52
hər vəclə hər şeyi bir-birinə qatır. Onun dili həm özünə, həm də
yaşadığı topluma bəla olur. (Bax; Əbdürrauf əl-Munəvinin
“Feydul qadir şərhul Camius Sağir” 2/283)
DÜŞMƏNÇĐLĐK və QƏZƏBĐN ÇARƏSĐ
Hirslənərkən hirsi boğmaq, qəzəb və onu stimullaşdıran
amillərdən uzaq durmaq, kin ədavət və düşmənçilik kimi çirkin
əməllərdən qorunmağın ən mühüm səbəblərindəndir. Qəzəbin
əlacı dini formada iki cür mümkündür:
1. Ona düşməkdən qorunmaqdır. Məlumdur ki, ondan
qorunmaq ona düşdükdən sonra çarə axtarmaqdan daha
xeyirlidir. Ona aparan səbəblərdən çəkinmək və uzaqlaşmaq
ondan qorunmaq üçün ən mühüm köməkçi amillərdir. Gərək,
buna nail olmaq istəyən hər bir müsəlman ona aparan
təkəbbürlük, özünübəyənmə, başqalarını xor görmə, hərislik,
boş yerə danışmaq və sair bu kimi səbəblərdən özünü
təmizləsin! (Suhbi Məhməsani “əd-Dəaimul xalqiyyə val
qavaninuş şəriyyə” səh 227)
2. Ikincisi isə qəzəb anında tapılan çarədir ki, bunlar da
aşağıdakılardır: Birincisi, qəzəblənərkən lənətlənmiş şeytandan
Allaha pənah aparmaq, (Bax; əl-Əraf, 200 əl-Muninun, 97
Fussilət, 36 Buxari 10/518 Müslim 4/2015) Ikincisi, dəstəmaz
almaq, (Bax; Əbu Davud “Sünən” 4/249 “Təhzib əs-Sünən”
7/165-168 “Övnul Məbud” 13/141 Şeyx Əbduləziz bin Abdullah
bin Baz onun sənədinin yaxşı olduğunu qeyd etmişdir.)
Üçüncüsü, qəzəblənkən olduğu vəziyyətini dəyişdirmək:
oturmaq, uzanmaq, çıxmaq kimi hərəkətlər, (Əhməd “Müsnəd”
5/152 Əbu Davud 4/249 Đbn Hibban “Məvarid” 484 Heysəmi
“Məcməuz zəvaid”də qeyd edir ki, Əhmədin raviləri etibarlıdır.
8/70 Bax; Bəğəvi “Şərhus sunən” 13/162)
53
ƏDƏBSĐZ SÖZLƏR
Ədəbsiz sözlər danışmaqdan çəkin! Allah taala buyurur:
“Onların gizli söhbətlərinin çoxunda xeyir yoxdur. Xeyir
ancaq sədəqə verməyi, yaxud yaxşılıq etməyi və ya insanlar
arasında sülh yaratmağı əmr edən kimsənin söhbətindədir.
Allahın razılığını qazanmaq üçün belə işlər görən kimsəyə
(axirətdə) böyük mükafat verəcəyik”. (ən-Nisə, 114)
Đbn Kəsir (Allah ona rəhmət etsin!) “Onların gizli
söhbətlərinin çoxunda xeyir yoxdur” kəlamı barərsində deyir:
“Yəni, insanların söhbəti”. (“Muxtəsəru təfsiru Đbn Kəsir”
1/437)
Başqa bir ayədə Allah taala buyurur: “Allah pis sözün
açıq (ucadan) deyilməsini sevməz. Yalnız zülm olunmuş
şəxslər müstəsnadır. Allah (hər şeyi) eşıdəndir, biləndir”.
(ən-Nisə, 148)
Yəni Allah pis danışmağı və ədəbsiz sözlər işlətməyi
sevməz. Məzlum isə istisnadır. Çünki, zülm olunmuş kəs ona
zülm etmiş insana qarşı belə ifadələr işlədə bilər.
