- 130 -
NAXÇIVAN DÖVLƏT UNİVERSİTETİ. ELMİ ƏSƏRLƏR, 2017, № 7 (88)
NAKHCHIVAN STATE UNIVERSITY. SCIENTIFIC WORKS, 2017, № 7 (88)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ. НАУЧНЫЕ ТРУДЫ, 2017, № 7 (88)
MƏHƏMMƏD MƏMMƏDOV
AMEA akad. H.Ə.Əliyev adına Coğrafiya İnstitutu
UOT: 631.445.5.
NAXÇIVAN MR ARAZBOYU DÜZƏNLİKLƏRİNDƏ YAYILAN TORPAQLARIN
MÜASİR VƏZİYYƏTİ VƏ ONLARIN KƏND TƏSƏRRÜFATININ İNKİŞAFINDA ROLU
Açar sözlər: humus, azot, torpaq mühiti, qranulometrik tərkib, udulmuş əsaslar
Key words: soil, humus, nitrogen, layer, soil condition, qranulometric conted, absorbed
foundations
Ключевые слова: пщчва, гумус, азот, слой, среда почвы, гранулометрический
состав,поглащенные основа
Giriş. Son illərdə Naxçıvan MR-də torpaq və bitki örtüyünə antropogen təsir gücləndiyinə
görə ərazidə deqradasiya prosesi sürətlənmişdir. Respublikamızda əhalinin ərzaq təhlükəsizliyini və
insan sağlamlığını təmin etmək məqsədi ilə 2016-cı ildə AMEA akad H.Ə.Əliyev adına Coğrafiya
İnstitutunun "Landşaftşünaslıq və landşaft planlaşdırması" şöbəsinin əməkdaşları tərəfindən
Naxçıvan Muxtar Respublikasında torpaq tədqiqatı işləri aparılmışdır. Götürülmüş torpaq
nümunələri institutun “Torpaq coğrafiyası” şöbəsində laboratoriya şəraitində analiz edilmişdir.
1 saylı cədvəl AMEA akad H.Ə.Əliyev adına Coğrafiya İnstitutu fond və ədəbiyyat
materialları əsasında, 2 saylı cədvəl isə 2016-cı ilin torpaq analiz məlumatları əsasında
hazırlanmışdır. Fond materialları akademik H.Ə.Əliyev və k.t.e.d Ə.Q.Zeynalova məxsusdur.
Düzənliyin torpaq xəritə-sxemi akad. Q.Ş.Məmmədovun (5) tərtib etdiyi Naxçıvan
bölgəsinin Torpaq xəritə-sxeminə və akad. Volobuyevin (7) redaktoluğu ilə tərtib olunmuş Az.SSR
torpaq xəritəsinə əsasən tərtib edilmişdir.
Təhlil və müzakirə. Naxçıvan Muxtar Respublikasının sahəsi 5383000 hektardır və
Respublika ərazisinin 6,2%-ni təşkil edir. Ərazinin relyefi dağlıq və düzənliklərdən ibarətdir. Ərazi
şimal-qərbdən Dərələyəz və şimal, şimal-şərqdən isə Zəngəzur sıra dağları ilə əhatələnmişdir.
Düzənliklərə isə Arazçayıboyuncabir-biriniəvəz edən Ordubad, Culfa, Naxçıvan, Böyükdüz, Şərur
və Sədərək düzənlikləri aiddir. İran ərazisindən daxil olan isti hava kütləsi MR-nın ərazisində 1700-
1800 metr hündürlüyə qədər quru subtropik iqlim şəraiti yaradır.
Boz torpaqlar. Kür-Araz ovalığında, Cənub-Şərqi Şirvan düzənliyində, Samur-Dəvəçi
ovalığında, Abşeron yarmadasında və Naxçıvan MR-da Arazboyu düzənliklərdə formalaşmışdır.
Azərbaycanda boz torpaqlar müxtəlif tədqiqatçılar (10,6,9,7,8,5,3) tərəfindən öyrənilmişdir.
