Elxan Elatlı o gecə yağIŞ yağirdi
Yüklə 5,01 Kb. Pdf görüntüsü
|
downloaded from KitabYurdu.org * * * məmnunluqla gülümsəyib kresloda əyləşdi, əllərini sinəsində çarpazlaşdırıb yerini rahatladı və Səkinəyə: - Buyurun, indi sizi dinləyirəm! - dedi. Səkinə bu mehriban adama baxdıqca onda əsil kişilərə xas olan cəhətlər görürdü və bu onun sıxıntısını xeyli azaldırdı. O, Qasımlmm mayor Cəfərlidən nə qədər fərqli bir adam olduğunu anlayaraq özünü tamamilə ələ aldı. Qumar dəsgahının gedişi və xoşagəlməz sonluğu haqqında həmin axşam Namazın evdə danışdıqlarından tutmuş, bu mənzilə gəlib çıxana qədər öz başına gələnlərin hamısını yerli-yataqlı ona çatdırdı. Danışıq müddətində Qanbay Qasımlı heç yerindən dəbərmədi də. Nüfuzedici baxışlarını Səkinəyə zilləyib bütün diqqəti ilə ona qulaq asırdı. Qadın danışıb qurtarandan sonra kiçik bir sükut yarandı. Yaranmış sükutu nəhayət Qasımlınm təmkinli səsi pozdu: - Deməli əriniz and içdi ki, Beydullanı öldürəcək? - Bəli. - Yəqin o, bir o qədər də çox pul uduzmamışdı? - Orası elədir. O birilərə baxanda onun uduzduğu heç nə idi. Bizim o qədər pulumuz haradadır ki? - Namaz danışmadı ki, Beydulla udduğu pulların hamısını nağd alıb, yoxsa yox? - Namazdan alıb, o birilərinki isə nisyə olub. - Namaz uduzduğuna, ya döyüldüyünə görə evdə Beydullanm arxasınca nə danışırdı? - Söyürdü, deyirdi ki, gedib onu öldürəcəm. Ancaq mən onu sakitləşdirdim. Yerinə girib yatdı. Saat ıo-da. - Namazın tüfəngi var? - Xeyr, yoxdur! - Mən rəsmi surətdə belə işlərlə məşğul deyiləm. Ancaq sizin xatirinizə sabah səhər tezdən sizinlə rayona gedəcəm. Artıq hava qaralıb. Gecəni də burada qalarsız. - Qasımlı ayağa qalxıb televizoru yandırdı. - İndi isə siz televizora baxın, mən bu saat qayıdıram. downloaded from KitabYurdu.org downloaded from KitabYurdu.org * * * O, pencəyini geyinib şlyapasını başına qoydu və evdən çıxdı. Səkinəni yenə də narahatlıq bürüdü. Televizora baxmaq heç yadına da düşmürdü. Birdən-birə Elçin üçün danxdı. Kənddən çıxanda qonşuya yalvarmışdı ki, Elçini gözdən qoymasın, məktəbə də buraxmasın, uşağa düşmənçiliklə nəsə edərlər. Bu yandan da Namazın dərdi. İndi görəsən Namaz nə edir? Onu yenə incidirlərmi? Səkinə fikirləşəndə ki, yad kişinin mənzilində qalacaq, daha da narahat olurdu. O, polkovnik Qasımlıdan utanırdı və fikirləşirdi ki, üst-başım da tozludur, yol gəlmişəm, qadın olmayan evdə necə yata bilərəm? Birdən ayağa qalxıb Nemətə dedi: - Qardaş, mən gedim, səhər tezdən gələrəm. Nemət Sabirli özünü itirdi: - Necə yəni gedim? Hara gedəcəksiniz? - Qardaşımgilə. Burada olurlar. - Gözləyin, Qanbay müəllim gəlsin. - Yox, sonra gec olar. - Onda sizi maşınla apararam. - Yox, yox, qardaşımgil yaxında