212
T. Əbdülhəsənlinin «Osman Sarıvəllinin siyasi
lirikası» adlı məqaləsində isə müasir ədəbiyyatımızın
klassiklərindən sayılan şairin yaradıcılığı hərtərəfli
tədqiqat obyektinə çevrilir. O. Sarıvəllinin Cənub
şeirlərindən danışarkən müəllif qeyd edir ki, şairin
poeziyasına məxsus həyatilik, konkretlik, xəlqilik,
inqilabi ruh, haqq işi uğrunda mübarizəyə çağırış və
başdankeçərlik bu əsərlərin də lirik qəhrəmanını
səciyyələndirən başlıca amildir.
Kitabda haqlı olaraq o da vurğulanır ki, O. Sarı-
vəlli öz lirik qəhrəmanını ucalığa, ülviliyə, yüksəkliyə
qaldırmağı bacarır. Bir neçə onillik öncə yazılmış
«Misirli qardaşlar» poemasının lirik qəhrəmanı fikri-
mizə əyani sübut ola bilər. Əsər öz azadlıığı və istiq-
laliyyəti uğrunda döyüşən Misir xalqının müstəmlə-
kəçilərə qarşı ölüm-dirim mübarizəsinə həsr edilib.
Kitaba B.Vahabzadənin, C.Novruzun, S. Rüs-
təmxanlının, S. Tahirin, habelə müasir şeirimizin di-
gər görkəmli sənətkarlarının ictimai-siyasi lirikasına
həsr edilmiş ədəbi-tənqidi məqalələr, resenziyalar da-
xil edilmişdir. Bu məqalə və resenziyalar maraqla
oxunur, müəllifin tədqiqat obyektinə və siyasi lirika-
mıza dərindən bələdliyindən, təhlil imkanlarının ge-
nişliyindən xəbər verir.
Müəllifin 20 yanvar faciəsinə, qan yaddaşımıza,
azərbaycanlıların deportasiyasına həsr olunmuş yazı-
ları da maraqla oxunur və yadda qalır.
Bu da görünur onunla bağlıdır ki, T. Əbdülhə-
sənli qələmə aldığı mövzunu hərtərəfli öyrənmiş, bu
yanğını ürəyindən keçirmiş, sonra isə ağ vərəqlər üzə-
rinə köçürmüşdür.
213
Mən heç şübhə etmirəm ki, tədqiqatçı, jurnalist
T.Əbdülhəsənlinin bu kitabı oxucular tərəfindən
rəğbətlə qarşılanacaq və uğur qazanacaqdır. Tələbəmin
bu uğurunu qabaqcadan görürəm.
1998
214
BƏDİİ NƏSRİN
ANALİTİK TƏHLİLİ
Tədqiq olunduqca tükənməyən, daxili aləminin
dərinliyi ilə bəşər elminin, ədəbiyyat və incəsənətin
əzəli və ədəbi mövzularından olan insan konsepsiyası
zamandan-zamana adladıqca mürəkkəbliyini, ziddiy-
yətli dünyasını nəinki zəiflətmiş, əksinə daha da tək-
milləşdirərək aktual-bəşəri tədqiqat obyekti olduğunu
qoruyub saxlamışdır. 1960-1990-cı illər ədəbiyyatı,
xüsusilə bədii nəsrimiz bunu bir daha təsdiq etdi.
Zamanın tələbi, ədəbi-bədii inkişafın məntiqi davamı
olan 60-90-cı illər nəsri çevikliyi, həyata fəal və
prinsipial müdaxiləsi, ümumən forma və məzmun
təzəliyi ilə ədəbi-bədii qanunauyğunluğun tam yeni
faktı və xüsusi mərhələsi kimi sürətlə irəli çıxdı. Bu
az bir zaman kəsiyi «yeni-psixoloji nəsr» adını
qazandı və özünün orijinal dəsti-xətti, prinsipial
mövqeyi, kamil müşahidə qabiliyyəti olan nasirlərini
yetişdirdi. 50-ci illərdən başlayaraq ədəbiyyata gələn
yeni nəsr nümayəndələrinin özləri də kamil kəşflər,
eksperimentlər, uğurlar mərhələsinin nasirləri kimi
tanındılar. Mənəvi-əxlaqi dəyərlərə sahib olan pak
insan uğrunda axtarışlar 60-90-cı illər ədəbi
mərhələsini tam əhatə etməklə, həmin illərin nasirləri
üçün də aktual, əzəli və əbədi mövzu oldu. Bu nasirlər
kamil insan axtarışlarında prinsipiallıq, mövqe
möhkəmliyi, müşahidə sərbəstliyi nümayiş etdirdilər.
Böyük məsuliyyət hissi ilə milli dəyərləri, müasir
215
tələb və ehtiyacları, insanlıq qanunlarını, milli adət-
ənənələri əsas ölçü vahidi kimi önə çıxardılar, müasir
günləri düşünə-düşünə irəliyə – gələcəyə baxdılar.
Sənətkar bacarığı və imkanlarını Vətənə, ana dilinə,
türkçülüyünə, dininə və millətinə böyük məhəbbəti
olan insan axtarmağa və tapmağa yönəltdilər. Ədəbiy-
yata yeni ab-hava gətirən fədakar-kamil sənətkarlar-
dan biri də İsi Məlikzadə oldu. Bu gözəl yazıçı az
yaşadı, lakin zəngin bir ədəbi-bədii irs qoyub getdi.
Əlli hekayəsi, on doqquz povesti, iki romanı ilə 69-
90-cı illər nəsrində, ümumən Azərbaycan ədəbiyyatı
tarixində şərəfli bir yer tutdu. Geniş oxucu kütləsinin,
nəsr sevənlərin dərin hörmət və məhəbbətini qazandı.
Bu görkəmli nasirin ayrı-ayrı əsərləri haqqında qəzet
və jurnal səviyyəli bir neçə məqalə yazılsa da, çox
təəssüf ki, indiyə qədər onun yaradıcılığı sistemli,
ardıcıl şəkildə hərtərəfli tədqiqata cəlb olunmamışdır.
Nə yaxşı ki, müasir tənqid və ədəbiyyatşünaslığın
vəzifə borcu olan bu işi gənc istedadlı tədqiqatçı
Sevinc Abasova öz üzərinə götürdü, həm mərhum İsi
Məlikzadənin özünə layiq, həm də müasir filoloji
fikrin tələb və prinsiplərinə cavab verən gözəl bir əsər
yazdı. Bu monoqrafiyada yalnız İsi Məlikzadə irsi ilə
ətraflı – sistemli tanış olmaq üçün deyil, həm də 60-
90-cı illər nəsrinin aktual problemlərini, «yeni-
psixoloji nəsr» anlayışının məna və məzmununu,
xarakter və funksiyasını aydın dərk etmək, o illərin
ədəbi prosesi, nəsr mərhələsi haqqında tam təsəvvürə
gəlmək üçün zəngin material vardır. Başqa sözlə
desək, tədqiqatçı İsi Məlikzadənin bədii irsini ayrıca,
təcrid olunmuş şəkildə deyil, həmin dövrün bütöv
Dostları ilə paylaş: |