107
KORONAR ŞUNTLAMA CƏRRAHİYYƏSİNİN TEXNİKİ
ASPEKTLƏRİ
1967-ci ildə Favoloro tərəfindən böyük dərialtı venanın (vena saphena maqna) ürək
cərrahiyyəsində bir qreft olaraq istifadəsinin mümkün olması açıqlandıqdan sonra aorto-
koronar şuntlama əməliyyatının tətbiqi dünyada sürətlə yayılmağa başladı. Müxtəlif
mərkəzlərdə aorto-koronar şuntlama əməliyyatları icra olundu. O vaxtdan bugünə qədər
bu əməliyyatın əsas texniki aspektləri eyni qalsada, icra metodlarında, qreftlərin növlərində
və istifadə olunan texnologiyalarda xeyli dəyişikliklər olmuşdur. Bunların sayəsində
günümüzdə aorto-koronar şuntlama əməliyyatı ürək cərrahiyyəsində rahatlıqla icra oluna
biləcək əməliyyatlardan biri olmuşdur. Əməliyyatın mahiyyəti xəstələrin yaşam
keyfiyyətini yaxşılaşdırmaqdır. Texniki baxımdan isə mənbəyini aortadan və ya aortanın
şaxələrindən (əsasən daxili döş arteriyasından) alan bu qreftlərlə daralmış tac arteriyalarda
yenidən qan təchizatını bərpa etməkdir. Əməliyyat ürək komandası tərəfindən icra olunur.
Buraya ürək cərrahı, perfuzionist, anestezioloq və köməkçi tibb personalı daxildir. Hal-
hazırda icra olunan koronar şuntlama əməliyyatları ürək durdurulmaqla və ya döyünən
ürəkdə icra olunmaqdadır.
Əməliyyat otağının təşkili
Əməliyyat otağı xüsusi havalandırma sistemi (laminar axın) ilə təmin olunmuş və
geniş olmalıdır (55-60 m²) (Şəkil 1). Əməliyyatxanada süni qan dövranı (SQD) aparatının
quraşdırılması üçün şərait olmalıdır
.
Şəkil 1. Müasir ürək-damar cərrahiyyəsi əməliyyatxanası
Xəstənin əməliyyatxanada hazırlanması
Xəstə əməliyyat masasına arxası üstə uzadılır.Qolları bədənə paralel qoyulur.
109
Müasir koronar şuntlama əməliyyatlarında qızıl standart sayılan sol daxili döş
arteriyası ( Left Internal Mammarian (Thoracic) Artery) hazırlanır. Xəstədə istifadə
olunacaq digər qreft və ya qreftlər (vena safena magna, mil arteriyasıvə s.) yardımçı cərrah
tərəfindən hazırlanır. Xəstənin çəkisinə uyğun heparin vurulduqdan sonra perikard
koaqulyator ilə açılır.Ardınca qalxan aortaya 2/0 etibond və ya prolen sap istifadəsilə kisə
ağzı tikişlər qoyulur, sonra sağ atriumun appendiksinə kisə ağzı tikiş qoyulur. Qalxan
aortanın ən qabaran yerinə anteqrad kardioplegiya üçün və sağ qulaqcığa retroqrad
kardioplegiya kanyulası üçün prolen sapla fiksəedici tikişlər qoyulur.
Əvvəlcə arterial kanyula qalxan aortaya yerləşdirilir və kanyula üzərindəki xüsusi
dəlikdən hava çıxarılaraq xüsusi borularla SQD cihazına birləşdirilir. Sonra sağ qulaqcığa
venoz
“two
stage”
kanyula
(2 səviyyəli kanyula) yerləşdirilir, aortaya anteqrad kardioplegiya kanyulası qoyulur və sağ
qulaqcıqdan koronar sinus içərisinə retroqrad kardioplegiya kanyulası yerləşdirilir.Bu
xətlərin təzyiqi monitorizasiya olunur. Bütün hazırlıqlar bıtdikdən sonra xətlərdəki hava
olmadığından əmin olunur və perfuzionist tərəfindən hazırlığın tam olduğu yüksək səslə
bildirilir.Yardımçı cərrahın hazırladığı digər transplantat(lar)ın şaxələri təkrar kontrol
olunur, ehtiyac olarsa metal klipslərqoyulur.
Ardınca cərrahın göstərişi ilə süni qan dövranı başlanır. Aortaya çəp sıxıcı (kros
klemp) qoyulur, kardioplegiya verilərək ürək diastol fazasında dayandırılır. Planlaşdırılan
distal anastomozlar icra olunur, sonuncu olaraq DDA – sol ön enən arteriya anastomozu
icra olunur və çəp sıxıcı açılır. Koronar damarlara həm DDA-dan, həm də tac damarlardan
gələn qan hesabına ürək spontan işləməyə başlayır.Sonra qalxan aortaya kənari sıxıcı
qoyulur .Xüsusi dəlici alətlə qalxan aortada diametri 4,0-4,5mm ölçüdə dəliklər açılır və
proksimal anastomozlar icra olunur. Bununla da koronar revaskulyarizasiya tamamlanmış
olur.
Növbəti mərhələdə uyğun laborator və fiziki göstəricilər kontrol olunur və ürək-
ağciyər aparatının işi mərhələli dayandırılır.Cərrahi qanama kontrolundan sonra
dekanyulyasiya (kanyulaların aortadan və sağ qulaqcıqdan xaric edilməsi) icra olunur.
Heparinizasiya protamin sulfatla neytrallaşdırılır. Döş qəfəsinə drenaj boruları qoyulur və
sternum metal məftillərlə sıxılır. Uyğun qaydada cərrahi yara tikilir.
Koronar şuntlamada istifadə olunan qreftlər
(konduitlər və ya şuntlar)
Qreftlər arterial və venoz olmaqla 2 qrupa ayrılır:
1. Venoz konduitlər (BDV – böyük dərialtı vena)
2. Arterial konduitlər (DDA – sağ və sol daxili döş arteriyaları, mil arteriyası,
qastroepiploik arteriya)
BDV (Böyük Dərialtı Vena) hazırlanması