Azərbaycan Respublikası Təhsil Nazirliyi
Bakı Dövlət Universiteti
Fizika fakültəsi
«Optika və molekulyar fizika» kafedrası
«Fizik» ixtisası - 050503 bakalavr hazırlığı üzrə
«Molekulyar fizika» fənninin proqramı
Müəllif: dos. B.G. Paşayev, p.g.bakhtiyar@gmail.com
Proqram «Optika və molekulyar fizika» kafedrasında bəyənilib.
Kafedra müdiri prof. R.C. Qasımova « » 2016-cı il
Fizika Fakültəsinin Tədris-Metodiki Şürası tərəfindən tövsiyə edilib.
Sədr prof. Ə.Ş. Abdinov « » 2016-cı il
Fizika Fakültəsinin Elmi Şurasında təsdiq olunub.
Elmi katib prof. R.C. Qasımova « » 2016-cı il
Bakı-2016
Fənnin tədrisində məqsəd
«Molekulyar fizika» fənninin tədrisində məqsəd tələbələrə qaz, maye və bərk halda olan maddələrin fiziki xassələrini molekulyar quruluş əsasında izah edən fundamental bilikləri yiyələndirməkdir.
Fənnin tədris planındakı yeri
«Molekulyar fizika» fənni «Fizik» ixtisası üzrə bakalavr hazırlığnın tədris planında ixtisasın peşə hazırlığının fənləri qrupuna (İPFS-B08) daxildir.
Fənnin tədrisi üsulları: Mühazirə, məşğələ, laboratoriya işləri, kurs işləri, fərdi işlər və kollokvumlar
Fənnin məzmunu
1. Maddələrin molekulyar quruluşu. Molekulyar fizikanın mövzusu. Maddələrin molekulyar quruluşunu təsdiq edən təcrübi faktlar. Molekul və atom. Çox sayda hissəciklərdən ibarət sistemləri öyrənmək üsulları-statistik və termodinamik metodlar. Molekulyar-kinetik nəzəriyyənin (MKN) əsas müddəaları. Atom və molekulların ölçüləri və kütləsi. Molekullararası qarşılıqlı təsirin xüsusiyyətləri. Maddənin aqreqat halları. Qazlarda, mayelərdə və bərk cisimlərdə atom və molekulların istilik hərəkətinin xarakteri.
Dostları ilə paylaş: |
