223
Hardan bildin?
Bilmirəm. Onu hard diskdə tapdım.
Sofi yenə çiynində Albertonuin əlini hiss etdi.
Mən Hilde haqda əlimizdə olan kiçik məlumatı proqrama yazmışam,
- Alberto dedi.
Hilde haqda daha nə bilirsən? - Sofi yazdı.
Hildenin atası Livanda işləyən BMT müşahidəçisidir. Rütbəsi
mayordur. Tez-tez qızına açıqcalar göndərir.
Onu tapmaq istəyirəm, mənə kömək et!
Bunu edə bilmərəm. O, mənim heç birfaylımda yoxdur, başqa bir
məlumat bazasına isə qoşulmamışam.
Dedim, tap onu!!!!!!!
Hirslənmisən, Sofi? Bu qədər nida işarəsi sərt hislərin işarəsidir.
Mən Hildenin atası ilə danışmaq istəyirəm!
Özünü idarə etməkdə çətinliyin var. Uşaqlığın haqda danışmaq
istəyirsənsə, F9-u bas.
Alberto yenidən əlini Sofinin çiyninə qoydu.
Doğru deyir. O, falçı deyil, məlumat proqramıdır.
Kəs kəsini! - Sofi yazdı.
Yaxşı, Sofi. Bizim tanışlığımız cəmi 13 dəqiqə 52 saniyə çəkdi.
Danışdığımız bütün sözləri yadda saxlayacağam. İndi bağlanıram.
Ekranda yenidən “C:” hərfi göründü.
İndi isə gəl yerimizə qayıdaq, - Alberto dedi.
Amma Sofi artıq ekrana “Knaq” yazmışdı. Ekranda dərhal aşağıdakı
sözlər yazıldı.
Mən buradayam.
Bu dəfə Alberto dik atıldı.
Sən kimsən, - Sofi yazdı.
Mən mayor Albert Knaqam, buyurun, hüzurunuzdayam. Livandan
gəlirəm. Mənə görə qulluğunuz?
Hamısını yeyib! - Alberto həyəcanla dedi, - Hard diskə siçan girib.
Sofini kənara çəkib ekranın qarşısında oturdu.
Bura bax, mənim kompüterimə necə girə bilmişən? - yazdı.
downloaded from KitabYurdu.org
224
Xırda işdi, əziz həmkarım. Mən istədiyim yerdə ola bilirəm.
Ay iyrənc virus!
Bir dəqiqə! İndi mən burada ad günü virusu qismində iş başındayam.
Bir salam göndərə bilərəm?
Yox, sağ ol, onsuz da salamlarından boğaza yığılmışıq. Amma
sözüm qısa olacaq: Sənin şərəfinə, əzizim Hilde. Bir daha ad günün çox
mübarək. Çılpaqfən, vəziyyətə görə bağışla, mən sadəcə sənin getdiyin
hər yerə təbriklərimi səpələmək istədim. Səni sevən, səni qucaqlamağı
həsrətlə gözləyən atan.
Alberto nəsə yazmaq istədi, amma çatdırmadı, ekranda yenə “C:”
işarəsi göründü. Alberto *dir knaq*.*," - yazdı, ardınca ekrana bu yazı
çıxdı:
knaq.lib 147,643 06. 15. 90 12-47 knaq.lil 326,439 06.23.90 22-34
Alberto “knaq-ı sil”.*” yazdı və kompüteri söndürdü. Sildim onu, -
dedi, - amma növbəti dəfə onun harada yenidən peyda olacağını demək
mümkün deyil.
Ekrana baxa-baxa oturdu. Sonra əlavə etdi.
Ən pisi adı idi: Albert Knaq...
Sofi yalnız onda adlar arasındakı bənzərlikdən diksindi. Albert Knaq
və Alberto Knoks. Amma Alberto elə hirslənmişdi ki, Sofi bir söz
deməyə cürət etmədi. Onlar yenidən gedib qəhvə masasının yanında
oturdular.
Spinoza
...Tanrı kukla oynadan deyil...
Onlar uzun müddət susub oturdular. Sonra Sofi Albertonun fikirlərini
olanlardan ayırmaq üçün dedi:
Yəqin Dekart qəribə adam olub. Öz dövründə məşhur olub görəsən?
Alberto bir neçə dəfə dərindən nəfəs alandan sonra cavab verdi:
Onun başqa böyük filosoflar üçün çox böyük əhəmiyyəti olub,
çoxları ondan təsirlənib. Bəlkə də hamıdan çox Hollandiyalı filosof,
1632-ci ildə doğulub 1677-ci ildə vəfat etmiş Barux Spinoza.
Mənə ondan danışacaqsan?
Əslində fikrim bu idi, hərbi təxribata uymayacağıq ki. Davam edək.
downloaded from KitabYurdu.org
225
Qulağım səndədi.
Spinoza Amsterdamın yəhudi icmasının üzvü idi. Lakin bir
müddətdən sonra bidətçiliyə görə, qovuldu. Yaxın dövrlərdə onun kimi
çox az filosof tapılar ki, ideyalarına görə, təqib edilmiş, sıxışdırılmış
olsun. Onu sui-qəsdlə öldürmək istəyənlər də olub. Səbəb isə onun
yerini bərkitmiş, rəsmi bir dini tənqid etməsi idi. O deyirdi ki,
Xristianlıq və İudaizm yalnız sərt ehkamlar və rituallarına görə ayaq
üstə dura bilib. O, İncilin tarixini tənqidi təfsir edən ilk insan idi.
Bu, necə bir təfsirdi?
O, İncilin Tanrı vəhyi olduğunu qəbul etmirdi. Deyirdi ki, biz İncili
oxuyanda daim onun yazıldığı dövrü göz önünə gətirməliyik. Onun
təklif etdiyi tənqidi qiraət İncil mətnlərində çoxlu ziddiyyətlər üzə
çıxarır. Bir qədər dərindən baxanda Əhdi-Cədiddə müqəddəs yazıların
arxasında Tanrının sözçüsü adlandırıla biləcək İsanı görürük. İsanın
təlimləri ortodoksal İudaizmdən qurtuluşdu. İsa sevgini hər şeydən
üstün tutan “ağıl dini” təlimini yaradıb. Spinoza bunu həm Tanrıya,
həm də
insana sevgi kimi təfsir edir. Buna baxmayaraq, xristianlıq da zaman
keçdikcə öz sərt ehkamları və rituallarını yaradıb.
Bu fikirləri həzm etmək nə kilsə, nə də sinaqoq üçün asan olmazdı,
məncə.
Məsələ qəlizləşəndə hətta öz ailəsi Spinozanı tərk edib. Bidətçiliyinə
görə, onu mirasdan məhrum etməyə çalışıblar. Spinoza dini tolerantlıq
və fikir azadlığının vacibliyi haqda danışırdı. Qarşılaşdığı bütün bu
çətinliklər onu tamamilə fəlsəfəyə həsr olunmuş sakit və qapalı həyatın
qoynuna atır. Linza düzəltməklə bir az pul qazanırdı ki, gördüyün kimi,
həmin linzalardan bir neçəsi məndədi.
Çox təsirlidi!
Onun linza düzəltməklə pul qazanması faktında da rəmzi məna var.
Filosof insanlara həyatı yeni prizmadan görməyə kömək edirdi.
Spinoza fəlsəfəsinin sütunlarından biri şeyləri əbədiyyət prizmasından
görməsi idi.
Əbədiyyət prizmasından?
downloaded from KitabYurdu.org
Dostları ilə paylaş: |