olur. Evlərini tanıyıram. Siz narahat olmayın. - Səkinə bunu deyib qapıya getdi. - Səhər tezdən blokun ağzında olacam. Nemət onu saxlaya bilmədi. O çıxandan beş- on dəqiqə keçmiş ev sahibi əlində ərzaq dolu torba içəri girdi. Elə qapıdaca Səkinənin ayaqqabısını görməyib soruşdu: - Qız necə oldu? - Qardaşıgilə getdi. Dedi ki, səhər tezdən gələcək. - Nə qardaş, canım? - Qasımlı məzəmmətlə Nemətə baxdı. - Onun burada qardaşı-filanı yoxdur. Burda gecələməyə utandığı üçün sizi aldadıb. - Qasımlı tez sellofan torbanı stolun üstünə qoyub geri qayıtdı. - Gedək mənimlə! Nemət təəccüblə çiynini çəkib onun dalınca düşdü. Çoxbilmiş xəfiyyə blokun qarşısındakı kiçik parkda sağa-sola göz gəzdirib sıx bəzək kollarının arxasına keçdi. Bədbəxt qadın xəlvət bir skamyada oturub soyuqdan büzüşmüşdü. O, sonuncu ümidgahı hesab etdiyi downloaded from KitabYurdu.org downloaded from KitabYurdu.org * * * adamı görüb diksindi və ayağa qalxdı. Qasımlı başını buladı: - Əgər belə etsəniz, Səkinə xanım, sizinlə rayona getməli olmayacam. Gedək! Nemət müəllim gəlib mənim mənzilimdə yatar. Siz isə, onun arvadı ilə, zənnimcə, darıxmazsınız. O, çox mehriban və sadə qadındır. Səkinə gecəni Nemətgildə qaldı. Ev sahibəsi Fədayə xanım həqiqətən səmimi insan idi. Qonağı sıxılmağa və darıxmağa qoymadı. Səhər durub onun üçün yemək hazırladı. Səkinə səhər yeməyini təzəcə yeyib qurtarmışdı ki, Nemət Sabirli içəri girib dedi: - Sabahınız xeyir, Səkinə xanım! Cənab Qasımlı sizi aşağıda, maşının yanında gözləyir. Təəssüf ki, mənim redaksiyada vacib işim olduğu üçün sizinlə gedə bilməyəcəm. Ona görə də maşının açarını ona verdim. Sizə müvəffəqiyyət arzu edirəm. Səkinə ev sahibi ilə onun xanımına ürəkdən təşəkkür edib həyətə düşdü və Qasımlınm onun üçün açdığı arxa qapıdan maşına mindi. Qasımlı da sükanın arxasında oturub maşını işə saldı. Onlar Səkinənin ürəyini qoyub gəldiyi rayona yola düşdülər və rayon mərkəzinə çatana kimi, yol boyu, bir kəlmə də olsun danışmadılar. * * * Rayon polis idarəsinin qarşısında Qasımlı maşından düşüb Səkinəyə maşında gözləməyi tapşırdı və idarəyə girdi. İdarə rəisi onun haqqında eşitmişdi. Ancaq üzdən tanımırdı. Məşhur xəfiyyənin gəldiyini eşitdikdə onu tez qəbul etdi, ayağa qalxıb mehribanlıqla görüşdü. - Xoş gəlmisiz, Qanbay müəllim, sizdən nə əcəb? Xeyirdirmi? Qasımlı rəislə eyni mehribanlıqla görüşüb: - Həmişə olduğu kimi mənim gəlişim kimin üçünsə xeyir, kimin üçünsə faciədir, - dedi və güldü. Rəis ona oturmaq üçün yer göstərib, telefonla bufetdən çay gətirilməsini tapşırdı. Xəfiyyə gəlişinin məqsədini qısaca başa saldı. Rəis fikrə getdi. Lakin tez də fikrindən ayrılıb dedi: downloaded from KitabYurdu.org Yüklə 5,01 Kb. Dostları ilə paylaş:
|