Elxan Elatlı o gecə yağIŞ yağirdi
Yüklə 5,01 Kb. Pdf görüntüsü
|
downloaded from KitabYurdu.org * * * hərəkətini izləyirdilər. Pakizə və qızı İlahə də açıq eyvanın məhəccərinə söykənib ona baxırdılar. Qasımlı eyvana tərəf çevrilib Pakizədən soruşdu: - Mərhumun arvadı sizsiniz? - Bəli, mənəm! - Pakizə cavab verdi. - Siz izahatınızda yazmısız ki, ərinizi vuran adam qaçanda bu məftilə ilişdi, eləmi? - Bəli, ilişdi, az qaldı yıxılsın! Çox bərk toqquşdu. - Əlində tüfəng gördüz? - Bəli! - Tüfəngi necə tutmuşdu? Dik, yoxsa üfüqi? - Yox, dik tutmamışdı. Elə-belə... Sağ əli ilə yanında tutmuşdu. - Hansı əlamətə görə onu Namaza oxşatdız? - O cür əyri qaçış ancaq Namaz əclafda olar. Yeriyəndə ayaqları bir-birinə dolaşır. Qasımlı şlyapasını çıxanb məftilin altından keçdi və həyətin içinə doğru getdi. Burada həmin çəkmələrə uyğun izlərin bəzisi hələ qalmışdı. O bu izləri tutub köhnə çəpərin nisbətən alçaq yerindən adlayıb küçəyə çıxdı və hərlənib küçə qapısından həyətə girdi. Pilləkənə yaxınlaşıb mayor Cəfərlidən soruşdu: - O kağız parçasını haradan tapmışdız? Xahiş edirəm, yerini dəqiq göstərin! - keçmiş polis işçisinin səsində soyuqluq hiss olunurdu. Cəfərli əyilib taxta pilləkənin altından kağızı tapdığı yeri barmağı ilə göstərdi. - Baxın, buradan! Tüfəngdən çıxıb düşmüşdü. Qasımlı bir daha pilləkəni, eyvanı gözdən keçirtdi. Beydullaya güllə dəyərkən onun harada olduğu ilə maraqlandı. Gülləni atarkən qatilin dayandığı yeri müəyyənləşdirib həmin yerdə dayandı və diqqətlə Beydullamn axırıncı dəfə çıxdığı qapıya baxdı. Sonra cibindən «Kent» qutusunu çıxarıb bir siqaret yandırdı. Üzünü Kazım müəllimə tutaraq: - Yəqin ki, məktəbdə dərslər qurtarmış olar. Xahiş edirəm, məktəb downloaded from KitabYurdu.org downloaded from KitabYurdu.org * * * direktorunu, Qurbanı və Əlini məktəbə çağırın! - dedi. Mayor Cəfərli bayaqdan özünü arxayın və təkəbbürlü aparır, müstəqil xəfiyyənin hərəkətlərini yüngül istehza ilə izləyirdi. Onun öz işini hələ də qurtarmadığını görərək soruşdu: - Cənab polkovnik! Mənim gəldiyim qənaətə əlavə etməli yeniliyiniz var? Qanbay Qasımlı qaşqabaqlı halda qısa cavab verdi: - Hələ heç nə deyə bilmərəm! * * * Məktəbin direktoru, Qurban və Əli məktəbin həyətində onlan gözləyirdilər. Həyətə girən kimi Qasımlı yavaşca Kazım müəllimdən soruşdu: - O hündürboylu Əlidir? - Bəli... Tanıyırsız? - Xeyr, izahatları oxumuşam. Direktorun kabinetində Qasımlı birinci növbədə dördüncü sinif şagirdi Zəkiyev Elçinin sinif dəftərlərini istədi. Direktor o saat iki dəftəri gətirib onun qarşısına qoydu. Qasımlı mayor Cəfərlidən pilləkənin altından tapılmış əzik kağız parçasını aldı. Elçinin