Sahə konvergensiyası
. Əvvəllər sahələrin sərhədləri dəqiq müəyyən
olunmuşdu və bir sahədə istehsal edilən məhsul digər sahələrdə istehsal
edilmirdi. Hər bir məhsulun konkret sahə mənsubiyyəti mövcud idi. Son
dövrlərdə sahələrin sərhədləri sürətlə pozulmağa başlamış, artıq bir sahədə
istehsal edilən məhsul digər sahələrdə də istehsal edilməyə başlamışdır,
Belə bir proses müəssisələrin fəaliyyətinə müsbət təsir göstərmiş, onların
biznes fəaliyyətinin inkişafı üçün geniş imkanlar yaratmışdır.
Dünya iqtisadiyyatda, informasiya və kommunikasiya texnologi-
yalarında baş verən dəyişikliklər istehsal - satış proseslərini həyata keçirən
müəssisə və təşkilatların fəaliyyətində də ciddi dəyişikliklərə gətirib
çıxarır, onları yeni, daha səmərəli strategiyalar və metodlar tətbiq etməyə
196
sövq edir. Köhnə iqtisadiyyatda mövcud olan xüsusiyyətlər, prinsiplər,
problemlərin həllinə yanaşma tərzləri də dəyişir və bu dəyişikliklər yeni
iqtisadiyyatın formalaşmasına gətirib çıxarır.
Yeni iqtisadiyyatın tələblərinə uyğun olaraq fəaliyyətlərini həyata
keçirən firmalar ənənəvi prinsipləri, metodları qoruyub saxlamaqla yanaşı,
yeni düşüncələri, bilik və bacarıqları mənimsəməyə, yeni metodlar,
strategiyalar tətbiq etməyə çalışırlar.
Yeni iqtisadiyyatda istehlakçıların davranışında da ciddi dəyişikliklər
baş verir. Mövcud bazarlarda fəaliyyət göstərən istehlakçılar ənənəvi
istehlakçılara, əmtəəni əsasən İnternet şəbəkədən əldə edən istehlakçılara
və hər iki üsuldan istifadə edən istehlakçılara çevriliriər. Birinci tip
istehlakçıların sayı getdikcə azalır, ikinci və üçüncü tip istehlakçıların sayı
isə durmadan artır. Əmtəə alışını həm ənənəvi, həm də internet - şəbəkə
vasitəsilə həyata keçirən istehlakçıların sayı daha sürətlə artır. Bunu nəzərə
alaraq, bu gün əksər firmalar həm ənənəvi, həm də onlayn bazarlarda
fəaliyyət göstərməyə üstünlük verirlər. Onlayn bazarlarda fəaliyyət əsasən
e-biznes, e-ticarət və web-saytlar formasında həyata keçirilir.
Dünya bazar sistemi, o cümlədən informasiya və kommunikasiya
texnologiyaları sürətlə inkişaf etməkdə, təkmilləşməkdədir. Bu proses, öz
növbəsində, marketinqin kommunikasiya sisteminin dəyişməsini, dur-
madan təkmilləşdirilməsini tələb edir. Artıq istehlakçılar öz maddi ehtiyac-
larını ənənəvi üsullarla, mağazalara gedib mal almaq qaydasında ödəməklə
kifayətlənmirlər. Onlar üçün kompyuter arxasında əyləşib hər hansı bir
mağazanın saytını açmaqla lazım olan malı almaq daha maraqlı görünür.
Eyni zamanda qeyd etmək lazımdır ki, marketinq üzrə mütəxəssislər
və menecerlər reklam tədbirlərinin effektliyinin getdikcə aşağı düşməsinə
diqqət yetirməyə başlamışlar. Bu da kommunikasiya sisteminin digər
elementlərinə diqqəti artırmış, onların tətbiqi üzrə həyata keçirilən
tədbirlərin səmərəliliyini xeyli yüksəltmişdir.
