67
gələcək. Professorların qədəri artacaq. Əgər rektor sifətilə işləyə bilərsə yenə onu
seçərlər və ya seçməzlər. Üçüncü məsələ, qələbələrin professorlar şurasına daxil
olmaları haqqında idi. Məmməd Əmin və Malxazyan əfəndilər rədd edib əcayib
kimi göstərdilər. Zənnimə görə bu heç əcayib deyildir. İnqilabdan sonra tələbələrin
nümayəndələri universitet şuralarına girdilər. Bu şuralar tələbələri də idarə edirlər.
Tələbələri idarə edən bir cəmiyyətdə tələbələrin nümayəndəsi olmalıdır. Bunun nə
elmə nə fənnə bir zərəri olmaz. Tələbələr ilə professorlar arasında bir çox
mübahisələr və münaqişələr çıxa bilər. Bunların bətərəf edilməsi üçün tələbələrin o
cəmiyyətdə olması lazımdır. Budur ki, bu təklifə tərəfdaram.
Vanseviç - Rusca.
Sədr - Əliheydər Qarayev.
Qarayev - Vanseviç cənablarının fikrilə köhnə Nikolay ministrlərinin fikri
birdir. Onların da fikri Hər zaman bu idi ki, tələbələri şuraya buraxmaq olmaz.
studentlər şuraya girib mitinqlər açarlar. Xeyir, bizə Nikolay universiteti lazım
deyil. Bizə xalq universiteti lazımdır. Ancaq oraya soznaniya ilə gedirlər. Onlar öz
hüquqlarını anlayırlar. Siz Hərgah onları qovmaq istəyirsinizsə, o başqa məsələ.
Hər hal da tələbələr gərək bilsinlər ki, onların başında olanlar kimlərdir. Ola bilir
ki, sabah sovet qərar qoydu ki, zanyatiya saat doqquzdan 11-ə kimi olsun. Bəlkə
studentlər lazımdır, onlar dəırslərinin 5-də başlanmasını istəyəcəklər. Çünki çox
student öz məişətinin təmin etmək üçün kənar yerdə çalışacaq. Bu surətdə dərslərin
vaxtını təyin etmək məsələsində studentlərin iştirakı lazımdır.
İkinci təshihi səsə qoyuram. İkinci təshihin məzmunu budur: ―Rektor 3
sənə əvəzinə 2 sənə olsun‖ (Salonda danışıq) rica edirəm iltifat edəsiniz. (Səslər –
―Qara bəy danışığını qurtarsın"). Mən də gözləyirəm, söhbət qurtarsın. İkinsi
təshihin məzmunu belədir. Rektor 3 il əvəzinə 2 ilə seçilsin. Səsə qoyuram, kim
qəbul edirsə, rica edirəm, əlini qaldırsın. (Əllər qalxır). Kim əleyhinədir? (Əllər
qalxır). Kim səs verməyib? (Əllər qalxır). Lehinə — 13, əleyhinə 25, səs verməyən
— 4. Əksəriyyət rəy ilə təklif qəbul edilmir.
Üçüncü təklifi səsə qoyuram. Təklif budur: "Darülfünun rektoru,
professorlar şurası və tələbələr nümayəndələri iştirakilə intixab olunur". Səsə
qoyuram, kim təklifi qəbul edirsə, rica edirəm əlini qaldırsın? (Əllər qalxır). Kim
bunun əleyhinədir? (Əllər qalxır). Kim səs verməyib? (Əllər qalxır). Lehinə 5,
əleyhinə 34, səs verməyən 6. Əksəriyyət rəy ilə təklif qəbul edilməyir.
Sədr - İkinci babı, dördüncü maddəyə aid təshih ilə bərabər, komisyonun
qəbul etdiyi vəchilə səsə qoyuram. Kim qəbul edir, rica edirəm əllərini qaldırsın.
Kim əleyhinədir, kim səs verməyir. Ləhinə 25, əleyhinə 16, səs verməyən 4.
