Fuad MONDİQOVIJ
Oqarde bə dumo, şe bə
fındıxə toğon bıni diyə
kardışe, vəyən nıbe, sape
beşeyədə bə tənuyəsə tərəf
odyəsəy, çiçsə bəçəy çəşi qıni,
oqarde bə tənuyəsə dılə
dəşeyədəy vindışe şılə suk
bə kəməyə olxartə, səşən noə
zəminisə, əncəx arədə dıqqəy
doydə, rərə Kinəbaci xaləku
vanq kardışe:
- Ha ina, ha ina, suk ənəy
ijo, əncəx lıve zınedəni.
Kinəbaci xalə ğırbəğədə şe
bə tənu səmt, sukı rost kardışe,
vindışe suki qıy çəy amisə
mandəni, bəçəy sinəpori dast
dəsuyəşe, vindışe soxə mori
həyvonı çı sinəpori jiyədə
tıkniyəşe.Votşe:
- İnə bəştı ğıbon Ğədır,
çımi qujdi harde əbıni, bıdə
çımi con beşu, bıbə dədə
dəkand, nığıl dəkandiş bıdə
rıvos otırne nızno, peşo
pebəmujye bome əmandə
kaqonən bəba.
- Çok inə, bıdə bəmı bıbəm
dəkandom, həni lıvedəni,
məvuji conış beşe.
Qədiri suki leş səşe moəku,
kurəkiyən peqətşe, eşe bə də
kəno, suki nığıl-nığıli
dəkandışe, qıləyən yolə sığ
noşe çəy səpe, oməy bə kə.
Bə so rəseyədə vindışe pə
omə, soədə de moə bə qəpin.
Qədır nez be, bə pə səlom
doşe, həni çəvon tono
nımande, şe dəşe bə kə, nışte
bo dərson hande. Mirzəğə
mamu əhvoloti məse bəpeşt
nışte i iskan çay peşoməşe,
çəğın əşte, bə Kinəbaci xalə
votşe:
- Beyqəğə kinə, mı şedəm
bə di, hələ bunum ruşinfikon,
siprişə merdon bımi çiç
votdən, oxoy qıləy robino
bənonəni boəmə, çənə bəçəmə
ıştəni zəfo rəsəni, bıdə qıləy
fik bıkəmon bomi.
- Çok, bışi, azən həni diye,
bo şanqonə eramə (kartof) sı
bəkam, moğnə kukuən bəkam
bo səmbonəro.
- Lap çok,çan vaxte kuku
hardənim.
Mirzəğə mamu beşe bə di
miyonə, məktəbi vədə xəyli
piyəmerd qırdə bəbe, nez be
bəvon, de ədəb-ərkoni səlom
doşe, cəvob səşe, çəğın bə
əhvoloti boəvon qəp jəşe,
piyəmerdon ıştə səşon
oşandışone, çəvonədə i kəs
votşe:
- Balə, ıştı kamə əji (sin)
ni, ıştı rəhmətdiqə pə çı dınyo
ə dimiyən zınedəbe, tı çoknəçi
bə zınəni ki, kəy mori kışte
əbıni.
Mirzəğə mamu sə
enovnişe saru, votışe:
- Əmə zınedəbimon, bə
əğlonmon bə həxədə hiçi votə
nıbe.
Piyəmerdonədə həməysə
sinədə yolə İsrafil mamu
damə be, votşe:
- Balə bəçmı həsuyə sə
jıqo çı oməbe, bə vaxti
siprişon bə jıqo ğəror oməbin
ki, bə ha mori qornə qıləy
ğıbon kışte lozime. Jəqoşonən
karde, peşo ə moron bə çəş
nıçiyəyn.
İsrafilə mamu sıxan bə
Mirzəğə mamu səy nışte, xəyli
sıxan karde bə peşt oməy bə
kə. Siprişon votəyon bo
Kinəbaci xalə votşe. Bə
Kinəbaci xalə səyən nışte
yolon votə qəp, oxo əvən
Xıdo zınə odəmbe, nımoj
əvotbe, votşe:
- Merd, çəmə co romon
ni, Xıdo nuşo nıdə, maştə bə
əğlon, bəmə qıləy zəfo
bərosnen, çəy pəşimonəti
bəkəşemon. Çiç kardəş bıkə,
çan qılə ğıbon lozime
bıkıştəmon, əncəx bə çəmə
balon, bəmə hiçi nıbu.
Mirzəğə mamu xəyli bə
fik şe, peşo votşe:
- Beygəğə kinə, rost
votedəş, bışum çı qələvonə
Şamradi kəy, hələ bunum
bəmı bəzne gıbonə ğuçon
doy, çəy puli vırədə bəy
qandım bədomon.