Kommunikasiya sisteminin müxtəlif elementləri üzrə informasiya
axınının güclənməsi, yeni informasiya yayımı formalarının meydana
gəlməsi, xüsusilə də İnternetin bu sistemə daxil olması kommunikasiya
sisteminin dəyişməsi meyillərini gücləndirmiş, yeni, işgüzar kommuni-
kasiyanın müasir sistemlərinin yaranmasına və tətbiq edilməsinə ciddi
təkan vermişdir.
Bu gün interaktiv marketinq kommunikasiya sisteminin ayrılmaz
hissəsinə çevrilmişdir. Əlbəttə, bu, başadüşüləndir. Çünki məhz İnternet
197
marketşünaslara məqsədli auditoriyaya daha yaxın olmağa, hər bir istehlak-
çının evinə daxil olmağa imkan verir, daha effektli kommunikasiya tədbiri
kimi çıxış edir. Mütəxəssislər yaxşı bilirlər ki, istehlakçılarla əlaqə nə qədər
yaxın, birbaşa olsa, onun effektliyi də bir o qədər yüksək olar, informasiya
ötürülməsi yolunda mövcud olan xətalar xeyli azalar. Ən vacibi odur ki,
İnternet məqsədli auditoriya barədə lazım olan zəruri informasiyanı
asanlıqla əldə etməyə imkan verir.
Hər bir biznes fəaliyyətində inkişaf strategiyasını müəyyənləşdirər-
kən İnternetdən istifadə edilməsi ən vacib problemlərin həllində o qədər
yeni, analoqu olmayan kommunikasiya formaları və sxemləri yaratmağa
imkan verir ki, bəzən, hətta firma rəhbərləri, marketşünaslar, mütəxəssislər
belə çaşıb qalırlar.
Hal - hazırda bir çox firmalar İnternet - bizneslə məşğul olmağa,
elektron ticarəti metodlarını tətbiq etməyə çalışırlar. Lakin bunu hansı
formada tətbiq etməyi müəyyənləşdirmək olduqca çətindir.
İnternet - biznes marketinqinin əsas xüsusiyyətlərindən biri istehlak-
çılara istiqamətlənən strategiyanın tətbiq edilməsidir. Firmalar İnternetdən
istifadə etməklə istehlakçılara daha yaxın olurlar. İstehlakçılara, müştəri-
lərə, tərəf-müqabillərə fərdi xidmət göstərilməsini daha incə formada və
keyfiyyətlə təşkil etmək imkanına malik olurlar. İnternetin məhz bu üstün
cəhətlərini nəzərə alaraq firmalar onun geniş tətbiqinə həvəs göstərirlər.
Biznes fəaliyyətinin formalaşması və inkişafı baxımından İnternet-
layihələrin bütün növlərini şərti olaraq iki qrupa bölürlər:
Birinci qrupa korporativ biznesin bütün İnternet - layihələrini aid
etmək olar. Korporativ layihələr adlandırılan bu layihələr artıq mövcud
olan və ənənəvi marketinq konsepsiyası əsasında həyata keçirilən biznes
fəaliyyətinin elektron sistem tətbiq edilməklə genişləndirilməsini nəzərdə
tutur.
İkinci qrup İnternet - layihələrin əsas xüsusiyyəti onların qeyri-
korporativ xarakterə malik olmasıdır ki, bu halda layihənin əsasını artıq
mövcud olan biznes fəaliyyəti deyil, yeni yaranan, yalnız İnternet – layi-
hələrdə mövcud olan biznes fəaliyyəti təşkil edir. İnternet - biznes
layihələrinin iki qrupa bölünməsi ilk növbədə bu layihələrin yaradılması və
inkişafı strategiyasına, həmçinin, biznes modellərin və müvafiq İnternet-
sistemlərin xarakterinə uyğun olaraq həyata keçirilir.