Naxçıvan MR-də isə boz torpaqlar S.A.Zaxarov (10), H.Ə.Əliyev, Ə.Q.Zeynalov (6), N.C.Mehtiyev
(4), N.S.Bababəyli və başqaları tərəfindən tədqiq edilmişdir.
Arazboyu düzənliklərin relyefi təpəli və dalğavari düzənliklərdən təşkil olunmuşdur.
Əyyubov.Ə.D (11) bu düzənliklərdə qışı soyuq, yayı quraq keçən isti yarımsəhra və quru-çöl iqlim
tipi ayırmışdır. Ərazidə orta illik temperatur 10-14
0
C arasında dəyişir və yayı isti, qışı isə soyuq
keçir. Yağıntıların illik miqdarı 232-300 mm arasında tərəddüd edir, əsasən yaz və payız
fəsillərində düşür. 10
0
C-dən yuxarı fəal temperaturlar cəmi 4200-4800
0
C arasında dəyişir, illik
buxarlanmanın miqdarı 947-1210 mm arasında tərəddüd edir, rütubətlənmə əmsalı 0,09-0,25-dir.
Ərazidə torpaqəmələgətirən süxurlar əsasən dördüncü dövrün prolüvial, allüvial çöküntü
süxurlardan və karbonatlı əhəngdaşlarından ibarətdir. Bitki örtüyü əsasən qarağanlı, yovşanlı,
efimerli və düzənliklərin hündür hissəsində kserofit otlar və qaratikan kollarından ibarətdir.
Kserofitlər əsasən Şərur, Böyükdüz, Naxçıvan düzənliyinin şimal, şərq hissəsi və Culfa şəhərinin
şimalında yayılmışdır. Hal hazırda bu ərazilər əkin altında istifadə olunur.
- 131 -
Arazboyu düzənliklərdə boz və şabalıdı torpaqlar geniş ərazidə formalaşmışdır. Boz
torpaqlar H.Ə.Əliyev, Ə.Q.Zeynalov (6) tərəfindən fiziki- kimyəvi xassələrinə, morfoloji
əlamətlərinə və digər xüsusiyyətlərinə görə: tipik, açıq və ibtidai, adi, və çəmən-boz yarımtiplərinə
ayrılmışdır.
Tipik boz torpaqlar. Bu torpaqların profilində torpaq qatları aydın seçilir, xüsusilə humus
qatının rəngi alt qatlardan fərqlənir, illüvial qatlardan alt qatlara keçid zəif seçilir. Bu torpaqlar
Kəngərli, Şərur və Sədərək inzibati rayonları ərazisində yayılmışdır.
Cədvəl 1-dən görünür ki tipik boz torpaqların profilində ümumi humusun miqdarı 0,60-1,5
% və ümumi azotun miqdarı isə 0,06-0,10 % arasında dəyişir.
2016-cı il torpaq tədqiqatlarının analiz nəticələrindən görünür ki, tipik boz torpaqların
humus qatında ümumi humusun miqdarı 1,1-1,5 % arasında dəyişir (cədvəl 2). Onun yüksək
miqdarı 1,4-1,5% Şahtaxtı, Çalxanqala kəndləri və Qıvraq qəsəbəsi ətrafında, minimum miqdarı
1,2% isə Gümüşlü kəndi ətrafında müəyyən olunmuşdur. Tipik boz torpaqların humus qatında
ümumi humusun miqdarının azalma fərqi 0,1-0,3 %-dir. Bu isə 0-20 sm-lik qatda humus ehtiyatının
2,6-7,2 t/ha azaldığını göstərir.
Tipik boz torpaqların üst qatında hiqroskopik nəmliyin miqdarı 3,2-4,7 % arasında dəyişir
və onun yüksək miqdarı 4,7% Çalxanqala, minimum miqdar isə 2,9-3,9% Gümüşlü və Şahtaxtı
ətrafında yayılan torpaqların humus qatında müəyyən olunmuşdur. Bu isə həmin ərazidə yayılan
torpaqların qranulometrik tərkibi ilə əlaqədardır (cədvəl 2).
Qıvraq qəsəbəsi ətrafında və digər sahələrdə yayılantipik boz torpaqların profilində quru
qalığın miqdarı 0,10-0,15% arasında dəyişir və əvəlki illərdə butorpaqların profili zərərli duzlardan
yuyulmuşdur (cədvəl 1).