- Çı curnə çok bəbe, jəqoən
bıkə merd. Əməni çı bəloku
iqlə Xıdo bəroxne.
Qədə-qədə toyki bedəbe,
Mirzəğə mamu dəro qıni, şe
bə qələvonə Şamradi kəy
tərəf.
Vindışe qələvoni kəşon
bınədə dıqlə və eşedə bəştə
kəy tərəf. Səlom doşe,
mubarəkbə votşe, çəy bə peştə
mori əhvoloti boəy qəp jəşe.
Qələvonə Şamradı zıvelə sırə
kardışe. Jeni maştəvonə qəp
jə han bəçəy yod oməy.
Maştəvo qələvonə Şamradi
xıyzon əştəcəğın əvış vanq
kardəbe, ıştə vində hani boəy
qəp jəşbe. Hanədə vindəşbe
Mirzəğə mamu rəhmətdiqə
pə çəvon vəyədə bəvon bə
ğarz doə 10 qılə ğuçı bə dumo
oqıdıne rico kardə.
Şamradə mamu votşe:
- Amyəzo, bə qələdə çənə
pəs heste, həmə bəşmə
ğıbone, çan qılə pidə boy
bıvıjın, bıbə, ıştı rəhmətdiqə
pə çımı vəyədə bəmə yolə
hurmət kardəşbe, ım ruj
maştəvo de jeni bə ğəror
oməbimon ki, rəhmətdiqi
bəmə vəyədə bə ğarz doə
ğuçon oqırdınəmon, həlol
xoşiyən bıstənəmon, tı bə hiç
çı qornə norohət məbi, maştə
çəsəyədə Kəmali de Vuqar
pebəqətem, da qıləyən ğuç,
bəvam bəşmə so. Çəvonədə
7-qılə ğıbon bəkıştemon,
əqəm bıpiyo çə seqlə ğuçi
vırədə bətı qıləy duşoə
zandəqo bədom, nıpiyo əv
ıştı koye.
Mirzəğə mamu zıvon qətə
bəbe, ıştənən mandəbe,
zınedənıbe çiç bıvoto. Iştən
bəştə votışe: “çoki hiç vaxti
gin bedəni, odəmi dıl bəpe
hıvuj bıbu, Xıdo bə həməy
dıli qornə bıdə”, bə Şamradi
ve səğobi votşe, beşe şe bə
məllo Mədətmon kə, məlloşən
peqəte şen bə ğəvıston, boştə
rəhmətdiqə pə yasin doşe
hande, çəğınən oməy bə kə.
Əhvoti bo Kinəbaci xalə qəp
jəşe, Kinəbaci xalə çəşon pur
ben, ıştə daston rost kardışe
bə həvo, votşe:
- Az zınedəbim yolə Xıdo
əməni noyloc onibəqəte, şukur
bə Xıdo məsləhəti.
Rəyrə əğlon vanq kardışe,
şoyə xəbə doşe bəvonən.
Qədir şoyşoku bəme-bəme
Qulnozi dəvənqo qətşe, votışe:
- Hovə çəmə ijənən mol-
mon bəbe, qədə quqiyən de
çəy şıti yol bəkamon.
Kinəbaci xalə şoyşoku
rəyrə dastəxon oğandışe,
şanqonəş noy, əğlonən vanq
kardışe, nıştin şanqonəşon
harde. Peşo bə Ğədıri votşe,
- İnə bəştı ğıbon, bışən
bıhıtən, maştə çəsəy ğıbonon
bəkıştemon, şımənən bəpe
bəyştişon.
- Çok inə, əmə şemon bo
hıte, çəsəy hukman əməni
pekəyşon ha.
- Şəvon bə xəy, inə bəşmə
ğıbon, çok pebəkam.
Əğlon hıtin, Mirzəğə
mamuyən ve oqniyəbe, səy
noyn cəğın hani əvış barde.
Kinəbaci xalə xəyli ıştə
yonqoədə cəzə-vəzə kardə
bəpeşt, hani əvşən barde. Şəvi
i aləmbe, Mirzəğə mamu təşi
qətəşbe, qədə-qədə əşte şe çı
vedrəku i iskan ov peqəto,
vedrə qəvış pedoy, i iskanış
ov peqəte qəvisə noşe,
iberdəmədə Kinəbaci xalə
zikkə sədo oməy, vite bə xonə
tərəf, vindışe Kinəbaci xalə
ak-ovi dılədəy, nəfəsış
dəmandə.
