Bo’stonliq tumanidagi 4-umumiy o’rta ta’lim maktabi direktorining buyrug'i maktabning takomillashtirilgan namunaviy odob-axloq qoidalarini tasdiqlash to‘g‘risida

BO’STONLIQ TUMANIDAGI 4-UMUMIY O’RTA TA’LIM MAKTABI DIREKTORINING
BUYRUG'I


Maktabning takomillashtirilgan namunaviy
odob-axloq qoidalarini tasdiqlash to‘g‘risida

O‘zbekiston Respublikasining Konstitutsiyasi, “Ta’lim to‘g‘risida”, “Bola huquqlarining kafolatlari to‘g‘risida”, “Voyaga yetmaganlar o‘rtasida nazoratsizlik va huquqbuzarliklarning profilaktikasi to‘g‘risida”gi Qonunlari, O‘zbekiston Respublikasi Prezidenti Administratsiyasining 2023-yil 2-avgustdagi 17-1505-sonli va 2023-yil 24-iyuldagi 17-1439-sonli topshiriqlari hamda O‘zbekiston Respublikasi maktabgacha va maktab ta’limi vazirining 2023-yil 31-avgustdagi “Umumiy o‘rta ta’lim muassasasining takomillashtirilgan namunaviy odob-axloq qoidalarini tasdiqlash to‘g‘risida”gi 282-sonli buyrug‘i ijrosini ta’minlash maqsadida

BUYURAMAN:
1. Quyidagilar:

• 
  Maktab-internatning takomillashtirilgan namunaviy odob-axloq qoidalari 1-ilovaga muvofiq;
  
• 
  Maktab-internatning takomillashtirilgan namunaviy odob-axloq qoidalari bilan barcha ta’lim oluvchilar, ularning ota-onalari yoki boshqa qonuniy vakillari, pedagog va texnik xodimlarni tanishtirish varaqasi 2-ilovaga muvofiq tasdiqlansin.
  

2. Maktab direktorining ma’naviy-ma’rifiy ishlar bo’yicha o’rinbosari (X.Parpiyeva)ga:

• 
  Maktabning takomillashtirilgan odob-axloq qoidalari (keyingi o‘rinlarda - Qoidalar)ga izchil amal qilinishi ustidan qat’iy nazorat o‘rnatish;
  
• 
  Bir hafta muddatda maktabdagi barcha o’qituvchi - xodimlar, o’quvchilar va ularning ota-onalari yoki boshqa qonuniy vakillariga yetkazish va Qoidalarning maqsad va vazifalarini tanishtirish;
  
• 
  Qoidalarni maktab binosining ichki kirish (foye) qismiga alohida stend shaklida joylashtirilishini ta’minlash
  
• 
  Mazkur buyruq bilan tasdiqlanayotgan maktab-internatning takomillashtirilgan odob-axloq qoidalarini rasmiy veb-sayti va ijtimoiy tarmoqlardagi sahifalarida keng yoritish vazifalari yuklatilsin.
  

3. Ushbu buyruq qabul qilinishi munosabati bilan O‘zbekiston Respublikasi Xalq ta’limi vazirining 2022-yil 28-iyuldagi “Umumta’lim muassasaning ichki tartib va odob-axloq Qoidalarini yangi tahrirda tasdiqlash to‘g‘risida”gi 246-sonli buyrug‘ining 1-ilovasi o‘z kuchini yo‘qotgan deb hisoblansin.
4. Mazkur buyruqning ijrosini maktabning ma'naviy-ma'rifiy ishlar bo'yicha direktor o'rinbosari X.Parpiyeva va O’TIBDO’ K.Toshmetovalar zimmasiga yuklatilsin, nazorat qilishni o’z zimmamda qoldiraman.