Azərbaycan respublikasi föVQƏladə hallar naziRLİYİ SƏnayedə İŞLƏRİn təHLÜKƏSİz göRÜLMƏSİ VƏ dağ MƏDƏn nəzarəTİ DÖVLƏt agentliYİ azərbaycan respublikasi əMƏYİn mühafiZƏSİ VƏ

2.5.7.12 Qazanın isidici səth kimi istifadə edilməyən, amma iş vaxtı həddindən artıq qıza bilən elementləri etibarlı izolə edilməlidir.
2.5.7.13 Yanacağı kamerada yandırılan hər bir qazan partlayışa qarşı qoruyucu klapanla təchiz edilməlidir.
2.5.7.14 Baca və dəliklərin möhkəm cəftələri olmalıdır. Baca və dəliklərin konstuksiyası onların onların öz-özünə açılmasına yol verməməlidir
2.5.7.15 Qazanın adam girə bilməyən, lakin yoxlanma və ya təmizlənməsi lazım olan hissələrində minimal ölçüsü 80 mmolan dairə formalı dəliklər (bacacıqlar) olmalıdır.
2.5.7.16 Qazanxana otaqlarında qadağandır:
- qazanxana qurğularının xidməti ilə bağlı olmayan işlərin görülməsi, kənar şəxslərin qazanxa-naya daxil olması və qazanların istismarını kənar şəxslərə tapşırılması;
- qazanxana otaqlarında AAM və YM-in saxlanılması;
- qazanların və buxar xətlərinin üzərində yanar materialların, meşə materiallarının qurudulma-sı, həmçinin qazanlarda və onların üstündə taxta körpücüklərin quraşdırılması;
- yanacaq sistemində maye və ya qaz yanacağının sızmasına yol verilməsi;
- forsunkalar və ya qaz odluqları söndükdə yanacağın verilməsi;
- yanğın zamanı yanacağı qəza tutumuna ötürən qurğusu olmayan çənlərinin istifadəsi;
- qızdırıcı cihazların və isidici boru kəmərlərinin üstünə xüsusi geyimlərin, yağa bulaşmış par-çaların qoyulması.
2.5.7.17 Qazanın odluğunun eyni vaxtda qaz və neft qarışığı ilə, həmçinin qabaqcadan sudan və bərk qatışıqlardan təmizlənməmiş yanacaqla istismarı qadağandır.
2.5.7.18 Qazanları işə salmazdan əvvəl xidməti heyət qazan avadanlıqlarının istismara hazır olmasını, həmçinin işə salma qurğularının və yanacağın verilməsi üçün boru xətlərinin sazlığını yoxlamalıdır.
2.5.7.19 Yanacağın onun buxarlarının alışma temperaturundan yüksək temperatura qədər qız-dırılması qadağandır.
2.5.7.20 Çəndə yanacağın səviyyəsi nasosun qəbuledici qol borusunun yerləşdiyi səviyyədən 100 mm-dən az olduqda, havanın odluğa daxil olaraq partlayış təhlükəli qarışıq yaratmaması üçün çəndəki yanacaqdan istifadə etmək qadağandır.