Tipik boz torpaqların humus qatında quru qalığın miqdarı 0,10-2,14% arasında dəyişir və
onun minimum miqdarı 0,10-0,20% Sələsüz, Şahtaxtı, Gümüşlü və Çalxanqala kəndləri ətrafında,
maksimum miqdar 2,14% olmaqla Qıvraq qəsəbəsi ətrafında müəyyən edilmişdir (cədvəl 2). Qıvraq
qəsəbəsi ətrafında isə becərilən torpaqlarda suvarma işləri düzgün aparılmadığına görə təkrar
şoranlaşma baş vermişdir.
Cədvəl 1-dən görünür ki, tipik boz torpaqların profilində CaCO
3
-ın miqdarı 25,0-46,2%
arasında dəyişir və onun yüksək miqdarı (45,9-46,2 %) illüvial qatda təyin olunmuşdur. Bu da
torpaqəmələgətirən süxurların karbonatlı olması ilə əlaqədardır. Cədvəl 2-dən görünür ki, bu
torpaqların humus qatında CaCO
3
-ın miqdarı (6,9-28,9 %) arasında tərəddüd edir. Onun yüksək
miqdarı (24,6-28,9 %) Şahtaxtı və Qıvraq ətrafında, minimum miqdar(6,9%) Gümüşlü, orta miqdar
(17,6-20,0%) isə Çalxanqala və Sələsüz ətrafında yayılan boz torpaqlarda təyin edilmişdir. Tipik
boz torpaqların profilində qələvi mühit (pH 8,2-8,5) səciyyəvidir və alt qatlara doğru qələvilik artır
(cədvəl 1). Cədvəl 2-dən görünür ki, boz torpaqların humus qatında qələvi mühit mövcuddur (pH
8,0-8,3), və qələviliyin nisbətən çoxalması (pH-8,3) Qıvraq kəndi ətrafında müşahidə olunur.
Boz torpaqlar qranulometrik tərkibinə görə orta gillicəlidir və torpaq profilində fiziki gilin
miqdarı 36,5-44,2% arasında dəyişir. Onun yüksək miqdarı (43,8-44,2%) humus və illüvial qatlarda
müəyyən edilmişdirm (cədvəl 1).
Tipik boz torpaqların humus qatında gillicəli və gilli qranulometrik tərkib səciyyəvidir və
onlarda fiziki gilin miqdarı 37,1-62,7% arasında tərəddüd edir. Fiziki gilin maksimum miqdarı
(52,3-62,7%) Çalxanqala və Qıvraq ətrafında, minimum miqdarı (37,1-49,7%) isə Gümüşlü,
Sələsüz və Şaxtaxtı ətrafında təyin olunmuşdur. Gümüşlü ətrafında orta gillicəli, Sələsüz və
Şahtaxtı ətrafında yayılan tipik boz torpaqların qranulometrik tərkibi ağır gillicəlidir (cədvəl 2).
Tipik boz torpaqların profilində udulmuş əsasların cəmi 20,9-21,8 mq/ekv arasında dəyişir və
onun yüksək miqdarı (21,8 mq/ekv) illüvial qatda təyin olunmuşdur. Uducu kompleksdə kalsium kationun
miqdarı 15,4-16,0 mq/ekv arasında dəyişir və onun yüksək miqdarı (16,0 mq/ekv) illüvial qatda müəyyən
olunmuşdur (cədvəl 1). Maqnezium kationun miqdarı 4,0-5,0 mq/ekv təşkil edir və onun yüksək miqdarı
(4,9-5,0 mq/ekv) alt qatlarda təyin olunmuşdur. Bu torpaqların profilində Na kationun miqdarı 0,9-1,2
mq/ekv arasında dəyişir, onun yüksək miqdarı (1,0-1,2 mq/ekv) alt qatda təyin edilmişdir. Bu isə tipik boz
torpaqların profilində zəif dərəcədə şorakətləşmənin olduğunu göstərir (cədvəl 1).
Dostları ilə paylaş: |