95
Ailənin dərdi-səri, qibtəyəlayiq ünsiyyəti, xoş güzəranı və el-obada nümunəvi həyat
tərzini sahmanlayır, nizamlayır. Ailə üzvləri arasında səmimiyyət çırağı yandırır. Ailə
üzvləri el anasına ilahi bir qüvvə kimi yanaşır, onu qəlbən sevir, bütün tapşırıqlarını
canla-başla yerinə yetirirlər. Belə nümunəvi ailə eldə-obada tanınır sayılır, seçilir. Üzü
ağ, alnı açıq, qəlbi təmiz, xətri əziz. Bu qəbildən olan ağbirçəklər Azərbaycanın hər
yerində yetərincə, istənilən qədər.
El-obada ağbirçək olmaq daha çətin, daha məsuliyyətlidir. Belə ağbirçəklərin
səlahiyyət dairəsi də genişdir, çoxşaxəlidir. Şərəfli adı qazananın ailəsi daha
nümunəvi, daha ehtirama layiq olur. Bu el anaları şenliyin bütün üzvlərini eyni gözdə
görər, eyni istəklə istəyər. Öz əməli, arzusu ilə seçilən bu ağbirçəklərin əməli saleh,
hökmü yenilməz, hünəri sevgi ilə qarşılanar. Özü bütöv, sözü bütöv ağbirçəklərin bir
baxışı, bir davranışı hər şeyi həll edər. Belələri əmin-amanlığı uca tutar, eli ellə
görüşdürər, arada inam, əqidə körpüsü yaradarlar. Dərdi qanan, dərdə yanan, kədəri,
sevinci yarı bölən olarlar. Vayda da öndə, toyda da öndə. Ağbirçəyin bir baxışında
dünya mənalanar, aləm şölə saçar.
Ailədə, el-obada sayılıb-seçilən, xalq arasında, ölkə miqyasında, bəlkə də daha
geniş ərazidə tanınan el anası tarixi şəraitdə, münasib məqamda öz şərəfli missiyasını
yerinə yetirir. Lakin bu çox çətin, müşkül və yüz ildən, min ildən birinə qismət olan
məsuliyyət və hünərdir.
Hələ çox-çox qədimlərdən bəşər tarixinin ibtidai icma quruluşu dövründə ana
əvəzsiz rol oynamışdır. Azərbaycanda təxminən 40 min il bundan əvvəl başlayaraq 6
min il bundan əvvələ qədərki geniş tarixdə qadınlar təkcə ailəyə deyil, nəslə, tayfaya
başçılıq etmiş, madərşahlıq dövrünü yaşamışlar. Analarımız barışmaz hücumlara sinə
gərmiş, amansız dəhşətlərlə üzləşmiş, çovğuna, borana, aclığa qarşı mübarizə aparmış,
qələbəni, yaşayıb-yaratmağı təmin etmişlər. Tayfa ləyaqətini qoruyan, vətən
təəssübünü çəkən analarımız yetərincədir. Qadınlar əmin-amanlığı, yaşayış tərzini
qoruyaraq təsərrüfat sahələrinin, maddi və mənəvi dünyamızın yaradıcılarından
olmuş, qəhrəmanlıq tariximizə işıq saçmış, bəzəmişlər. Qadın ilahiləşdirilərək el
anası, torpaq anası, vətən anası, ocaq anası, bərəkət anası, məhsuldarlıq rəmzi kimi
mənalandırılmışdır.
Tomris. Tarixin sonrakı mərhələsində qadın öz aparıcı rolunu qismən itirsə də,
ruhunu itirmədi, saxladı, yaşadı, yaratdı. Şərəfli adını, əməlini uca tutdu. Tariximizə
yaraşıq oldu, onu daha da zənginləşdirdi. Təkcə elə-obaya deyil, dövlətə də başçılıq
etdi. Dövlət başçılarına yol göstərdi, məsləhət verdi, əməlini, istəyini uğurladı. Dar
gündə, dar ayaqda arxa durdu, at belində qılınc-qalxan gəzdirdi, qanlı döyüşlərə atıldı,
qələbəni təmin etdi...
Qafqazın cənub yamaclarında qərar tutan Azərbaycanın qədim sakinləri
massagetlərin at minən, düşməndən qisas alan ağbirçək anaları olsa da, onların heç
biri Tomrisə bərabər olmamışdır. Ölkənin azadlıq çırağını yandıran, əmin-amanlığını
və müstəqilliyini qoruyan Tomris ana həmişə qələbə bayrağını uca tutmuşdur. O,
mübarizəli tariximizdə el anası, inadlı, cəsarətli sərkərdə, uzaqgörən diplomat,
96
təmkinli, tədbirli, inamlı hökmdardı...