Ibn Abbas (Allah ondan və atasından razı olsun!)
buyurur ki, burada Allahın sevmədiyi şey, zülmə uğrayanlardan
başqasının kiminsə əleyhinə dua etməsidir. (Sabuni “Safvatu ət-
Təfəsir” 1/314)
Uca Allah digər bir ayədə buyurur: “Dediyi hər sözü (yazmaq
üçün) onun yanında hazır durub gözləyən (iki mələk)
vardır”. (Qaf, 18) Həmçinin, buyurur: “Şübhəsiz ki, Rəbbin
(bəndələrinin bütün əməllərini) baxıb görür”. (əl-Fəcr, 14)
Əbu Musa əl-Əşari deyir ki, bir gün rəsulullahdan (s)
soruşdum: “Hansı müsəlman daha fəzilətlidir?” O, (s) mənə
belə cavab verdi: “O kəsdir ki, müsəlmanlar onun dilindən və
əlindən zərər görməzlər”. (Buxari 1/9 Müslim 165)
Əbu Hureyrə (Allah ondan razı olsun!) peyğəmbərdən
(s) belə eşitdiyini rəvayət edir: “Həqiqətən, qul elə söz danışa
54
bilər ki, ona görə Cəhənnəmdə arası məşriq böyüklüyündə
olan məsafədən daha uzaq yerə atılar”. (Buxari 7/184)
Müslimdə keçən hədisdə isə peyğəmbər (s) belə buyurur:
“Həqiqətən, qul elə söz danışa bilər ki, o söz onu
Cəhənnəmdə məşriqlə məğribin arasındakı məsafədən daha
uzaq yerə atar”. (Müslim 4/2290 Bax; əl-Lulu val Mərcan
3/325)
Əbu Hureyrə (Allah ondan razı olsun!) rəvayət edir ki,
peyğəmbər (s) buyurur: “Həqiqətən, qul Allahın razılığı
səbəbi ilə ağlına gəlmədən elə söz danışa bilər ki, onunla
Allah onun dərəcəsini yüksəldər. Həqiqətən, qul Allahın
qəzəbindən ağlına gəlmədən elə sözlər işlədə bilər ki, onunla
Allah onu Cəhənnəmə atar”. (Buxari 7/185)
Əbu Hureyrə (Allah ondan razı olsun!) peyğəmbərin (s)
belə buyurduğunu rəvayət edir: “Həqiqətən, insan heç bir eyib
hesab etmədiyi bir şeyi Allahın qəzəbi ilə danışarsa, onunla
Cəhənnəmdə yetmiş illik məsafə uzaqlıqdakı yerə atılar”.
(Đbn Macə 2/1313 Tirmizi 4/557 Bax; “Səhih Đbn Macə” 2/358
“Səhih ət-Tirmizi 2/268)
Əbu Hureyrədən rəvayət olunan digər bir hədisdə
rəsulullah (s) buyurur: “Allaha və axirət gününə iman gətirən
kəs, ya xeyirli bir söz söyləsin, ya da sussun! Allaha və axirət
gününə iman gətirən kəs, qonşusuna əziyyət verməsin!
Allaha və axirət gününə iman gətirən kəs, qonağına ikram
etsin!” (Buxari 7/184 Müslim 1/68)
Səhl bin Səd (Allah ondan razı olsun!) peyğəmbərin (s)
belə buyurduğunu rəvayət edir: “Kim mənə iki saqqalı və iki
qılçası arasında olan şeydən zəmanət versə, mən də onun
Cənnətə daxil olmasına zəmanət verərəm”. (Buxari 7/184
Tirmizinin rəvayətində isə “Allah iki saqqalı və iki qılçası
arasında olanın şərindən kimi qorusa, o Cənnətə daxil olar”
deyilir. Bax; “səhih ət-Tirmizi” 2/287)
Dostları ilə paylaş: |