99
St. localis. Epiqastral nahiyədə orta xətt üzərində 5,0X4,0X4,0 sm ölçülərdə şiş-
kinlik görünür. Şişkinlik üzərində dərinin rəngi adidir. Palpasiya zamanı şişkinlik qa-
rın boşluğuna düzəlir.
Klinik diaqnoz: Ağ xəttin yırtığı.
Əməliyyatönü hazırlıq ambulator şəraitdə aparıldığından standar laborator və
instrumental müayinələrdən sonra növbəti gün – 09.01.2010-cu il tarixdə ACSV şə-
raitində ümumi anesteziya altında standart troakar girişlərindən (yalnız 12 mm-lik
troakar göbəkdən 2 sm aşağıda yerləşdirilməklə) cərrahi əməliyyat – videoendosko-
pik TEP icra olunmuşdur. Yırtıq kisəsi hidroseparasiya edilməklə ayrılmış, möhtə-
viyyat və burulmuş yırtıq kisəsi qarın boşluğuna salınmış, üırtıq qapısı sellüloza ilə
örtülmüş polipropilen torla perimetr boyunca fasiləli tikilməklə qapadılmışdır. Diq-
qətli yerli hemostazdan sonra troakarlar xaric edilmiş, troakar nahiyələrinə dəriiçi
estetik tikişlər qoyulmuşdur.
Növbəti gün səhər saatlarında xəstə aktivləşdirilmiş, onun ayağa qalxmasına və
maye qəbuluna icazə verilmişdir. Əməliyyatdan sonrakı dövr sakit keçmiş, 2 gün
sonra 11.01.2010-cu il tarixdə xəstə kafi vəziyyətdə evə buraxılmışdır. Müalicə pro-
sesi ambulator şəraitində davam etdirilmiş, 1 həftədən sonra xəstə əmək fəaliyyətinə
başlamışdır. 2 ay və 1 ildən sonra xəstəyə baxılmışdır. Şikayətləri yoxdur.
Hər 2 plastika üsulunda protezin sancaqlarla fiksasiyası xeyli populyardır. Lakin
sancaqlarla fiksasiya zamanı damarların və sinirlərin zədələnmələri baş verir. L.
Campos, E. Sipes öncədən protezin kənarlarında deşik açmaqla sancaqların fiksasi-
yası nöqtələrini müəyyənləşdirirlər. D. Rosenthal və M.E. Franklin fiksasiya məqsədi
ilə adi tikişi daha məqsədə müvafiq hesab edirlər. A. Havasli göbələkşəkilli sintetik
protezə üstünlük verir. Protezin göbələk hissəsi yırtıq qapısını doldurur və implan-
tatın fiksasiyasına zərurət yaranmır. Trabucco (2002) sərt və qalın sintetik protez is-
tifadə etdiyindən ümumiyyətlə protezi fiksə etmir.
TEP zamanı biz sellüloza tərkibli tora üstünlük vermişik. Torun sellüloza ilə ör-
tülməsi toxumalar tərəfdən qıcıqlanmanı, müvafiq surətdə yerli eksudasiyanı aradan
qaldırır, və təbii olaraq seromaların inkişafı demək olar ki, baş vermir. Protezin qapı
100
ətrafına əllə tikilməsi tərəfimizdən daha məqsədəuyğun hesab edilmişdir. Bu bir
tərəfdən əməliyyat xərclərini azaldır, digər tərəfdən isə keyfiyyətli vizualizasiya
şəraitində mühüm anatomik strukturların zədələnməsi təhlükəsi aradan qalxır.
Sellüloza tərkibli torla endoprotezləşdirmədən sonra 1 xəstədə laparoskop üçün
istifadə edilmiş troakar yarası irinləmişdir (5,9%) (cədvəl 5.2).
Digər müəlliflərə görə də TEP-dən sonra irinli ağırlaşmalar 1-5,9% hallarda rast
gəlir
.
Cədvəl 5.2
Yırtıqların endoskopik total ekstraperitoneal
alloplastik plastikasından sonra baş vermiş yerli ağırlaşmalar
Ağırlaşmalar
Eksperitoneal
hernioplastika (n=17)
Müt.
%
Əməliyyat yarasının
infiltrasiyası
2
11,8
Əməliyyat yarasının
irinləməsi
1
5,9
Seroma
1
5,9
İşemik orxit
1
5,9
Cəmi
5
29,4
0,5-3 illik müşahidə müddətlərində residiv hadisəsi olmamışdır.
III qrupun xəstələrində yara nahiyəsində ağrılar, diskomfort hissi 3,2±0,6 gün
davam etmişdir.