Eradan əvvəl VI əsrin ortalarında neçə-neçə ölkələri fəth edən İran dövlətinin
başçısı Kir Tomrislə əlaqəyə girmək və massagetləri ələ keçirmək üçün hiyləyə əl atır.
Dul qadın Tomrislə həyat qurmaq istədiyini bəyan etsə də, rədd cavabı alır. Belə
olduqda Kir qəzəblənir, hədə-qorxuya əl atır və massagetlərin üzərinə hücum
edəcəyini bildirir. Tomris cavabında "Gəl bu işindən əl çək, öz dövlətinə şahlıq et və
bizim öz ölkəmizdə hökmranlıq etməyimizə paxıllıq eləmə... Əgər sən bizim
üzərimizə yürüş etmək həvəsindəsənsə, onda Araz çayı üzərində körpü saldırmağı
dayandır. Müqavimətsiz çayı keç, gəl ölkəmizə, biz çaydan üçgünlük məsafəyə geri
çəkilərik. Əgər sən bizi öz torpağına buraxmaq istəsən, onda sən də belə et". Ana səbri
tükənməz, ana hökmü yenilməz, nifrəti güclü, ana intiqamı sonsuz.
Şah, Tomris ananın bu məsləhətini və qənaətini eşidən kimi təşvişə düşür.
Əyanlarını başına toplayaraq məsləhət-məşvərət keçirir. Kir Araz çayını keçir və
hücuma başlayır. Hiylə nəticəsində Tomrisin oğlu, qoşununun sərkərdəsi Sparqapis
namərdcəsinə əsir alınır. Tomris ana "Qisası qiyamətə qoymazlar" inadını yaşayır. El-
obanı silaha sarınmağa, düşməndən intiqam almağa səsləyir.
Elin razılığı ilə öz carçılarını yenidən Kirin yanına göndərib dedirtdirir:
"Qaniçən Kir, bu hünərinlə öyünmə, şərab sənin də əqlini başından alar. Şərabın
təsirilə sərxoş olanda siz iranlılar da nalayiq sözlər işlədərsiniz. Sən mənim oğluma
döyüş meydanında mərdi-mərdanə, kişi kimi yox, zəhərin gücünə, hiylə ilə qalib
gəldin. İndi gəl mənim xeyirxah məsləhətimi dinlə: sən massaget qoşununun üçdə
birini namərdcəsinə məhv etdin, yaxşısı budur ki, oğlumu geri qaytar və nə qədər ki,
əlim dəyməyib sağ-salamatsan, üzüsulu mənim torpağımdan çıx get! Əgər
dediklərimə əməl etməsən, onda and olsun massagetlərin günəş tanrısına ki, nə qədər
acgöz olsan da səni qanla doyduracam".
Tomris dərhal qoşununu çəkdi, düşmən üstünə yeridi. Döyüşdə qan su yerinə
axdı. Tarixdə görünməmiş qırğınlar oldu. Bu dəhşətli döyüşdə massagetlər qələbə
çaldılar.
Kir döyüşdə həlak oldu. Qan çanağı qanda çatladı. Tomris Kirin cəsədini
basdırdı və onun başının şərab tuluğuna soxulmasını əmr etdi. Kirə istehza ilə dedi:
"Mən döyüş meydanında qələbə çalıb sağ qalsam da, hər halda sən məni məhv etdin -
oğlumu hiylə ilə əsir aldın. İndi bax budur aqibətin. Hədələdiyim kimi də edirəm:
"Səni qanla doyururam".
Minilliklərdən xəbər verən ilk orta əsrlərdə kamilləşən, dastanlaşan "Kitabi-
Dədə Qorqud" xalqımızın, türk dünyasının əzəmətli abidəsidir. Bu qəhrəmanlıq,
vətənpərvərlik çələngi ağbirçək analarımızın, qız-gəlinlərimizin etibar-ilqar ucalığı,
ismət, sədaqət örpəyidir. Dastanda ana övlad məhəbbətilə alışıb şölələnən şam-
çıraqdır, öyüd-nəsihət verən, kamala yetirən, düzgün, işıqlı yol göstərəndir.
Selcan xatun. Qanturalı boyu bəyan ediləndə qadının gözəlliyi, ağlı və
qəhrəmanlığı ilə bağlı çox mətləblər açılır, hikmət heyrətə qarışır. Selcan xatun
gözəldir, tədbirlidir, qorxmazdır, qəhrəmandır. Bu qız Qanturalı ilə birlikdə namərd