Elektrokimyoviy tahlil usuli umumiy tushuncha

Simob katodda elektroliz.
Simob katodda olib boriladigan elektroliz alohida o`rin tutadi va undan platina elektrodlarda ajralib chiqmaydigan ionlarni aniqlashda, hamda ba’zi ionlarni bir-biridan ajratishda foydalaniladi.
Simob katodda elektrolizning o`ziga xos xususiyati vodorodning o`ta kuchlanish qiymatlarining kattaligidir. Si­mob katodda vodorodning o`ta kuchlanishi 1 V dan ortgani uchun kislota muhitli eritmalarni elektroliz qilishda ko`pchilik metallar (vismut, kobalt, xrom, temir, molib­den, nikel, osmiy, qo`rgoshin, palladiy, platina va boshqalar —hammasi bo`lib 20 ta element) ajralib chiqadi, alyuminiy, vanadiy, uran, titan kabi metallar esa ajralmaydi.
SHunday qilib, simob katoddagi elektroliz texnik tahlilda bir xil metallarni boshqalaridan ajratish uchun keng qo`lamda qo`llaniladi. U ko`p miqdordagi temir, xrom, misni, vanadiy, titan va boshqalardan ajratishga imkon beradi. Bu usul ayniqsa temir va temirli qotishmalar tahlilida muhim ahamiyat kasb etadi va murakkab ob’ektlarni -minerallar, rudalar, konsentratlar, qotishmalar tahlilini soddalashtirish va