- Çiç bə kinə, hanı vinde?
- Ha,bəmı i iskan ov bıdə,
çımı dıl larzedə. Mirzəğə
mamu rəyrə i iskanış ov varde,
doşe bə Kinəbaci xalə.
Kinəbaci xalə peşoməşe
ov, qədəy bəştə oməy, əşte
səpo, beşe bə daşt, çı ovi
qrantış vadoy, dəmande bo
ovi ıştə hani qəp jəy, orıxnişe,
çəğın oməy bo Mirzəğə ma-
muro ıştə han qəp jəşe.
- Merd, hanədə bənem
Şamradi vardə ğuçon səhətən
çı moron, mınən tarsəym,
votem birdəm mor əvoniyən
bəje, əve zikkəm jəy.
- Mətars, İnşaallah çə mo-
ronku çəmə con bərəxe.
Sipyə sıvedəbe, Kinəbaci
xalə beşe bə bi, ikərən pəsə
sədo bəçəy quş oməy, odyəsəy
vindışe qələvonə Şamrad
deştə dıqlə zoə, ğuçon
lınqonşon bastə bə yəndı,
qıləyən bozə zandəqo de ququ
danəşon kardə, dəşedən çı
bəleto bə so, rəyrə Mirzəğə
mamuşən vanq karde,
əğlonşən pekarde, beşen bə
so.
Şamradı sədo məholış
eqətəşbe, zu-zuynə votedəbe:
- Amyəzo, Xıdo gəbul bıkə
İnşallah ıştı ğıbonon,
zandəqoən de balə xəyrin
bıbu, mubarəke.
Mirzəğə mamuyən boəvon
dıvo-səno kardışe, Ğədir de
Qulnozi bo pəre mandəbin.
Ğıbonə ğuçonşon kışte,
baxşəşon karde. Ğədiri
hamsiyə əğlonədə vanq
kardışe, baxşonşon bə soybon
rosnişone, soədəşonən kəbob
jəşone, hardeşon karde, çəy
bə peşt qələvonə Şamradi ıştə
zoon peqətşe, həlol xoşone
doşone bə yəndı, şen bəştə
kə.
Çə rujnəku çı moronku hiç
sədo-sorəx benışe, Kinəbaci
xalə qədə quqşən de bozə
zandəqo şıtiş yol karde, bo
Ğədıriro ğıbon kıştışe. Ğədiri
noxəşiyən qədə-qədə dəvarde
de Xıdo koməqi. Im əhvolotən
de xəy səloməti bə sə rəsəy.
Òÿ ñèñ ÷è:
Ðàôèã Úÿëèëîâ
Òåë.:+99470 610-23-16
Å-ìàèë: celilovrafiq@mail.ru
Ãÿçåòèí åëåêòðîí âàðèàíòûíû
rafiqcelilovunblogu və
azeri.lt
ñàéòlarûíäà îõóéà áèëÿðñèíèç
Ðåäàêñèéàíûí öíâàíûíà
ýþíäÿðèëÿí ÿëéàçìàëàð
ìöÿëëèôëÿðÿ ãàéòàðûëìûð âÿ
ìÿòíëÿðÿ ðÿé âåðèëìèð.
Ôàêòëàðà ýþðÿ éàëíûç ìöÿëëèôëÿð
ìÿñóëèééÿò äàøûéûðëàð.
Ìöÿëëèôëÿðëÿ ðåäàêñèéàíûí
ìþâýåéè óéüóí ýÿëìÿéÿ áèëÿð.
Ãÿ çåò ßä ëèé éÿ Íà çèð ëè éèí äÿ
ãåé äÿ àëûí ìûø äûð.
Ãåéäèééàò íþìðÿñè:3462
Òèðàæ: 1000
Öíâàí: ÀÇ1000
Áàêû Ìÿðêÿçè ïî÷ò ÏÃ 39
De
Xıdo
nomi!
ТОЛышОн
ÑßÄÎ
¹ 08 (101) 06 dekabr 2017-íÿ ñîð ÌÖÑÒßÃÈËß ÐÓÆÍÎÌÀ
KƏY MORİ HEKOYƏ
(seminə poə)
Tı hələən bə rujnomə dastək bə niş?
Be pidəsə ım çəmə hisob numrəye:
Bank “BTB” ASC-nin Gənclik-2 şöbəsi
Kod: 510158
M/H: AZ13NABZ01350100000000093944
SWIFT: BBTBAZ22
Cəlilov Rafiq Şahrza oğlu
Hesab nömrəsi:
BBTA41010944079777000011