4.
Tədqiqat sualı təlim standartlarına əsasən müəyyənləşdirilməli və dərsin
məqsədinə yönəldilməlidir.
II mərhələ: tədqiqatın aparılması
Dərsin məqsədinə və tədqiqat sualına uyğun iş üsulları seçilir. Tədqiqat
sualına cavab verməyə kömək edəcək faktları tapmaq üçün
məqsədyönlü iş
aparılır. Şagirdlərə müxtəlif çalışmalar verilir. Beləliklə, tədqiqat sualına cavab
tapmaq üçün zəmin yaranır. Toplanmış faktlar əsasında təqdimatlar hazırlanır
Tədqiqatın nəticələri aşağıdakı təqdimat formalarında ümumiləşdirilir.
ifadə yazılar, təsvirlər, əsərlər, şeirlər, esseler;
sxemlər, cədvəllər, qrafiklər;
illustrasiyalar, məqalələr;
nağıllar, tapmacalar, atalar sözləri, zərbi-məsələlər, uydurmalar,
yanıltmaclar;
təcrübələr, eksperimentlər;
maketlər, modellər, rəmzlər;
layihələr;
qaydalar, qanunauyğunluqlar;
səhnələşdirmələr;
nəğmələr, musiqilər;
referatlar;
krossvordlar və s.
Tədqiqat müxtəlif formalarda: böyük qrupda, kiçik qruplarda, cütlük
şəklində və fərdi qaydada aparıla bilər.
III mərhələ: məlumatın mübadiləsi
Tədqiqat üçün ayrılmış vaxt bitdikdən sonra müəllim tapşırığın icrasının başa
çatdığını bildirir. Bundan sonra şagirdlər informasiyanın təqdimatına başlayır, əldə
etdikləri yeni informasiyaları digər iştirakçılarla bölüşürlər. Həmin təqdimatların
əks olunduğu iş vərəqləri lövhədən asılır.
IV mərhələ: məlumatın müzakirəsi
Mövcud
mərhələnin
məqsədi
yeni
əldə
edilmiş
informasiyanı
sistemləşdirmək və qrupların hazırladıqları təqdimatlar arasındakı əlaqəni üzə
çıxarmaqdır.
Bu mərhələdə müəllim köməkçi suallardan istifadə etməklə əldə olunmuş
faktların məqsədyönlü müzakirəsini təşkil edir. Məlumat sxem, qrafik, cədvəl,
təsnifat və s. formalarda təqdimatlar dinlənilir. Nəticədə tədqiqat sualına cavab
aydınlaşır.
Müzakirə prosesində müəllim öz fikirlərini şagirdlərə zorla qəbul
etdirməməlidir.
V mərhələ: nəticə və ümumiləşdirmə
Nəticəyə gəlmək üçün müəllim şagirdlərin köməyi ilə əldə olunan bilgiləri
ümumiləşdirir, əldə edilmiş ideyanı tədqiqat sualı ilə (o bu suala cavab verirmi?)
və şagirdlərin ilkin fərziyyələri ilə (bunların arasında düzgün olanları varmı?)
müqayisəsini təşkil edir.
VI mərhələ: yaradıcı tətbiqetmə və ya ev tapşırıqları
Yaradıcı tətbiqetmə biliyi möhkəmləndirir, onun praktiki əhəmiyyətini artırır.
Bu məqsədlə şagirdlərə praktik tapşırıqlar verilir. Əgər yaradıcı tətbiqetməni
dərhal icra etmək mümkün olmursa, o sonrakı dərslərdə həyata keçirilir. Dərsdə
alınmış bilik, bacarıq və vərdişlərin möhkəmləndirilməsi üçün ən geniş yayılmış
sərbəst iş forması ev tapşırıqlarıdır. Fəal təlim prosesində belə tapşırıqlardan
istifadə olunur. Onların daha çox tədqiqat və yaradıcılıq elementləri (müxtəlif
yaradıcı işlər, referatlar, layihələr, tədqiqatlar və s.) ilə zəngin olmasına diqqət
yetirilir.
Refleksiya və qiymətləndirmə
Qiymətləndirmə şagirdlərin təlimdəki nailiyyətlərinin dəyərləndirilməsi
prosesidir.
Qiymətləndirmə konkret meyarlar üzrə aparılmalıdır. Müəllim şagirdləri
əvvəlcədən bu meyarlarla tanış etməlidir.
Refleksiya – təlim prosesinin bütün mərhələlərini təhlil etməyə və onu
dərindən başa düşməyə imkan verir.
Şagirdlərə dərs zamanı təlim fəaliyyətini izləməyə kömək edə biləcək bir neçə
sual verməklə (məsələn: biz nəticəyə necə gəlib çıxdıq? Biz nə etdik? Qarşıya
qoyulmuş problemin həllində sizə nə kömək etdi? və s.) onların fikirlərini
sistemləşdirmək mümkün olur. Nəticədə şagird öz tədqiqat fəaliyyətinin əsas
mərhələlərini bir daha nəzərdən keçirir.
Fəal dərsi səmərəli təşkil etmək üçün, ilk növbədə, müəllimin planlaşdırma
bacarığı olmalıdır. O, dərs dediyi fənn üzrə bütün mərhələləri aydın təsəvvür edə
bilməli, onlara aid perspektiv və cari planlar hazırlamağı bacarmalıdır. Bu zaman
aşağıdakı sualların cavablarını özü üçün konkretləşdirməlidir.
Nə öyrəniləcək?
Necə öyrəniləcək?
Hansı şəraitdə öyrəniləcək?
Nəticələr necə qiymətləndiriləcək?
Dərs
planlaşdırılarkən hansı təlim standartının (standartlarının)
reallaşdırılması müəyyənləşdirməli, ona (onlara) uyğun təlim məqsədi (təlim
məqsədləri), müvafiq metod və vasitələr seçilməlidir.
Fəal dərsin planında aşağıdakıların nəzərə alınması didaktik cəhətdən
əhəmiyyətli hesab edilir.
1.
Mövzunu müəyyənləşdirmək.
2.
Standartı konkretləşdirmək.
3.
Dərsin məqsədini (məqsədlərini) müəyyən etmək.
4.
Motivasiya üçün sistem işləyib hazırlamaq.
5.
Tədqiqat sualını müəyyənləşdirmək.
6.
Aparılacaq tədqiqatın mərhələlərini planlaşdırmaq və bu zaman
aşağıdakıları dəqiqləşdirmək:
tədqiqat üçün tapşırıqları;
iş üsulları və formalarını;
məlumat mənbələrini.
7.
Müzakirə üçün suallar hazırlamaq.
8.
İdeyaları və alınacaq nəticələri qısaca ifadə etmək.
Dostları ilə paylaş: |