Bu qrupda ümumi ağırlaşmalar 2 xəstədə (kəskin böyrək çatmazlığı – 1, mədə və
OBB-ın xora xəstəliyinin kəskinləşməsi – 1) rast gəlmişdir. Kəskin böyrək çatmazlığı
inkişaf etmiş xəstə nefroloqun tərəfindən müalicə olunmuş, xəstəliyin kompensasiya-
sı əldə edilmişdir. Digər xəstədə endoskopik müayinələrdən sonra xoraəleyhinə və
antihelikopter müalicə hesabına xəstəliyin remissiyasına nail olunmuşdur.
Stasionarda orta müalicə müddəti 3,0±0,7 gün (1-8 gün) təşkil etmişdir (p<0,05).
Bu qrupun xəstələrində tibbi və sosial reabilitasiya müddəti açıq atenzion plasti-
ka əməliyyatı keçirmiş xəstələrlə müqayisədə 2,5 dəfə qısa olmuş, xəstələr 2,7±0,4
həftədən sonra (1-4 həftə) əmək fəaliyyətinə başlamışdır.
101
H. Hoffman və Traverso 204 endoskopik TEP əməliyyatından sonra 1 xəstədə
42 ay müddətində residiv meydana çıxmasını müşahidə etmişdir. Riyazi proqnozlaş-
dırma üsullarına istinad etməklə bu müəllif 25 il ərzində residivlərin tezliyinin 1%-
dən çox olmayacağı ehtimalını irəli sürmüşdür.
Qarının ön divarının yırtıqlarına görə cərrahi əməliyyatdan sonrakı dövrün gedişi
açıq üsul ilə atenzion plastika əməliyyatından sonrakı dövrün aparılması digər gər-
ginlikli açıq əməliyyatlardan sonrakı gedişdən fərqlənməmişdir. Əməliyyat günü, bə-
zi hadisələrdə daha 1-2 gün narkotik, növbəti günlər qeyri-narkotik ağrıkəsicilər isti-
fadə edilmişdir. Əməliyyatdan 1 gün, kök və yaşlı xəstələr isə 2-3 gün sonra ayağa
qaldırılmışdır. İlk gün qidalanma təyin edilməmiş, yalnız az porsiyalarla maye qəbu-
luna icazə verilmişdir. Xəstələrin stasionar müalicəsi 3 gündən 14 günə qədər davam
etmişdir. Orta çarpayı günü 7,6±1,3 gün təşkil etmişdir.
TAP üsulu ilə atenzion plastika əməliyyatından sonrakı dövrün aparılması açıq
əməliyyatlardan sonrakı gedişdən yaxşı mənada xeyli fərqlənmişdir. Əməliyyat günü
1-2 dəfə qeyri-narkotik ağrıkəsici təyin edilmişdir. Gənc və cavan yaşlı xəstələr əmə-
liyyat günü ayağa qaldırılmış, onlardan 11-i həmin gün evə buraxılmışdır. Bu xəstələ-
rin müalicəsi poliklinika cərrahının və ya müalicə həkiminin nəzarəti altında ambu-
lator şəraitdə davam etdirilmişdir. Kök, yaşlı xəstələrə, yanaşı somatik xəstəlikləri
olan xəstələrə ilk 1-2 gün qeyri-narkotik ağrıkəsicilər təyin edilmiş, qidalanma tövsi-
yə olunmamış, yalnız maye qəbuluna icazə verilmişdir. Həmin xəstələr 1 və ya 2 gün
sonra ayağa qaldırılmış, 1-5 gün müddətlərində evə yazılmışdır. Xəstələrin ümumi
stasionar müalicəsi 0 gündən 5 günə qədər davam etmişdir. Orta çarpayı gün 3,6±1,3
gün təşkil etmişdir.
TEP üsulu ilə icra olunan əməliyyatdan sonrakı dövrün aparılması TAP üsulu ilə
əməliyyatlardan sonrakı gedişdən demək olar ki, fərqlənməmişdir. Əməliyyat günü 1-
2 dəfə qeyri-narkotik ağrıkəsici təyin edilmişdir. Gənc və cavan yaşlı xəstələr əməliy-
yat günü ayağa qaldırılmış, onlardan 13-ü həmin gün evə buraxılmışdır. Bu xəstələrin
müalicəsi poliklinika cərrahının və ya müalicə həkiminin nəzarəti altında ambulator
şəraitdə davam etdirilmişdir. Kök, yaşlı xəstələrə, yanaşı somatik xəstəlikləri olan
Dostları ilə paylaş: |