riyaziyyat dəftərini kənara itələyərək, ana dili dəftərini açdı və oradakı yazılar ilə əzik kağız parçasında olan yazıları tutuşdurdu. Yazıların eyni uşaq tərəfindən yazıldığı şübhəsiz idi. Təcrübəli xəfiyyə dəftəri vərəqləyib oradakı imlaların mətni ilə maraqlandı. Dəftərdə cəmi beş imla var idi. Nədənsə ikinci imlanın əvvəli ilə o biri səhifədəki sonu məna etibarilə uyuşmurdu. Qasımlı bir də mətni oxuyub başa düşdü ki, dəftərdən ikinci səhifə tamamilə cırılıb. O, dəftərin vərəqlərini sayaraq buna bir daha əmin oldu. Başını qaldırıb kabinetdə oturanlara dedi: - Pilləkənin altından tapılan kağız bu dəftərdən cırılıb! - Əlbəttə, mən bu dəftərə baxan kimi dedim ki, bu dəftərdəki yazılar həmin kağızdakı yazılar ilə eynidir. - Cəfərli lovğa-lovğa dilləndi. Qasımlı ona istehzalı bir nəzər saldı: downloaded from KitabYurdu.org downloaded from KitabYurdu.org * * * - Siz, deyəsən, məni başa düşmədiniz, cənab mayor! Mən deyirəm ki, həmin vərəq məhz bu dəftərdən cırılıb. Bu dəftərdən! Məgər bu dəftərin Namaza bir dəxli var? - Necə yəni dəxli var. Bu dəftər Namazın oğlununkudur. - Cəfərli əsəbiləşdi. Qasımlı başını bulayıb üzünü direktora çevirdi: - Sizdə uşaqlar yoxlama yazı dəftərini evə apanrlar? Direktor təəccübləndi: - Yox, heç elə şey olar? - Bəs Səmayə müəllimə necə, dəftərləri evə aparır? Tutaq ki, yoxlamaq üçün. - Bəli, mən buna icazə vermişəm. Qanbay Qasımlı bir siqaret yandırıb davam etdi: - Mən rayonda sənədləri oxuyanda bir protokolda Səmayə müəllimənin də imzasına rast gəldim. Onun da familiyası Əlinki ilə eynidir. Hər ikisi İbişovdurlar. Onlar necə qohumdurlar? - Əli Səmayə müəllimənin əridir! - Direktor təəccüblə cavab verdi. - Xahiş edirəm, Əlini içəri çağırın! Direktor çıxıb həyətdə gözləyən Əlini içəri dəvət etdi. Əli otağa girib hamıya salam verdi və sakitcə dayandı. Onun saçlan alnına tökülmüş, üz-gözünü tük basmışdı. Yəqin ki, Beydulla üçün yas saxlayırdı. Qasımlı onu başdan ayağa kimi süzdü. Özünə yaxın yerdə olan stulu göstərib oturmağı təklif etdi. Sonra isə birdən-birə ona yox, mayor Cəfərliyə müraciətlə danışmağa başladı: - Cənab mayor! Siz ayaq izlərinə görə çəkmənin sağ tayında kəsik olduğunu düz müəyyənləşdirmisiz. Ancaq o kəsiyin çəkmədə hansı səbəbdən yarandığı sizi dərindən maraqlandırmayıb. Fərziyyə irəli sürmüsüz ki, Namaz odun doğrayarkən çəkməni balta kəsib. Hansı ki, həmin kəsiyin palçığını yuyub ona diqqətlə baxmaq kifayətdir ki, həmin yerin bilərəkdən, özü də bıçaqla bir neçə dəfəyə sürtülüb kəsildiyi məlum olsun. Bu belə! Kəsikdə müxtəlif palçıq qalıqları var. downloaded from KitabYurdu.org Yüklə 5,01 Kb. Dostları ilə paylaş:
|