Əksəriyyət rəy ilə ikinci bab, dördüncü maddəyə aid təshihlə bərabər qəbul edilir.
Beş dəqiqə tənəffüs elan edəcəyəm. Böylə bir təklif var ki, maliyyə nəzarətinə aid
68
xırda qanunlarının müzakirəsi üçün, üçüncü bir məclisin olmasını tələb edir.
Divani-rəyasət bunu qəbul edib "seşənbə" günü olmasını təklif edir.
Səslər - Qəbuldur.
Sədr - Cümə günü hökumət dairəsində dəftərxanaların bağlı olacağından
Povestka olmayacaqdır. Beş dəqiqə tənəffüs elan edirəm.
Beş dəqiqə tənəffüsdən sonra
Sədr - İclas dəvam edir. Darülfünun nizamnaməsinin ikinci fəsli qəbul
edilib, mabədi pək uzun olduğundan gələcək iclasa tərk edilir. Növbəti məsələ
türkcə kitabların alınması üçün, hökumət tərəfindən bir milyon rüblə təxsisatın
buraxılmasıdır. Məruzəçi Əhməd bəy Pepinov.
Əhməd bəy - Məktəblərimiz milliləşəndən bəri gərək tədrisatı təqib və
gərəksə mütaliə üçün kitaba pək fəzlə ehtiyac vardır. Mətbəələrimizdə hürüfat və
kağız nöqsanı dolayısilə bir çox kitabların meydana gətirilməsi gecikmişdir.
Nəzarətin təşəbbüsilə meydana gətirilən təlif komisyonu lazımi kitabları
yetişdirmiş və bir qismdə təb olmağa başlamışdır. Halbuki bu kitablar
ümumiyyətlə dərs kitablarıdır milliləşmiş siniflərdə bərayi-mütaliə kitab yoxdur.
Olsa belə burada çap edilməsi mümkün deyildir, Tədarükə ehtiyac vardır. Məarif
nəzarəti məslisdən bir milyon rüblənin təsdiqindən keçib, sürətlə buraxılmasını rica
edir. Bu təşəbbüsün olmamasını iqtiza edərkən Hər nədənsə məarif nəzarəti əshəli
göstərmiş, pək sonra işə başlamışdır. Və yenə bu məbləğ türk puluna təbdil
edilməsi az bir yekun tutacaqdır. Məəmafe, biləxərə bu miqdar çoxaldıqca böyük
miqyasda kitablar cəlb ediləcəkdir. Alınacaq kitabların cins və miqdarları
müəyyənləşmişdir. (Oxuyur).
Məzkur kitabların bir qismi məktəblərə təqsim olunacaqdır. Gec olsa belə
qəbul edib, sürətlə kitablar cəlb edilməlidir. Demək məarif nəzarəti bu kitabları
fəqət bu il almağı təsəvvür edir.
Sədr - Qanun layihəsi qəbul edildimi? Layihəni oxuyunuz.
Əhməd bəy - Nəzarət tərəfindən verilən qanun layihəsi böylədir. (Katib
oxuyur).
Sədr - Bu xüsusda kim danışmaq istərdi? (Rusca). Danışmaq istəyən
olmadığına görə səsə qoyuram. Abdulla bəy Əfəndiyev.
Abdulla bəy – Necə ki, məruzəçi söylədi, bir milyon manat azdır. Fəqət,
biz onu artırmıyaq, qəbul edək. Mən təklif edirəm ki, xüsusi təşəbbüslərə yol
verilsin. Xüsusi adamlar gedib İstanbuldan kitab gətirsin. Hərçəndi ki, bəziləri
gətiriblər, fəqət olar çox azdır. Öylə bir yol aramalı ki, bu xüsusda təşəbbüs
edənlərin qolu bağlanmasın. Bəzi yerlərdə öylə mallar, mətalar var ki, dava
başlanandan sonra o malları ölü bir halda qalıb, orada satılmayır, işə keçməyir.
Məlumunuzdur ki, ipək barama qurdundan əmələ gələn bir şeydir. Baramadan