Qeyd etmək lazımdır ki, İnternetdən istifadə edənlər arasında elə
insanlar var ki, onlar İnternetdən məlumat əldə etmək, yeniliklər barədə
198
operativ xəbərdar olmaq, verilmiş suallara cavab almaq məqsədilə istifadə
edirlər. Onlar, öz növbəsində, malların və xidmətlərin adi istehlakçı-
larıdırlar. Belə ki, İnternetdən istifadə edənlərin əksəriyyəti potensial
istehlakçılardır və məhz İnternet onların real alıcılara çevrilməsinə şərait
yaradır, müsbət təsir göstərir. Əlbətdə elə biznes sahələri və biznesmenlər
vardır ki, onlar İnternetdən istifadə etmədən öz biznes fəaliyyətini həyata
keçirirlər. Lakin müəyyən mərhələdə onlar da hiss edirlər ki, İnternetdən
istifadə edənlər arasında onların potensial alıcıları ola bilər.
Beləliklə həmin istehlakçılarla əlaqə yaratmaq arzusu yaranır və
onlar kommunikasiya sisteminin yeni sahəsinə, İnternet - bazarına daxil
olmaq barədə qərar qəbul edirlər. Belə qərar artıq fəaliyyət göstərən,
mövcud biznesə aid edilir. Bu proses aşağıdakı qaydada həyata keçirilir:
- əvvəlcə İnternetdə iştirak etmək strategiyası işlənib hazırlanır. Bu
ən məsuliyyətli mərhələ hesab olunur və inkişaf etmiş ölkələrin
biznesmenləri artıq bunu çoxdan dərk etmişlər. Odur ki, strategiyanın
hazırlanmasına məsləhətçi mütəxəssisləri cəlb edirlər. Sonradan biznesin
İnternet hissəsi işlənib hazırlanır və əsas biznesə tətbiq edilir. Onun köməyi
ilə biznes prosesinin bir hissəsi İnternetə keçirilir. Sonradan həmin İnternet
hissə ənənəvi və İnternet - marketinqin müxtəlif vasitələri ilə istehlakçılara
mümkün qədər çox yaxınlaşdırılır. Bu zaman İnternet - biznesin marketinq
strategiyasını onun ümumi strategiyası hazırlanan mərhələdə formalaş-
dırmaq daha məqsədəuyğun hesab edilir.
Korporativ İnternet-layihənin yaradılmasının başlanğıc mərhələsində
strategiyanın əvvəlcədən işlənib hazırlanması ən böyük səhvlərdən biri
hesab olunur. Beləliklə, korporativ İnternet-layihələrin strategiyasının əsas
prinsipi satıcının istehlakçıya maksimum yaxınlaşmasıdır. Ümumiyyətlə
bütün tip layihələrdə istehlakçılar eynilik təşkil edirlər. Lakin qeyri -
korporativ İnternet-layihələrin tətbiqi zamanı istehlakçılara yaxınlaşmağın
tamamilə fərqli üsulundan istifadə edilir. Birincisi, elə bir İnternet - layihə
hazırlanmalıdır ki, o istehlakçılar üçün maraqlı olsun. Belə layihə ya
maraqlı məzmuna malik olmalı, ya da özündə marketinq yeniliyini əks
etdirməlidir. İkincisi, həmin İnternet-layihə istehlakçıları müxtəlif üsullarla
cəlb edir və onlardan ən təsirlisi bu və ya digər xidmətin pulsuz
göstərilməsidir. Qeyd olunan qaydada tətbiq edilən İnternet - layihə uzun-
ömürlü olur və onun sonrakı müddətdə istifadəsi az xərc tələb edir.
İnternet kommunikasiya sistemində çox maraqlı, yeni bir istiqamətdir
və satıcılar ondan istifadə etməklə öz məhsullarını satmağa, real alıcı
199
kütləsini çoxaltmağa çalışırlar. Kommunikasiya sistemində İnternetdən
istifadə yeni layihələr tətbiq edilməklə getdikcə təkmilləşir və sürətlə
inkişaf edir.
