kilatlanmanın və sosial dəyişikliklərin yeni prinsiplərinin
yaranmasına səbəb olmasıdır. Artıq nəzəri bilik yeniləşmənin
əsas mənbəyi olur və texniki tərəqqinin təbiətini tamamilə
dəyişir, dövlətlər arasındakı münasibətləri qloballaşdırır.
Yüksək texnologiyanın yaratdığı yeni rabitə vasitələri vaxtı
qısaldır və məsafəni yaxınlaşdırır. İndi rabitə vasitələri bütün
dünyanı əhatə edir. Bəşəriyyət artıq qlobal informasion
infrastruktur yaratmaq yolundadır.
İnformasiyanın nəhəng axınına tab gətirmək üçün onun
qaydaya salınması, saxlanması və istifadə edilməsini təmin
edən vasitələr lazımdır. Bəşəriyyət tarixində yaxınlaşan eranı
yalnız informasion cəmiyyət deyil, həm də bilik cəmiyyəti,
postindustrial cəmiyyət, infosfera adlandırmağa başladılar.
Təhsil və elmi fəaliyyətin təşkili sahəsində əhəmiyyətli
dəyişikliklər gözlənilir. Yeni informasiya texnologiyası və
robo- totexniki sistemlər sənayedə əməyin xarakterini
kökündən dəyişir, bu sahədə işləyənlərin sayını kəskin surətdə
azaldır, texnologiyanın özünü və istehsalın təşkilini yeniləşdirir.
Bütün bunlar əhəmiyyətli dərəcədə gözlənilməyən sosial
nəticələrə gətirib çıxara bilər. «İnformasiya və bilik, pul və
texniki resurslardan fərqlənir. İqtisadçılar onları «ictimai
nemət» adlandırırlar. Bu o deməkdir ki, istifadə olunduqca
azalmır. Onlar məhvedilməzdir: mənim hər hansı həcmdə
qazandığım bilik heç cür sizin də o qədər bilik qazanmaq
qabiliyyətinizi azaltmır... Nə qədər adamın sonralar ondan
istifadə etməsi, biliyin yaradılması onun dəyərinə təsir etmir»
(Tomas Stüart).
İnformasion cəmiyyətdə dövlətin yeri necə olacaq? Bu suala
məşhur sosioloq Manuel Kastels belə cavab verir: «...Lakin
dövlət yox olmayacaqdır. İnformasion epoxada onun statusu
sadəcə olaraq aşağı düşəcək. Dövlət öz layihə mozaikaları ilə
dünyanı bürüyən, öz elektoratını yaradan və milli dövlətlər,
multnasional korporasi-yalar, beynəlxalq ag-
210
entliklər ilə danışıq aparan yerli və regional hökumətlər
formasında daha da çoxalır».
Dostları ilə paylaş: