135
Üzvi qalıqlar tez minerallaşır və çürüntünün miqdarı az olduğu üçün bu torpaqların rəngi
boz və açıq
boz olur ki, onun adı da məhz buradan götürülmüşdür.
Açıq və ibtidai boz torpaqların profilində ümumi humusun miqdarı 0,9-1,4% arasında
dəyişir, onun kəmiyyəti torpaq profili boyunca tədricən azalır və onun yüksək miqdar humus və
illüvial qatda təyin olunmuşdur (cədvəl 1). Cədvəl 2-dən görünür ki, bu torpaqların humus qatında
ümumi humusun miqdarı 1,0-1,3 % arasında dəyişir. Onun maksimum miqdarı (1,2-1,3%)
Ordubad, Duzdağ, Düylün və Şərur ətrafında, minimum miqdar isə (1,0-1,1%) Xanlıqlar və Kotam
ətrafında təyin olunmuşdur. Bu torpaqların humus qatında hiqroskopik nəmliyin miqdarı 3,0-6,5 %
arasında dəyişir, onun yüksək miqdarı (6,5%) Duzdağın ətəyində, minimum miqdar (3,0-3,4%)
Düylün, Şərur və Xanlıqlar ətrafında müəyyən olunmuşdur. Orta miqdar isə 3,7-3,9% olmaqla
Ordubad və Kotam ətrafında qeyid olunur. Bu da torpağın qranulometrik tərkibi ilə ələqədardır.
Açıq və ibtidai torpaqların profilində quru qalığın miqdar 0,14-0,76 % arasında dəyişir, onun
yüksək miqdarı (0,47-0,76 %) illüvial və alt qatlarda rast gəlinir (cədvəl 1 ). Bu da torpağın orta
dərəcədə şoran olduğunu göstərir.
Cədvəl 2-dən görünür ki, bu torpaqların humus qatında quru qalığın miqdarı 0,10-2,79%
arasında dəyişir və onun yüksək miqdar (2,79%) Duzdağın ətəyində yayılan torpaqların humus
qatında təyin olunmuşdur. Bu torpaqlardan qış otlağı kimi istifadə edildiyindən heç bir meliorativ işlər
aparılmamışdır. Kotam, Düylün, Xanlıqlar kəndləri və Şərur, Ordubad şəhərləri ətrafındakı torpaq
sahələri əkin altında istifadə edildiyinə görə, bu torpaqlarda meliorativ tədbirlər görülmüşdür,
suvarma norması və digər aqrotexniki tədbirlər aparıldığına görə humus qatında təkrar şorlaşma qeyd
olunmur. Açıq və ibtidai boz torpaqlarda CaCO
3
miqdarı 30,1-36,2 % arasında dəyişir, yüksək miqdar
(32,3-36,2 %) alt və illüvial qatlarda, minimum isə humus qatında təyin olunmuşdur (cədvəl 1). 2016-
cı ilin analiz məlumatlarından görünür ki, bu torpaqların humus qatında CaCO
3
miqdarı 2,4-36,6 %
təşkil edir, onun yüksək miqdarı (25,5-36,6%) Xanlıqlar və Kotamda,minimum miqdar (2,4-4,5 %)
isə Ordubad, Duzdağ və Şərur ətrafında təyin olunmuşdur (cədvəl 2). Bu torpaqların profilində zəif
qələvi mühit (pH-8,2-8,3) mövcuddur (cədvəl 1). Cədvəl 2-dən aydın olur ki, bu torpaqların humus
qatında qələvi mühitin nisbətən artdığı müşahidə olunur və pH-ın miqdarı 8,1-8,5 civarında dəyişir.
Bu artım Duzdağ və Kotam (pH 8,5) ətrafında qeyd olunur (cədvəl 2).
Açıq və ibtidai boz torpaqlarıın profilində gillicəli qranulometrik tərkib səciyəvidir, fiziki
gilin miqdarı 32,1-52,5 % -dir və onun yuksək miqdarı (49,7-52,5 %) illüvial və alt qatlarda
müəyyən olünmuşdur (cədvəl 1). Bu da həmin ərazilərin çoxdan suvarılması ilə ələqədardır. Cədvəl
2-dən görünür ki, bu torpaqların humus qatında gillicəli qanulometrik tərkib qeyd olunur (Duzdağ
ətrafı istisna olmaqla). Fiziki gilin miqdarı 38,5-67,9 % arasında tərəddüd edir, onun yüksək
miqdarı (67,9 %) Duzdağın ətəyində, minimum miqdarı isə (38,5-47,5%) Düylün, Xanlıqlar,
Ordubad, Şərur və Kotam ətrafında təyin olunmuşdur (cədvəl 2). Bu da növbəli əkin işlərinin
davam etdirilməsi üçün əlverişlidir (2016-cı ilin məlumatı).
Açıq və ibtidai boz torpaqların profilində udulmuş əsasların miqdarı 17,4-22,9 mq/ekv
arasında dəyişir. Onun minimum miqdarı (17,4 mq/ekv) humus qatında maksimum miqdar isə
illivüal və alt qatlarda təyin olunmuşdur. Bu da ana süxurun karbonatlı olması və suvarma işlərinin
aparılması ilə ələqədardır. Uducu kompleksdə kalsium kationu ustünlük təşkil edir və onun miqdarı
9,3-13,5 mq/ekv arasında dəyişir (cədvəl 1). Maqnezium kationunun miqdarı 6,1-6,3 mq/ekv olub,
kiçik hədd daxilində dəyişir. Natrium kationunun miqdarı 0,8-3,4 mq/ekv-dir və o torpaq profili
boyunca artır. Bu da onun zəif dərəcədə şorakətləşməsinə səbəb olur. 2016 cı il analiz
nəticələrindən gorünür ki, acıq və ibtidai boz torpaqların humus qatında udulmuş əsasların mıqdarı
20,5-25,5 mq/ekv arasında dəyişir. Onun yüksək miqdarı (25,5 mq/ekv) Duzdağın ətəyində,
minimum miqdarı Düylün ətrafında təyin olmuşdur ( cədvəl 2). Uducu kompleksdə kalsium
kaionunun miqdarı üstünlük təşkil edir, onun yüksək miqdarı (18,5-20 mq/ekv) Ordubad, Şərur və
Duzdağın ətrafında, minimum miqdarı (16,0-17,5 mq/ekv) isə Düylün və Xanlıqlar ətirafında təyin
olunmuşdur (cədvəl 2). Maqnezium kationlarının miqdarı 3,5-4,9 mq/ekv arasında dəyişir, onun
yüksək miqdarı (4,5-4,9 mq/ekv) Ordubad, Düylün, Duzdağ və minimum miqdarı (3,5 mq/ekv) isə
Kotam, Xanlıqlar ətrafında təyin olunmuşdur (cədvəl 2).