Müasir dövrdə kommunikasiya mütəxəssisləri məqsədli auditoriyaya
təsir göstərməyin yeni, təkmilləşdirilmiş, daha səmərəli yollarını axtarırlar.
Əvvəllər istehsalçılar birbaşa reklamın həyata keçirilməsinə əsaslanan
ATL kommunikasiya texnologiyasına üstünlük verirdilər. Bu gün isə
məqsədli auditoriyaya təsir etmənin yeni texnologiyası - BTL texnologiya
(Belov The line Techno logy) məqsədli auditoriiyaya təsiretmə
metodlarının inteqrasiya olunmuş sistemi kimi izah edilir. Bu sistemə
birbaşa reklam metodlarından başqa digər təsir metodları da daxil edilir.
BTL texnologiya sisteminə daxil olan metodlara marağın yüksəlməsi
onunla izah edilir ki, artıq istehlakçılar əmtəənin irəlilədilməsinin ənənəvi
metodlarına getdikcə daha az maraq göstərirlər. Adi reklam lazımi
səviyyədə əks əlaqə yaratmağa imkan vermir və kommunikasiya əlaqələri
birtərəfli xarakter daşıyır. Müasir istehlakçı dialoqa girməyə, satıcı ilə
təmasda olmağa ehtiyac hiss edir və məhz BTL texnologiya tədbirləri bu
cür qarşılıqlı əlaqənin yaradılmasına imkan verir.
Firmalar BTL kommunikasiya texnologiyasını tətbiq etməklə bir
neçə vəzifəni yerinə yetirmək imkanına malik olurlar. Birincisi, məhsul
satışının həcmini tez bir zamanda, ciddi surətdə artırmaq mümkün olur.
İkincisi, məhsulun markasına bağlılıq və xoş münasibət daha da güc-
ləndirilir.
Hal-hazırda BTL texnologiyanın bir sıra metodları tətbiq edilir.
Onlardan ən geniş istifadə edilənlərindən biri bazara yeni brendin çıxa-
rılması, özgənin məhsul markasının alınması, məhsul çeşidinin geniş-
ləndirilməsi, malın qablaşdırılmasında dəyişiklik edilməsi və s. ibarətdir.
Bu metodun ən effektli üsullarından biri də mal alışına görə hədiyyə
verilməsidir.
Yeni məhsul bazara çıxarılarkən istehsalçılar məqsədli auditoriyaya
malın nümunəsinin pulsuz paylanması metodundan da tez - tez istifadə
edirlər. Bu metodun mahiyyəti ondan ibarətdir ki, istehlakçıya yeni məh-
sulu yoxlamaq imkanı verilir.
Bu gün uduşlu oyunların (müsabiqələr, lotereyalar, mükafatların
oynanılması və s.) həyata keçirilməsi üsullarından da aktiv surətdə istifadə
olunur.
200
Satışın stimullaşdırılmasının effektli metodları arasında kütləvi -
əyləncəli tədbirlərin həyata keçirilməsini xüsusi qeyd etmək olar. Lakin bu
cür tədbirlərin həyata keçirilməsi böyük xərc tələb edir və yalnız böyük
kompaniyalar belə tədbirləri həyata keçirmək imkanına malik olurlar. Odur
ki, əksər firmalar satışın güzəştli şərtlərlə həyata keçirilməsinə daha çox
üstünlük verirlər.
Beləliklə, qeyd etmək lazımdır ki, marketinqin kommunikasiya sis-
temi daima təkmilləşir, onda ciddi dəyişikliklər baş verir. Bu dəyişikliklər
firmalara bazarda rəqabət üstünlüyü əldə etməyə, kommunikasiya təd-
birlərinin effektliyini yüksəltməyə, ümumilikdə əmtəənin irəlilədilməsini
təmin etməyə imkan verir.
Dostları ilə paylaş: |