlı iqlim dəyişiklikləri
Azərbaycandan da yan keçməmiş və son illərin proqnozuna görə ölkə ərazisində temperatur çoxillik
orta göstəricilərlə müqayisədə 06
0
C artmışdır. Belə bir şəraitdə buğda bitkisi sortlarının istilik
amilinin təsirindən qaçmasını təmin etmək üçün məhz Ppd genlərinin xidmətinə böyük ehtiyac
duyulacaq [8].
Bütün yuxarıda qeyd olunanların əhəmiyyətini və aktuallığıni nəzərə alıb, tədqiqat işlərində
aşağıdakı məqsəd və vəzifələr qarşıya qoyulmuşdu.
Tədqiqatın əsas məqsədi Azərbaycanın təbii qısa gün şəraitində buğda bitkisinin
fotoperiodizm xüsusiyyətinin genetik mexanizminin geniş tədqiqindən, bu əlaməti idarə edən Ppd
gen sisteminin təyin edilməsindən və həmən genlərin ekspressiyasının müyyənləşdirilməsindən,
öyrənilən genotiplərin bu xüsusiyyətə görə təsnifatlaşdırılmasından, sortların mənşəyindən asılı
olmayaraq Ppd genlərinə əsasən genotiplərini aşkarlayan işlək “modelin” yaradılmasından və
ümumiyyətlə, fotoperiodizmlə bağlı digər problemlərin həllindən, eləcə də buğda bitkisində ən
müxtəlif keyfiyyət və kəmiyyət əlamətlərini idarə edən genlərin təyin edilib, sortların həmən
əlamətlərə görə genetik pasportlarının tərtib edilməsindən ibarətdir.
Tədqiqatlarla bağlı qarşıya qoyulan məqsədə çatmaq üçün aşağıdakı vəzifələr yerinə
yetirilmişdir:
- hər iki buğda növünə mənsub olan çoxlu sayda Dünya kolleksiyası sort və sortnümunələrinin,
eləcədə Azərbaycan seleksiyaçılarının ayrı-ayrı illərdə yaratdıqları bütün yerli sortların təbii qisa
fotoperiod rejiminə reaksiya xüsusiyyətinin öyrənilməsi, bu əlamətə görə müxtəlif həssaslıq
səviyyəsi ilə səciyyələnən genotiplərin secilərək genetik
analizlərə cəlb edilməsi;
- fotoperiodizmə kontras həssaslıq göstərən, həmçinin qısa günə müxtəlif səviyyədə reaksiyaları ilə
xarakterizə olunan sortlar arasında Ppd genlərinin sayını və ekspressiyasını təyin etmək məqsədi ilə
F
1
, F
2
, F
3
və daha yuxarı nəsillərdə genetik analizlərin aparılması;
- buğda bitkisi sort və sortnümunələrinin fotoperioda həssaslıq dərəcəsini dəqiq və düzgün əks
etdirən təsnifatın yaradılması, genotipləri Ppd genlərinə əsasən təyin edilmiş sortların bu
xüsusiyyətə görə təsnifata alınması;
- mənşəyindən asılı olmayaraq bütün sortların genotiplərini təyin edə bilən işlək “modelin”
yaradılması və vaxtaşırı olaraq onun yeni sortlarla təkmilləşdirilməsi;
- bərk və yumşaq buğda növlərinin ultratezyetişən sortları arasında təbii qısa günün təsiri zamanı
sünbülləmə vaxtına görə yaranan fərqin elmi əsaslarla araşdırılması;
- Azərbaycan seleksiyaçılarının ayrı-ayrı illərdə yaratdıqları bütün yerli sortların “həyat tərzinin”
öyrənilməsi və onların yazlıq – payızlıq xüsusiyyətlərinin
təyin edilməsi;
- genetik analizlərin köməyi ilə buğda bitkisində ən müxtəlif keyfiyyət və kəmiyyət əlamətlərini
idarə edən genlərin müəyyənləşdirilməsi, genotiplərin həmən əlamətlərə görə genetik pasportlarının
tərtib edilməsi;
- məqsədyönlü tədqiqatlarla supertezyetişən, fotoneytral yumşaq buğda xətlərinin genofondunun
yaradılması və praktiki tətbiqinin təmin edilməsi.