222
təsir daha güclüdür. Tədqiqatçı əvvəlcə ədibin xatirə,
nağıl, əfsanə, ümumən xalq ədəbiyyatı motivlərindən
geniş və səmərəli istifadəsindən, bu sahədə göstərdiyi
sənətkarlıqdan bəhs edir. Xüsusi məhəbbətlə yazır ki,
povestin ideal qəhrəmanı Gümüşgöldür, bir də insanın
varlığını, mövcudluğunu təyin edən, mənəvi kamilliyə işıq
salan məhəbbətdir. Bu tezis povestin təhlili boyu ətraflı
şəkildə şərh edilir.
Monoqrafiyada ədibin iki romanının təhlili xüsusi
yer tutur. «Alovlu qış» o zaman yazılmışdı ki, «sosialist
realizmi» bütün gücü, təsiri, bütün əzəmətilə fəaliyyətdə
idi. Buna baxmayaraq İsi Məlikzadə imkan daxilində bu
təsirdən qaça bilmiş, hadisə və obrazlara münasibətdə
milli mövqedə durmağa ciddi cəhdlər etmişdir. Bu cəhət
romanın bəzi obrazlarının təcəssümündə xüsusilə Xıdır
bəy surətində aydın nəzərə çarpmaqdadır. Torpaqları,
malı, mülkü əlindən alınmış Xıdır bəy bolşevikləri işğalçı
adlandırarkən o illərin reallığını əks etdirən tutarlı və
konkret faktlar gətirir. Sovet hökumətinə ümumxalq
nifrətinin səviyyəsini göstərən dəlillərlə çıxış edir: «...Bizi
yalquzağa döndərmisiniz, ev-eşiyimizdən didərgin salmı-
sınız... Məktəb elədiyiniz bərli-bəzəkli otaqlar mənim ata-
mındır. Onlar mənə də qalmalıdır. Atamın varisi mənəm,
Şura hökuməti deyil. Əgər mən bu hayıfı yerdə qoysam
heç Xıdır bəy deyiləm». Tədqiqatçı «Alovlu qış»dakı
surətlərin təhlilində xüsusi məharət göstərir. Həmid bəy,
Tərs Nəsib, Bəhlul Ziya, Məhbubə və digər obrazlar hissi,
idrakı səviyyəsi, təsir gücü böyük olan roman haqqında
xoş təəssüratlar oyadır. Tədqiqatçı məzmunlu, orijinal
təhlilləri ilə monoqrafiyada səliqəli bir sistem, tərz
yaratmışdır. Monoqrafiyada S.Abasova obrazlara yalnız
özlərinə gərəkli olan fərdi insanlar kimi baxmır, onları
həm də cəmiyyətə, yaşadığı günlərə aydınlıq gətirən canlı
223
varlıqlar kimi qiymətləndirir. Göstərir ki, «O illər üçün
tipik olan Tərs Nəsib İsi Məlikzadə yaradıcılığında bir növ
təzə surətdir. Bu obrazla bağlı yazıçı mövqeyi aydındır,
hətta realist final da məlumdur. Obrazın həyat tərzini,
hissi, idrakı düşüncələrini əsaslandıra bilən səhnələrin
təsiri də oxucunu qane edir, inandıra bilir. Yazıçı Tərs
Nəsibin xarakterini açmaq üçün seçdiyi həyat materialının
özünü də kənd insanlarının adət-ənənələrindən, Daşlığın
təbiəti və şəraitindən, o illərin gərgin, dramatik
vəziyyətindən təcric olunmuş şəkildə deyil, məhz ümumi
kənd psixologiyası ruhunda, ictimai siyasi hadisələrin
əhatəsində götürür, Nəsibin «tərslik» mövqeyinə çatana
qədərki həyat tərzini real boyalarla əsaslandıra bilir. Nəsib
bir növ öz tərsliyi ilə mühitə, mövcud şəraitə nifrət edən,
özünün, ailəsinin məhvi ilə cəmiyyətdən intiqam almaq
istəyən, daxilən ikrahçı, inkarçı və üsyançıya çevrilən
insan tipinin yeni faktıdır».
«Alovlu qış»dan bəhs edən tədqiqatçı romanla
bağlı deyilmiş iradlara da yüksək mədəniyyətlə
münasibət bildirir. Fikirlərini əsaslandırmaq üçün
konkret faktlar gətirir, inandırıcı müqayisələr aparır.
Tədqiqatçı romanın nöqsanlarını deyərkən reallığa,
düzlüyə istinad edir. Hissiyata qapılmadan, eyni
səviyyədə əsərin nöqsan və məziyyətlərini qeyd edir.
«Qırmızı yağış» romanından da eyni məhəbbət
və prinsipiallıqla danışır. Roman sadə zəhmət adam-
ları haqqında yazılan ibrətamiz dastanlara bənzəyir.
İsi Məlikzadə insan - iş - əmək - zəhmət - təsərrüfat -
məşğuliyyət məsələləri ilə bağlı düşüncələrini, dövr,
zaman, şərait anlayışları süzgəcindən keçirərək
ümumiləşdirməyə çalışır. Babalardan oğullara,
oğullardan nəvələrə keçən və bu minvalla davam
224
edən, yaşayan, inkişaf edən həyat gedişatı haqqındakı
mülahizələrini Yaşılxan dədə, Ələm, Umud, Əhəd və
digər obrazlar vasitəsilə oxucularına çatdırır. Təd-
qiqatçının məharəti ondadır ki, o, ədibin bu məqsəd
və qayəsini dərindən duya bilmiş, təhlillərini həmin
istiqamətə yönəltmişdir. Odur ki, monoqrafiyada
«Qırmızı yağış»ın təhlili öz orijinallığı, dil-üslub
aydınlığı, müəllifin hökmlərinin məntiqliyi ilə diqqəti
cəlb edir.
Tədqiqatçı «Qırmızı yağış»dan çıxış edib İsi
Məlikzadənin «insan və təbiət»lə bağlı mövqeyini
düzgün şərh edir. Haqlı yazır ki, «Romanda Yovşanlı
kəndi, Çalbayır yaylağı, Fərməs təpəsi, Yüzbulaq,
Murad təpəsi, Xanım dərəsi, Qarqar çayı və s. haq-
qında ədibin izahatlarında kəndə, torpağa, el-oba
adətlərinə, qədim yurd mədəniyyətinə bağlılığı,
məhəbbəti açıq hiss olunur. Ələmin Tanrıquluya
dediyi «Mayamız orada tutulub...» fikrində çox
mətləblər gizlənir».
Monoqrafiyada xüsusi məhəbbətlə işlənmiş
fəsillərdən biri İsi Məlikzadənin sənətkarlığından bəhs
edən hissədir. Bu hissə öz orijinallığı, lakonikliyi,
elmi-nəzəri səviyyəsilə diqqəti cəlb etdiyi kimi,
poetika məsələlərinə yeni, müasir baxış, ümumən
sənət və sənətkarlıq baxımından da aktual səslənir.
Tədqiqatçı
İsi
Məlikzadənin
nəsr
dilindən,
üslubundan ədəbi-bədii kateqoriyalara, müasir filoloji
fikrin tələblərinə əməl və riayət etməklə danışır. Onu
60-90-cı illərin ən uğurlu nəsr dillərindən, ən kamil
bədii üslublardan biri hesab edir, İsi Məlikzadənin
zərif, incə, ovsunlu, möcüzəli nəsr dilinin sehrindən
Dostları ilə paylaş: |